Спорт
СП во Турција – Аргентина и Србија фаворити во А групата
Во сабота ќе започне кошаркарската магија во Турција. Собир на најдобрите 24 репрезентации на светот поделени во четири групи.Групата А која ќе настапува во Кајсери има два фаворита Србија и Аргентина.
Во сабота ќе започне кошаркарската магија во Турција. Собир на најдобрите 24 репрезентации на светот поделени во четири групи. Групата А која ќе настапува во Кајсери има два фаворита Србија и Аргентина. Австралија и Германија се очекува да минат во вториот круг, а Ангола и Јордан да го завршат СП по првиот круг. Србија има тим за респект со Теодосиќ и Тепиќ на бековските позиции, како и одлични играчи на центарските позиции, Радуљица, Мачван и Перовиќ, додека за првиот центар Крстиќ ФИБА во четврток ќе решава дали и колку ќе биде казнет за тепачката во Атина, а пријави има и против Теодосиќ и Кешељ. Во составот засега се Пауниќ, Милосављевиќ, Рашиќ и Марковиќ (бекови), Бјелица, Кешељ, Савановиќ и Величковиќ (крила). Аргентина иако е без Ману Џинобили , на бековските позиции има НБА тандем Андерс Ночиони и Карлос Делфино, а под кошевите ги има Луис Скола и Фабрицио Оберто што е доволна гаранција дека оваа екипа ќе се вклучи во борба за висок пласман. Во екипата се и: Кинтерос и Приџиони (б.), Гитерез, Јасен и Камерич (к.) и Гонзалес и Ј. Гитерез (ц.). Прашање е колку Германија може да постигне со состав во кој ќе ги нема Дирк Новицки и Крис Каман. На минатото ЕП се сопнаа од нашата репрезентација. Натурализираниот бек Дејмон Грин и искусниот Штефен Хаман ќе ја предводат екипата во која се уште и Гинтер, Шафарцик и Штајгер (б.), Бензинг, Харис, Идбихи, Шветхелм и Висоцки (к.) и Јагла, Олбрехт, Мекнајтон, Плајс (ц.) Австралија е ослабена бидејки го нема на центарската позиција Ендрју Богут од Милвоки Бакс. Сепак победата над Бразил во подготвителниот период кажува дека овој тим не е за потценување. Селекторот Брет Браун се определи за Делаведова, Марковиќ, Мартин и Њули (б.), Барлоу, Инглс, Вортингтон (к.) и Андерсен, Нилсен, Мариќ, Огливи и Бејнс (ц.) Ангола и Јордан се очекува да играат епизодна улога, и покрај тоа што Анголците допатуваа како прваци на Африка. Евентуална победа на една од овие две репрезентации над претходно претставената четворка би се сметало за првокласна сензација.крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Карагер заврши во „Жолтиот ѕид“ па пијан ги ги интервјуирал играчите
Џејми Карагер не можеше да одолее на привлечноста на „Жолтиот ѕид“. Првиот полуфинален натпревр во Лигата на шампионите меѓу Борусија Дортмунд и ПСЖ (1:0) го искористи од прва рака да ја почувствува атмосферата на „Вестфален“.
Карагер од трибината, со навивачите на Борусија го виде победничкиот гол на Никлас Филкруг, со кој Борусија обезбеди минимална предност пред реваншот во Париз.
Поранешниот фудбалер на Ливерпул, сега фудбалски коментатор и аналитичар одлично се забавуваше меѓу најверните навивачи на „милионерите“. Можеби малку премногу, бидејќи се врати во алкохолизирана состојба.
Од студиото го прашаа дали е доволно трезен за да го води интервјуто, кога се врати и го зазеде своето место покрај Петер Шмајхел.
„Тоа всушност има смисла, затоа што не јадев премногу. Јадев чизбургер ооколу два и пол кога стигнав до хотелот. Тоа може да објасни зошто ми се платка јазикот додека зборувам! Осум пива на „Жолтиот ѕид“, имам ново семејство, ново семејство на пријатели, тоа беше едно од најдобрите искуства во мојот живот, неверојатно“, одговори Карагер.
Во микс зоната, Карагер и Шмајхел го интервјуираа Џејдон Санчо. Карагер го праша: „Ако дојдеш до финалето можеме ли заедно да испиеме неколку пива“.
„Не пијам“, кратко му одговори Санчо.
Jamie Carragher smashed after 8 pints, interviewing Jadon Sancho…
CBS never misses 🤣🤣 pic.twitter.com/CCnsZ7ZMgA
— Project Football (@ProjectFootball) May 1, 2024
Спорт
Анадолу Ефес верува во Мијатовиќ
Хрватскиот тренер Томислав Мијатовиќ ја продолжи соработката со Анадолу Ефес, потврди од клубот од Истанбул.
Мијатовиќ го презеде турскиот тим на почетокот на февруари, истиот ден кога беше објавено дека ќе си замине Ердем Џан.
Во тој момент Ефес беше на 16. место во Евролигата, но до крајот на регуларниот дел успеа да се избори за место во плеј-ин.
Таму беа елиминирани од Виртус, но клупските челници искажаа задоволство од неговата работа, поради што и му понудија договор на две сезони.
Ефес пред три дена ја совлада Дарушафака во 29. коло од турскиот шампионат и со тоа го обезбеди првото место пред почетокот на плеј-офот.
Спорт
Лукс Ернандез го пропушта Европското првенство?
Францускиот репрезентативец, Лукс Ернандез (28), се повреди во текот на полуфиналениот натпревар од Лигата на шампионите меѓу Борусија Дортмунд и ПСЖ (1:0).
Ернандез го повреди левото колено кога се обиде да го блокира Никлас Фулкруг, во моментот кога напаѓачот го постигна единствениот гол на натпреварот во 36.минута.
Ернандез веднаш го напушти теренот, клубот се уште не објави за каква повреда станува збор. Медиумите шпекулираат дека станува збор за вкрстените лигаменти.
„Неговото колено имаше навистина голем оток по натпреварот“, изјави тренерот на ПСЖ, Луис Енрике.
Лукас Ернандез е брат на Тео Ернандез, член на Милан. Лукас кариерата ја започна во Атлетико Мадрид, а Баерн го доведе во 2019 година за 80 милиони евра. Четири години подоцна тој пристигна во ПСЖ за 45 милиони евра.
Ернандез има 37 настапи за француската репрезентација со која го освои Светското првенство во Русија во 2018 година, додека во Катар во 2022 година се повреди во 13. минута од првиот меч со Австралија. После тоа тој повеќе не играше, а неговиот тим стигна до финалето и загуби од Аргентина.
Тој ја освои и Лигата на нации во 2021 година, во карирата освоил 14 клупски трофеи.
Со оглед на тоа што францускиот селектор Дидие Дешам има рок до 16 мај да го состави списокот со играчи за ЕП, а ситуацијата со Ернандез се уште е неизвесна, можно е тој да не се најде на списокот на патници за ЕП.
Европско првенство започнува на 14 јуни. во Германија. На ЕП Франција ќе биде во групата Д со Холандија, Австрија и Полска.