Европа
ЕП го одби предлог законот за трговија со ГМО производи
Европскиот парламент на пленарната седница во средата во Стразбур го отфрли предлог директивата со којашто на земјите членки на Европска унија би им се дозволи да ја ограничат или забранат продажбата и употребата на производи според генетски модификувани организми (ГМО), кои веќе се одобрени на ниво на ЕУ, сметајќи дека тоа е во спротивност со единствениот европски пазар.
Директивата на може да стапи на сила без поддршка од Европскиот парламент, а Европската комисија одби да го повлече предлогот и најави дека ќе ги продолжи разговорите со Советот на Европската унија, телото коешто ги претставува сите земји членки.
Предлогот на ЕК предвидува на државите членки да им се препушти одлуката дали сакаат на својата територија да ја ограничат или да ја забранат продажбата на ГМО производи, храна и сточна храна, кои веќе се одобрени на нови на ЕУ. Станува збор за слично решение како и директивата за одгледување на ГМО, која на сила стапи во април 2015 година, а којашто им овозможува на земјите членки да забранат одгледување на својата територија, иако одгледувањето на е одобрено на ниво на ЕУ.
Сите пратенички групи беа против предлогот, тврдејќи дека тој не е во согласност со принципите на единствениот европски пазар. Имајќи предвид дека трговијата ги надминува националните граници, па така и трговијата со ГМО производи, би било невозможно да се спроведе забрана на национално ниво без гранични контроли, истакнаа повеќето од европарламентарците. Против предлогот на ГМ беше големо мнозинство од 577, додека само 57 европски парламентарци го поддржаа.
На почетокот од октомври беше објавено дека вкупно 19 од 28-те земји членки на ЕУ до крајот на рокот на 3-ти октомври поднеле барање со коешто се изземаат од директивата со којашто е олеснето одгледувањето на ГМО во Европа. Според европската директива којашто стапи на сила во 2015 година, земјите членки можат да бараат изземање за целата територија или за дел од својата територија од примената на законот со кој претходно беше дозволено влегувањето на ГМО на ниво на целата ЕУ.
Земјите членки во тој случај можеа до 3-ти октомври да ја прогласат целата своја територија или еден нејзин дел слободен од ГМО. И оние земји кои не го сторија тоа, ќе можат да добијат изземање, но со малку посложена постапка во којашто, меѓу другото, ќе морат да достават и образложени за својата одлука.
Уредбата којашто овозможува изземање беше донесена на почетокот од годинава и исклучиво се однесуваше на правото на поедините земји членки да забранат или да дозволат ГМО на својата територија. Тоа претходно на ниво на ЕУ беше регулирано на многу контроверзен начин, па иако мнозинството од дури 19 земји членки се противеа на одгледувањето на ГМО, поради сложеноста на системот на гласање ЕУ не можеше да изгласа забрана, а Европската комисија мораше да го одобри одгледувањето на пченката Maize1507 на ниво на целата Унија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Полските земјоделци повеќе нема да ја блокираат границата со Украина
Полските фармери го откажаа протестот на последниот блокиран граничен премин со Украина, објавија Киев и Варшава, ставајќи крај на повеќемесечната криза која ги наруши билатералните односи меѓу двете земји.
Украинскиот министер за земјоделство ја поздрави „конструктивната работа“ на Полска за укинување на блокадата, наведувајќи во соопштението дека преговорите со Варшава и индустриските здруженија не биле лесни, но „главната работа е што резултатот е постигнат“.
„За среќа, сите правци на границата со Полска се деблокирани“, изјави портпаролот на украинската гранична полиција Андриј Демченко, додавајќи дека полските фармери го ослободиле пристапот до преминот Рава-Руска.
Камиони утринава почнаа да ја минуваат границата во двата правци, рече тој.
Портпаролот на полската гранична полиција Анджеј Јузвијак изјави за Ројтерс дека Украина може да се премине „непречено“ на сите премини.
Полските земјоделци и камионџии ги блокираа граничните премини со Украина од крајот на есента минатата година во знак на протест против нелојалната конкуренција.
Како главна причина тие ја наведоа пасивноста на владата кон губење на работни места поради странските конкуренти од почетокот на војната во Украина, бидејќи камионџиите од Украина беа ослободени од обврската да имаат дозвола за преминување на полската граница.
Европа
Шпанскиот премиер останува на функцијата, нема да поднесе оставка
Шпанскиот премиер Педро Санчез денеска одлучи да остане на функцијата што ја извршува од летото 2018 година, иако претходно овој месец судија во Мадрид отвори истрага против неговата сопруга за можна корупција.
„Решив да продолжам, со уште посилна сила на чело на владата“, рече Санчез во говорот од владината зграда.
Санчез, лидер на шпанската социјалистичка работничка партија (ПСОЕ), во средата ги суспендираше сите должности за да „размисли“ пет дена дали вреди да остане на функцијата поради „лажни обвинувања“ и „напади врз неговата сопруга“.
Европа
Путин ги откажа парадите на 9 мај: „Стравот од украински напад е посилен од традицијата“
Рускиот претседател Владимир Путин беше принуден да ја откаже годишната руска триумфална парада на Денот на победата на 9 мај поради страв од напади со беспилотни летала со украински камикази, пишува „Сан“, додека руските медиуми јавуваат дека маршот на Бесмртниот полк и другите настани планирани за тој ден се намалени на многу поскромно ниво „од безбедносни причини“.
Путин наводно ги откажал повеќето од прославите на 9 мај – најсветиот ден во рускиот календар – затоа што не можел да ја гарантира безбедноста на своите граѓани.
Патриотски воени паради се одржуваат низ Русија како начин на славење на победата над нацистичка Германија во Втората светска војна.
Вообичаено, овие настани се користат за Путин да ја покаже моќта на руската воена машина и да генерира национална гордост – водејќи огромна парада на Црвениот плоштад во Москва.
Овој дел ќе се одржи под зголемено обезбедување – под надзор на Путин – но многу од воените паради во регионот се откажани заедно со придружниот огномет.
Областите на Белгород, Брјанск, Псков, Рјазан, Курск и Саратов ги откажаа своите настани, иако не се сите блиску до Украина.
Денот на победата беше откажан и во окупираните региони на Украина, вклучувајќи ги Запорожје и Севастопол на Крим, исто така поради „безбедносни причини“.
Пред руската инвазија на Украина, денот вклучуваше тенкови, нуклеарни проектили и друго масивно оружје што минуваше низ главниот град додека авионите летаа на небото.
Низ Русија, стотици маршеви на Бесмртниот полк – каде луѓето носат фотографии од нивните воени ветерани – исто така се откажани поради безбедносни причини.
Еден од стравувањата е дека овие настани би можеле да бидат преземени од антивоени демонстранти.
Огнометот беше откажан во некои други региони, како што е Сиктивкар, а откажани се концерти во Воронеж.
Во Ростов и Воронеж некои паради се откажани, додека други може да се одржат без публика.
Се очекуваат повеќе откажувања.
Минатата година, Денот на победата беше откажан ширум Русија со намален настан во Москва, каде речиси и да немаше изложена тешка воена опрема.
По две години војна во Украина, кружеа гласини дека парадите се откажани поради недостиг на тенкови за учество на парадите.
Дури и тогаш, локалните гувернери наведоа „безбедносни причини“.