Македонија
Продолжува нагорниот тренд на МБИ 10

Индексот МБИ-10 кој минатата недела беше во растечки тренд, со исто темпо продолжи и денеска остварувајќи пораст од 4,88%
Индексот МБИ-10 кој минатата недела беше во растечки тренд, со исто темпо продолжи и денеска остварувајќи пораст од 4,88% и вредност од 2.620,92 индексни поени.
МБИД искачувајќи се на ниво од 2.400,71 индексни поени, забележа пораст од 5,00%. Индексот за обврзници ОМБ оствари незначителен пораст од 0,03% позиционирајќи се на ниво од 104,74 индексни поени
Промет од 34.660.067,83 денари се оствари при денешното тргување на Македонската Берза за хартии од вредност, од кои 30.152.998,83 денари на официјалниот пазар. На редовниот пазар прометот изнесуваше 4.507.069,00 денари.
Повторно Акцијата на Комерцијална Банка оствари најголем промет на официјалниот пазар кој изнесуваше 8.612.709,00 денари. Истргувани беа вкупно 3.406 акции со просечна цена од 2.528,69 денари при тоа остварувајќи пораст од 2,28%. Максималната цена која се постигна изнесуваше 2.600,00 денари а минималната 2.488,00 денари.
Државната обврзница за денационализација од осмата емисија оствари промет од 6.472.259,99 денари, а вкупно беа истргувани 139.978 обврзници. Просечната цена минимално опадна за 0,01% и изнесуваше 75,29%.
Акцијата на Стопанска Банка Битола беше меѓу најтргуваните на официјалниот пазар со промет од 4.706.027,00 денари. Интересот за оваа акција се должи на последниот ден на тргување со право на дивиденда кој сеуште не е поминат. Просечната цена изнесуваше 3.511,96 денари што претставува пораст од 1,78%. Вкупно се истргуваа 1.340 акции.
Акцијата на Тутунска Банка оствари промет од 2.484.708,00 денари. Просечната пазарна цена изнесуваше 4.321,00 денари остварувајќи пораст од 0,78%. Вкупно се истргуваа 575 акции. Цената на тргуваните акции се движеше во распон од 4.200,00 денари до 4.350,00 денари.
Македонски Телеком оствари промет од 972.916,00 денари при истргувани 2.529 акции. Просечната цена се зголеми за 1,95% изнесувајќи 384,70 ценари по акција.
Макпетрол објави дивиденден календар во кој го наведува датумот 26.06.2009 како последен ден на тргување со право на дивиденда. За прв ден на тргување без право на дивиденда се утврдува 29.06.2009, а исплатата на дивидендата ќе се врши до 30.09.2009 година. Дивидендата за 2008 година изнесува 1.000,00 денари по акција.
Пет најтргувани хартии од вредност
1. Комерцијална Банка Скопје
2. Р.Македонија – денационализација 08
3. Стопанска Банка Битола
4. Макпетрол Скопје
5. Тутунска Банка Скопје
Хартии од вредност со најголем раст
1. ИЦН-Фарм АД Скопје 33,33%
2. Прилепска Пиварницја Прилеп 32,44%
3. Раде Кончар Скопје 30,96%
4. Централна Кооепративна Банка Скопје 25,00%
5. Попова Кула Демир Капија 12,00%
Хартии од вредност со најголем пад
1. Витаминка Прилеп 4,41%
2. Р.Македонија – Денационализација 0,01%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мисајловски и генералот Лафчиски со вработените во Министерството и припадниците на Генералштабот по повод 18. Август – Денот на Армијата

