Свет
Платите ќе ги зголемат пред избори
Во ноември Владата најави дека масата за плати вработените во образованието, културата и градинките од јануари 2006 година ќе ја зголеми за 12 насто, но сега министерствата молчат
ВЛАСТА КУПУВА ВРЕМЕ
Во ноември Владата најави дека масата за плати вработените во образованието, културата и градинките од јануари 2006 година ќе ја зголеми за 12 насто, но сега министерствата молчат
Јануарските плати што ќе ги добијат вработените во образованието, културата и градинките нема да бидат зголемени. Владата најави дека од почетокот на оваа година масата за плати ќе ја зголеми за 12 насто и ќе почне да ги применува колективните договори во делот на платите. Но иако јануари веќе истекува, ресорните министерства молчат.
"Пред десетина дена му испративме писмо на премиерот Бучковски за да го потсетиме дека најитно треба да се довршат преговорите, но од кабинетот сеуште немаме никаков одговор", вели Дојчин Цветановски, претседател на СОНК. "Во ноември Владата најави дека масата за плати од јануари 2006 година ќе ја зголеми за 12 насто. Тоа беше нивни предлог. Изгледа Власта сега купува време, зашто немаме повратен одговор".
Во ноември минатата година премиерот Бучковски, кој беше лидер на владиниот тим за преговори со синдикатот, ги задолжи министерствата да пресметаат како ќе бидат распределени парите со зголемувањето на масата за плати. Министерствата и Синдикатот требаше дополнително да ја утврдат и најниската плата.
Но наместо договор, синдикатот за нова година добил само честитка за среќни празници.
"Нашето членство веќе реагира. Ова е многу несериозно. Денес повторно ќе бараме одговор за ваквото оддолговлекување", вели Цветановски.
Владата и Синдикатот во мај 2005 година потпишаа колективен договор во кој е дефиниран новиот модел на плати. Договорот стапи во сила во јуни минатата година, но по барање на Владата, тој требаше да почне да се применува од јануари 2006 година.
Со договорот власта се обврза на вработените во образованието, културата и градинките да им пресметува плата според коефициент на сложеност на работните места. Со тоа требаше да се напушти стариот модел на УНР (условно неквалификуван работник) што се користеше во времето на социјализмот. (Р.Ф.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.