Спорт
Изгубивме од најдобриот тим на сите времиња
Изгубивме од најдобрата екипа против која сум играл воопшто, изјави поп поразот во саботата навечер од Барселона во финалето од Лигата на шампионите, менаџерот на Манчестер јунајтед, сер Алекс Фергусон
„Изгубивме од страшна екипа против која не можевме ама баш ништи да направиме на средината од теренот. Барселона има блескави играчи и брилијантниот Меси, а нас не’ уништија со пас играта за којашто немавме одговор“, изјави по средбата сер Алекс Фергусон, кој посебно го фалеше аргентинскиот репрезентативец во дресот на каталонците, Лионел Меси.„Не можевме да го контролираме, а не сум ни првиот ни последниот тренер што го вели ова. Се обидувавме да ги поставиме играчите сосема близу Меси, но тоа не успеа, делумно и поради фактот што тој едноставно е брилијантен, а поради неможност ана моите играчи да играме таква одбран над еден човек. Тие вечерва заслужено славеа.“, изјави Фергусон кој во финалето на Лигата од шампионите од Барселона беше поразен и во 2009 година.Фергусон го предводеше Манчестер јунајтед последните четири години во три финалиња од Лигата на шампионите, а по синоќешниот меч на лондонски „Вембли“ призна дека Барселона во ваков состав долго ќе биде непобедлива.„Барселона сигурно е најдобрата екипа на светот и тоа е непобитен факт. Ние мораме да бидеме посилни, овој пораз мора да не направи уште подобри бидејќи постои предизвикот за идната сезона. Не заборавајте дека во 1994 година на ’Ноу Камп’ од нив загубивме со 4:0 и мислам дека од тогаш силно напредувавме. Тоа денеска не беше доволно за титулата, но во фудбалот мора да постојат предизвиците“, заклучи Фергусон. Финалето беше последен меч во кариерата на голманот на Манечстер јунајтед, Едвин ван дер Саар, кој за „црвените ѓаволи“ одигра 186 натпревари. Во својата богата кариера, Холанѓанецот освои две титули во Лигата на шампионите, првата со Ајакс во 1995 г., а втората на Манчестер јунајтед во 2008 г.„Беше тоа меч во која единствената шанса единствената шанса први да постигнеме гол. Барселона одигра подобро и ги казнуваше нашите грешки. Никогаш не е убаво да загубите, особено кога го играш последниот натпревар, но не можеш секогаш да избираш кога и против кого ќе го играш прошталниот меч“, изјави по мечот ван дер Саар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.