Денеска (15 август) пред платото на Министерството за одбрана и Генералштабот, министерот за одбрана Владо Мисајловски и началникот на Генералштабот, генерал-мајор Сашко Лафчиски по повод Денот на Армијата се обратија пред вработените при што ја истакнаа нивната професионалност и посветеност на службата.
Министерот Мисајловски изрази почит и благодарност до сите жени и мажи во Министерството за одбрана и Армијата кои, како што рече, посветено работат за државата, нејзината безбедност и сигурност.
„Пожртвуваноста на припадниците на Армијата при справувањето со секојдневните предизвици за заштита на македонските граѓани е јасна и препознаена од македонските граѓани. Тие имаат силна доверба во вас и ви оддаваат почит и признание – за вашата храброст и посветеност. Вредностите кои секој припадник на Армијата ги покажува секојдневно, се вредности кои ги негувате и вие – офицерите и подофицерите во Генералштабот и вработените во Министерството за одбрана кои со посветеноста, професионалноста и интегритетот кој го имате го градите имиџот и на Министерството и на Армијата“, рече тој.
Министерот истакна дека „изминатиов период се започнати многу проекти, голем број проекти завршивме, како инфраструктурни, така и проекти за опремување и модернизација на македонската Армија“ и додаде дека следниот период особено внимание ќе се посвети на подобрување на условите на работа за секој вработен, затоа што „одбраната на државата зависи од секој еден од вас.“
Генералот Лафчиски порача дека „18. Август е денот кој ги обединува сите денови на командите и единиците кои ги славиме во Армијата, тоа е празникот кој го празнуваат сите сегашни и сите поранешни припадници кои што во изминатите 33 години придонесоа во изградбата на модерната Македонска Армија.“
За време на свеченоста, делегација од Министерството и Генералштабот предводена од министерот Мисајловски и делегација од семејствата на загинатите бранители, положија свежо цвеќе пред спомен-обележјето на загинатите бранители пред зградата на Министерството, оддавајќи им почит и благодарност за нивната пожртвуваност и храброст.
Претходно, делегации од Министерството за одбрана и Генералштабот, како и претставници од кабинетот на Претседателката, Собранието, Владата и Организацијата на резервни воени старешини положија венци со свежо цвеќе на Партизанските гробишта, на гробот на загинатиот претседател Борис Трајковски, на гробот на поранешниот претседател Киро Глигоров и на гробот на генерал Михаило Апостолски.
На свечениот собир на вработените Министерството за одбрана и Генералштабот присуствуваа и заменикот на началникот на Генералштабот, генерал-мајор Азим Нуредин, државниот секретар Елизабета Чуповска Ристова, директорот на Генералштабот, бригаден генерал Орце Јордев, вработени во Министерството и Генералштабот и останати гости.
Централната свеченост по повод Денот на Армијата ќе се реализира на 18 август во касарната „Јане Сандански“ во Штип.
Македонија
МВР: Не се води никаква постапка против Билјана Ивановска

Во врска со случајот со Билјана Ивановска поранешна претседателка на Антикорупциската комисија, Министерството за внатрешни работи известува дека против неа МВР не води никаква постапка.
„За сите пријави и постапки кои што ги води Обвинителството, тоа е единствено надлежно за одговори во врска со истите“, велат од МВР.
„11 часа по објавувањето на мојата кандидатура за градоначалничка на општина Центар, полицајци затропаа на мојата врата“, објави поранешната претседателка на Државната комисија за спречување на корупцијата (ДКСК) и актуелна независна кандидатка за градоначалник на општина Центар.
Во врска со пријавата против Ивановска, Обвинителството соопшти:
„Јавен обвинител од Основното јавно обвинителство Скопје постапува по приватна кривична пријава поднесена на 18.2.2025 година и презема дејства за да ги провери наводите. Како едно од дејствата е испитување на наведеното лице, кое во периодот на кој се однесува пријавата била претседателка на ДКСК. Поканата за испитување од Обвинителството е испратена на 25.7.2025 година и на ниеден начин не може да се доведе во релација со политичките активности на поканетата“.
Македонија
Поради пожар целосно прекинат сообраќајот кон ГП Јажинце и преминот на границата во двата правци

Министерството за внатрешни работи известува дека поради пожар во близина на Јажинце, прекинат е сообраќајот на патниот правец Тетово – ГП Јажинце кај село Рогачево, во двата правци, а затворен е и граничниот премин Јажинце.
Министерството за внатрешни работи во координација со другите надлежни институции презема мерки за гасење на пожарот.
„Апелираме до граѓаните да не тргнуваат кон ГП Јажинце до гасењето на пожарот и нормализирање на сообраќајот, за што соодветно ќе ја информираме јавноста“, велат од МВР.