Повозрасните граѓани над 60 години денеска дојдоа да направат рутински бесплатни превентивни прегледи на плоштадот Македонија, во Скопје по повод одбележувањето на 7-ми април, Светскиот ден на здравјето.

Повозрасните граѓани над 60 години денеска дојдоа да направат рутински бесплатни превентивни прегледи на плоштадот Македонија, во Скопје по повод одбележувањето на 7-ми април, Светскиот ден на здравјето.Вработени доктори од Здравствениот дом Скопје ги изведуваат основните мерења на граѓаните: височина и тежина , обем на појасот, мерење на крвниот притисок како и испитување на нивото на шеќер и холестерол во крвта.Докторка Весна Трајчевска од поликлиника Битпазар вели дека поголема заинтересираност покажува повозрасната популација која повеќе време посветува на здравјето, за разлика од помладите на возраст од 20 до 60 години.„Жалосно е таа популација од 20 до 60 години која нема време да ги изврши  рутинските прегледи бидејќи се’ друго е поважно отколку здравјето. Потребни се редовни основни рутински контроли барем еднаш годишно“, изјави Трајчевска.Таа додаде дека физичката активност и исхраната водат кон подобар живот. Поради тоа се делеа бесплатни примероци од брошури и материјали за промоција на здрав начин на исхрана и стил на живеење.Како и секоја година, така и оваа Министерството за здравство, во соработка со Институтот за јавно здравје, Здравствен дом – Скопје и Центарот за јавно здравје – Скопје ја организираа заедничката акција за бесплатни превентивни прегледи на пет пунктови во Скопје, намените за граѓаните на Република Македонија. Прегледите  се вршат моментално од 08 до 14:00 часот, на плоштадот Македонија, во паркот во населба Чаир, во паркот во Бутел, во паркот во Ѓорче Петров, како и во близина на ТЦ Бисер во населбата Јане Сандански./крај/макфакс/пк