Македонија
Бучковски: Ваков СДСМ не е алтернатива за Груевски

Социјалдемократскиот сојуз (СДСМ) според принципите на кои денес е раководен и според промоцијата на политиките, не претставува сериозна алтернатива на Никола Груевски.
Социјалдемократскиот сојуз (СДСМ) според принципите на кои денес е раководен и според промоцијата на политиките, не претставува сериозна алтернатива на Никола Груевски.Ова денеска го изјави поранешниот претседател на СДСМ Владо Бучковски во интервју на Радио Слободна Европа во врска со критиките што ги упатува во последно време за функционирањето на најголемата опозициска партија. „Дефинитивно јас како поранешен претседател на СДСМ чувствувам одговорност за она што го гледам и слушам како состојба во партијата и затоа мислам дека со оваа моја серија анализи се обидувам да помогнам на СДСМ да функционира поинаку“, вели Бучковски. Тој негира дека целта на неговите критики е да го изложи лидерот на партијата Бранко Црвенковски на тапет за тоа што се случува во моментов во партијата, туку да се создаде атмосфера за победа во наредните избори.„Црвенковски е најодговорен да создаде ситуација каде што неговото заминување, што очигледно мора да се случи порано или подоцна, нема да претставува потоп и нема да биде создадена атмосфера дека единствено тој е оној кој може да го победи Груевски и ВМРО ДПМНЕ туку тој мора да создаде систем која ќе биде сигурна гаранција дека на идните парламентарни избори СДСМ може да го победи ВМРО ДПМНЕ“, рече Бучковски.Според него, времето ќе покаже дека демократизација за која, тој денес говори, ќе мора да се случи порано или подоцна и ќе биде реалност во СДСМ.Јас не претендирам Црвенковски да биде сменет на недемократски начин, но ако е сигурен во поддршката на членството, сметам дека негов најголем интерес би било тој да е промотор на идејата за непосредни демократски избори, уште повеќе што по дефиниција политичките партии се реформираат кога се во опозиција, изјави Бучковски.Иако е свесен дека таквата идеја нема да има поддршка кај раководството на партијата, Бучковски е уверен дека идејата би добила поддршка кај поширокото членство и симпатизерите на партијата.„Јас ова го правам затоа што сум свесен дека во овие околности начинот на кој владее Никола Груевски е штетен за Македонија, комоцијата која сега тој ја има е поради тоа што опозицијата не е на она ниво на кое треба да биде една опозиција во држава каде што е загрозена демократијата, каде што не владее правото и каде што е загрозена слободата на медиумите “, смета Бучковски. /крај/рсе/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Фото) Признанија за најдобрите ученици од општина Илинден

Градоначалникот на општина Илинден Александар Георгиевски приреди прием за учениците од општинските основни училишта кои освоија високи места на државните натпревари и им додели признанија за постигнатите резултати.
Градоначалникот им ги честиташе успесите на учениците и нивните ментори и истакна дека е горд што има голем број наградени ученици од општина Илинден. Тој додаде дека локалната самоуправа посветено цели да ги промовира и поттикнува постигнатите успеси и достигнувања на учениците од општината.
На вкупно 20-тина ученици и нивните ментори и годинава им беа доделени признанија за постигнатиот успех, што претставува признание за трудот на наградените, но и мотив за останатите. Учениците беа наградени за високи достигнувања на државните натпревари по македонски јазик, англиски јазик, биологија, природни науки, како и на натпреварот по Информатичко размислување, велат од Општината.
Македонија
(Фото) Герасимовски: Граѓаните со големи пофалби за новоизградената градинка Пролет

Вчера, во рамки на караванот „Се гледаме во маало“, градоначалникот Горан Герасимовски се сретна со жителите на населбата Пролет, каде пред само еден месец беше отворена најубавата и најмодерната градинка „Пролет“ во Македонија.
Жителите на оваа населба упатија големи пофалби за новоизградената градинка, прва и единствена во Пролет која претставува вистински пример за современа детска заштита. Изградена според највисоки светски стандарди, со целосно нова, безбедна и инклузивна средина, таа денес е гордост на целата општина, велат од Центар.
„Овие маалски средби ни се многу важни, тие се можност директно да го слушнеме мислењето на граѓаните, нивните идеи, предлози и предизвици. Затоа и го правиме овој караван, затоа што општината не треба да чека граѓаните да дојдат кај нас, туку ние треба да одиме кај нив и да работиме исклучиво во нивен интерес“, изјави Герасимовски.
Средбата се одржа на маалско игралиште кое беше опремено од градоначалникот Герасимовски, каде што децата безгрижно растат, учат и се дружат. Центарци го поздравија континуираниот развој на Центар, во изминатиот период беа реконструирани 20 улици, подобрени беа условите во сите градинки и основни општiски училишта, а есенва ќе биде пуштена во употреба и реконструираната спортска сала „Работнички“, уште еден капитален проект во интерес на граѓаните, соопшти Општината.
Македонија
Оставки од Тошковски и Јанев и кривична одговорност, бара СДСМ

Последната акција на ОЈО ГОК потврди сè. СДСМ ја говореше вистината за Кочани од првиот ден.
Уапсените полициски службеници вчера се лица кои СДСМ ги објави во серијалот „Вистината за Кочани“ како директно одговорни за дозволување на нелегалното работење на „Пулс“, велат од опозициската партија.
„Благодарение на објавените факти и притисокот, конечно се постапува. Но, останува фактот дека четири месеци директорот на Бирото за јавна безбедност Александар Јанев, министерот Панче Тошковски и целиот врв на ВМРО-ДПМНЕ се обидуваа да ги заштитат и да ја прикријат одговорноста.
Тие бранеа и криеја свои функционери, ја лажеа јавноста и вршеа притисоци врз Обвинителството за да не се постапува против нивните кадри кои се докажано директно одговрни за пожарот во кој изгореа 62 деца“.
Според СДСМ, Александар Јанев, како прв човек на БЈБ, има директна одговорност за своите подредени. Тој, како што велат, ги поставил, тој давал наредби и затоа додаваат дека мора да понесе оставка и да следи кривична одговорност.
„Истото важи и за Панче Тошковски, кој целиот период ја штитеше структурата во полицијата и тврдеше дека нема вина.
Христијан Мицкоски, пак, со недели ја користеше трагедијата за политички напади, обвинувајќи ги сите, освен оние што ги поставил на функција. Ги лажеше родителите, ја манипулираше јавноста и се обидуваше да ја задуши вистината.
Без одговорност за Јанев, Тошковски и Мицкоски, нема целосна правда. А правда за Кочани мора да има“, потенцираат од СДСМ.