Македонија
Имплементацијата на ДСГ најдобра реформа во здравството
На Форумот на здравствените фондови од регионот, што се одржува во Охрид, денеска се одржа сесија посветена на ДСГ (дијагностичко сродни групи) имплементацијата и подобрувањата во болничкиот ДСГ систем.
На Форумот на здравствените фондови од регионот, што се одржува во Охрид, денеска се одржа сесија посветена на ДСГ (дијагностичко сродни групи) имплементацијата и подобрувањата во болничкиот ДСГ систем.
На оваа сесија говореа директорката на ФЗОМ Маја Парнарџиева-Змејкова и директорот на словенечкиот фонд Само Факин, како и директорот на хрватскиот фонд, Тихомир Стризреп.
Тројцата директори имаа посебни презентации за искуствата, реформите и развојот на ДСГ системот, кој што веќе нормално функционира во овие држави. Притоа од изнесените податоци може да се направи споредба помеѓу имплементацијата на ДСГ во Македонија, Словенија и Хрватска, соопштуваат од ФЗОМ.
Во Словенија веќе 100 отсто од финансиските средства за болнички третираните пациенти се исплаќаат по овој систем (после 5 години имплементација), а кон ова целосно имплементирање на исплаќање по ДСГ се тежнее постепено да се воведе и во Хрватска и во Македонија.
Заедничкиот заклучок од сите три држави е дека споредено со претходниот систем каде што било 100 проценти плаќање по буџети на ЈЗУ, со воведувањето на плаќањето по ДСГ, здравствените услуги и здравствената заштита на пациентите се неколкукратно подобрени.
Просечниот болнички престој во сите држави е намален, велат од ФЗОМ, листите на чекање за некои специфични интервенции се исто така намалени, бидејќи со ДСГ системот јавните здравствени установи се плаќаат по дијагноза, а не по денови во кои што пациентот е болнички третиран.
Во моментов во Македонија просечниот болнички просек изнесува 6,25 денови, во Хрватска околу 7,5 денови а во Словенија 4,5 денови, додека во минатото просекот бил над 8 денови по пациент.
На крајот на денешната сесија беше заклучено дека ДСГ системот е една од најдобрите реформи спроведени во здравството во овие три држави, за што сведочат и другите развиени земји кои што работат по овој систем, а и другите држави од Балканот и регионот кои што се подготвуваат за воведување на ДСГ (Турција, Србија, Црна Гора), а исто така и некои земји од ЕУ (Литванија планира да го воведе во 2012).
Македонија се покажа како исклучително успешна при спроведувањето на ДСГ проектот, бидејќи иако последни го започнавме од оваа тројка на држави, денес рамо до рамо го спроведуваме во практиката, и веќе имаме мерливи параметри кои што не отстапуваат од параметрите на Словенија и Хрватска./крај/со/см
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На ден пред двојните избори гласаат болните и изнемоштените лица, затворениците и дијаспората
Денес своето право на глас први ќе го остварат болните и изнемоштените лица, како и затворениците во казено-поправните домови во државата.
Од Државната изборна комисија информираа дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.
Освен изнемоштените и затворениците, денес своето право на глас ќе го остварат и пријавените македонски државјани од дијаспората, но единствено за претседателските избори. Гласање за парламентарните избори во дијаспората нема да се спроведе поради недоволен број пријавени.
На овие парламентарни избори поднесени се 17 кандидатски листи, за парламентарните избори од кои 16 на политички партии и коалиции и една од група избирачи. На изборите учествуваат 61 партија. Од нив, 11 самостојно, а 50 во пет коалиции.
На вториот круг од претседателските избори право на глас имаат 1.814.317 избирачи, а на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство. Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи.
Македонија
Акредитирани 1078 домашни и 770 странски набљудувачи за изборите
За вториот круг од претседателските избори и парламентарните избори на 8 мај акредитирани се вкупно 1999 набљудувачи, преведувачи и странски новинари. Најмногу акредитирани се домашни набљудувачи – 1078. Изборите ќе ги следат и 770 странски набљудувачи за чии потреби се ангажирани и 85 преведувачи.
За известување од изборите, акредитирани се 66 странски новинари, меѓу кои и од Ројтерс, Асошиејтед прес, Ал Џезира и Франс прес.
Најмногу домашни набљудувачи акредитирало Здружението за развој на општествено – социјални иновации „ВАКЕ УП“ Скопје – 752, потоа Фондација Ромите за демократија – 151, Цивил – 82, Центарот за безбедносни истражувања – 46, Институтот за меѓународни односи и стратегии Охрид – 20, Националниот ромски центар Куманово – 14, Здружението за промоција и развој инклузива Куманово – 12 и Македонскиот центар за културен развој – еден набљудувач.
Специјалната мисија за проценка на изборите на ОБСЕ/ОДИХР има акредитирано 410 набљудувачи, 14 експерти и 31 преведувач, најмногу од странските набљудувачи. Парламентарното собрание на ОБСЕ (OSCE PA) има акредитирано 138 набљудувачи, Амбасадата на Соединетите американски држави во Скопје – 68 набљудувачи и 33 преведувачи, Парламентарното собрание на Советот на Европа – ад хок комисијата за набљудување на претседателските избори во Република Северна Македонија – 33 набљудувачи и 20 преведувачи, Иницијативата за дијалог и демократија Силба 30, Централната изборна комисија – Република Косово – 13, Европскиот парламент – 12 и други.
Македонија
Бојан Јовановски: Повикан сум на информативен разговор во полиција, ова е директен притисок и обид за цензура
Бојан Јовановски – Боки 13 соопшти дека денеска во 10 часот е повикан на информативен разговор во П.С Кисела вода (Пролече) во врска со пријава за загрозување на безбедност согласно член 144 од КЗ.
„Ова го чувствувам за директен притисок и обид за цензура од страна на засегнатите лица во врска со мојот настап кај „Лазаров“!“, објави Бојан Јовановски.
Јовановски претходно вчера објави дека веќе неколку дена е цел на закани и притисоци со цел да го откаже второ гостување на поткастот.