Свет
Саудиски принц преживеа бомбашки напад во неговата канцеларија
Саудискиот принц кој ја извршува функцијата помошник на министерот за внатрешни работи го преживеал атентатот на бомбаш самоубиец во неговиот кабинет, соопшти во петокот тамошната државана новинска агенција
Принцот Мохамед бин Најеф кој е припадник на кралското семејство се истакна во жестоката антитерористичка кампања што ја презема Саудиска Арабија, во моментот на атентат примал честитки по повод големиот муслимански празник светиот месец на постот Рамазан. Самоубиецот го активирал експлозивот кога влегол во неговиот кабинет, а се пренесува дека тој бил милитант кој барал средба со принцот за да изјави дека се предава. Притоа се нагласува дека напаѓачот бил претресен.Бин Најаф бил само полесно повреден, а освен самоубиецот во експлозијата немало други загинати или потешко повредени. Ова е прв напад директно насочен кон член на кралското семејство од бранот насилства што го преземаа терористичките групи во 2003 г. кои се незадоволно со државната проамериканска политика. Претходно овој месец, саудиските власти соопштија дека уапсил 44 лица поврзани со Ал Каеда и притоа заплениле големи количества експлозиви и оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јапонскиот аеродром Кансаи не изгубил ниту еден багаж за 30 години работа
Јапонскиот меѓународен аеродром Кансаи (КИКС) прославува 30 години работа без да изгуби ниту еден багаж, соопштија од аеродромот.
Седмиот најпрометен јапонски аеродром соопшти дека не изгубил ниту еден патнички багаж од отворањето во септември 1994 година, објави Си-Ен-Ен.
На тој аеродром годишно во просек минуваат од 20 до 30 милиони патници.
Свет
Маж со нож нападнал луѓе во центарот на Осло, полицијата веднаш го уапсила
Норвешката полиција соопшти дека уапсила маж кој избодел едно лице со два ножа и нападнал неколку лица во центарот на Осло.
Инцидентот се случил пред местото на метрото кога расправија излегла од контрола и неименуван маж на возраст од триесет години избодел еден маж во раката и нападнал уште неколку луѓе во близина.
Полицаецот потоа го извадил пиштолот и му наредил на напаѓачот да ги спушти ножевите, пренесува Ројтерс.
Полицијата смета дека нападот не бил мотивиран од тероризам.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.