Спорт
За Лев Шпанија е новиот шампион
Германскиот селектор смета дека Шпанија докажа дека е најдобрата репрезентација на светот последените години, додека неговите фудбалери сметаат дека во Дурбан не биле доволно Храбри. Дел Боске и Виља ја респектираат Холандија
„Пресреќен сум и горд на моите играчи. Не сакам да зборувам за имиња, сите подеднакво се заслужни за овој триумф и голем резултат кој го остваривме. Пред нас остана уште еден натпревар и сакаме првенството да го затвориме со победа. Ја знаеме холандската сила и не’ очекува неизвесен меч“, изјави по натпреварот со Германија, шпанскиот селектор Винсенте дел Боске. „Среќен сум бидејќи ова беше наш најдобар меч на првенството. Бевме најважни кога требаше. Германија практично немаше ниедна шанса на натпреварот. Го остваривме најголемиот резултат во историјата на нашата репрезентација, но пред нас е уште еден чекор“, вели Давид Виља кој беше заменет на вечерашниот меч против „елфовите“ во второто полувреме. „Сакам да им честитам на Шпанците на победата, верувам дека ќе станат светски прваци. Најдобри се на светот последните две-три години Одлично ја држеа топката што ни создаваше големи проблеми. Заради тоа се трошевме и немавме доволно свежина“, изјави Јоаким Лев, кој по вторпат губи меч од шпанската репрезентација во еден многу важен меч, по финалето на Евро 2008 г.Германскиот капитен Филип Лам е разочаран од исходот.„Разочарувањето е огромно. Тешко е да се загуби во полуфинале и во моментов немам никаква волја да играм за третото место. Во првото полувреме не игравме доволно храбро и тоа беше клучно“, вели Лам.„Тешко е сега нешто паметно да се каже. Пораз во полуфинале е шок за сите. Имам чувство дека вечерва паднавме бидејќи не бевме доволно храбро. Меѓутоа, мораме да бидеме горди од она што го постигнавме на првенството, а уште не е завршено“, вели младиот германски голман Мануел Неуер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Павловиќ и Мењан за триумф на Милан над Рома
Фудбалерите на Милан ја победија Рома со 1:0 на „Сан Сиро“ во натпреварот што се одигра во рамките на 10-то коло од Серија А.
Единствениот гол на натпреварот го постигна Страхиња Павловиќ во 39-та минута од натпреварот.
Павловиќ го почувствува моментот, ja следеше контрата која ја повлече Рафа Леао, а потоа ја заврши акцијата.
Павловиќ со вториот гол сезонава во Серија А ја казни Рома за неискористените шансидо тој момент.
Во финишот од натпреварот, во 82-та минута, Пауло Дибала не реализираше пенал. Мајк Мењан го одбрани неговиот удар.
Со оваа победа, Милан се изедначи на табелата со Рома и Интер. Овие три екипи имаат по 21 бод, еден помалку од лидерот Наполи.
Во следното коло, Милан ќе гостува кај Парма, додека Рома ќе го пречека Удинезе.
Foto/ EPA
Спорт
Гвардиола: Судиите десет години го ограбуваат Манчестер сити
Пеп Гвардиола, тренерот на Манчестер сити, беше многу лут по победата на неговиот тим против Борнмут со 3:1 во Премиер лигата.
Тренерот на „Граѓаните“ ги нападна судиите поради голот на Борнмут, кој според него беше постигнат по прекршок врз голманот Донарума.
„Неверојатно е што претставува гол за судиите. Тука сум десет години и се познаваме многу добро. Многу сум среќен со она што го постигнав досега во Сити“, рече Гвардиола.
Тој не застана тука со критиките кон судијата Ентони Тејлор.
„Му реков да ми објасни дали е прекршок или не. Не се удостои да ми одговори. Сите тука на „Етихад“ се храбри, многу храбри. Знам дека во минатото познати тренери во минатото им се јавувале. Јас не, а ниту тие ќе ме повикаат. Знам точно што можам да очекувам на стадионот“, заклучи Гвардиола.
Спорт
(Видео) Барселона рутински го реши Елче – Јамал го прекина голгетерскиот пост
Фудбалерите на Барселона го победија Елче со 3:1, во натпреварот од 11-то коло на шпанската Ла Лига.
Избраниците на Ханси Флик не си дозволија уште еден неуспех и ја имаа контролата од почетокот на натпреварот.
Со својот прв гол по повеќе од два месеци во првенството, Ламин Џамал и донесе водство на Блауграна во деветтата минута, а само две минути подоцна Феран Торес го дуплираше водството.
Рафа Мир им ја врати надежта на гостите од Елче во 42-та минута, непосредно пред паузата.
Во 61-та минута, Маркус Рашфорд, со удар од гредата, ја врати предноста од два гола на домашниот тим, чија победа не беше доведена во прашање.
Вреди да се спомене, дека Рафа Мир ја погоди стативата десет минути подоцна, но немаше промена на резултатот.
Барса е втора на табелата со 25 бода, пет помалку од лидерот Реал, додека Елче е деветти со 14 бода.
Foto/ EPA

