Македонија
ДИК да ги поништува изборните резултати заради финансирањето на кампањите
Државната изборна комисија да може да ги поништи изборните резултати доколку се појават нерегуларности во финансирањето на изборните кампањи на политичките субјекти за да се сфатат изборите како државна придобивка, бараат политичките експерти
Да се отстрани психичкиот притисок во изборниот процес во Македонија, да се ажурираат избирачките списоци, да се регулира финансирањето на кампањите на политичките субјекти, учесници во изборите и да се обучи администрацијата се дел од препораките на експертите за подобрување на изборниот процесСамо 40 отсто од постапките против нарушителите на изборниот процес од 2008 година се завршени, а по завршувањето на главните претреси надлежните основни судови за 23 лица донеле осудителни пресуди, а ослободени од обвинение се 2 лица, заклучиле набљудувачите на Коалицијата Сите за правично судење. Професорката Тања Каракамишева, која соработувала со Коалицијата во изработка на Извештајот за институционалниот одговор против изборните нерегуларности 2008-2009 година смета дека финансирањето на изборните кампањи се уште е еден од поголемите проблеми во изборните процеси во Македонија. Незадоволна од начинот на кој партиите и политичките субјекти ги доставуваат финансиските извештаи до Државниот завод за ревизија предлага да се направи образец што ќе го поплнат сите подеднакво. “Државниот завод за ревизија потполно ја промарши работата. Или тој треба да добие јаки законски решенија и регулативи или да се најмат странски или домашни агенции што ќе бидат задолжени за обработка на финансиските извештаи“, рече Тања Каракамишева на денешната презентација на Финалниот извештај. Според неа, треба да се поднесуваат финансиски извештаи најмалку три пати, при распишувањето избори, на средина на процесот и по завршување на изборите, а на крај да може да се споредат потрошените средства со пријавените. Исто така, Каракамишева предлага еден отсто од Буџетските средства наменети за изборите да се поделат на сите политички субјекти подеднакво за кампања, со што би се избегнало и политизирање на медиумите. Каракамишева забележува дека за последните претседателски и локални избори, без разлика што во Извештајот на Антикорупциска за постоење дискрепанца во однос на финансирањето на кампањите со препорака јавен обвинител да покрене постапка против политичките субјекти, тоа не е направени и никој не го проследува. Како крајна мерка, Каракамишева предлага Државната изборна комисија да може да ги поништи изборните резултати врз основа на несоодветствување на финансиските извештаи и потрошените пари, затоа што само на тој начин ќе се смени практиката на наштите поилитичари, кои на досегашниот начин знаат дека ќе поминат неказнето, па продолжуваат по старо. Според неа и фактот што членовите на ДИК се од политички паритии доведува до тоа многу извештаи на ОИК за нерегуларности да не стигнат до јавниот обвинител како докази по кои може да се постапува. Проблемите со избирачкиот список може да се надминат доколку се ажурира стариот список, а како препорака во Извештајот се наведува да се создаде друг список, посебен, за граѓаните на Македонија, кои подолго време живеат во странство. Исто така, Каракамишева вели дека без разлика што на последните избори во Македонија немаше оружено насилство, сепак присутно беше психичкото насилство, кога групи луѓе гласаа под притисок за одредена политичка опција, а особено тоа е присутно во руралните средини и во помалите изборни единици. Како четврт проблем е забележана неспремноста на изборната администрација, која како што препорачува Извештајот, треба многу порано да почне со обуки, а не неколку месеци пред избори. ДИК да биде столб на изборниот процес со подготвени упатства за пониските органи, за да не се дојде до ситуација како што годинава се случи со членот 7 од Изборниот законик кога различно се толкуваше дали може човек осуден на казна затвор од 6 месеци да биде кандидат или не. За Александар Чочоровски, кој исто така работел на Извештајот незамисливо е што полицијата била директен учесник во неколку нерегуларности на изборите, а казнети се само директните учесници, 12 полициски слиужбеници, но никој од повисоките полициски инстанци не сноси никаква одговорност.Извештајот е изработен по специјална методологија со следење на судски процеси и собирање информации од релевантни институции, ДИК, Врховен и Управен суд, Антикорупциска, Државниот завод за ревизија, Советот за радиодифузија и други. Коалицијата Сите за правично судење Финалниот извештај го спрведе со финансиска поддршка на Мисијата на ОБСЕ и фондавијата ФИООМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.