Свет
Над 7.600 жртви во сирискиот конфликт, јавуваат опозициските активисти
Бројот на загинатите во судирите во Сирија коишто почнаа во март 2011 година надминал 7.600 луѓе, јавува во средата AFP повикувајќи се на Сириската опсерваторија за човекови права (OSDH) со седиште во Лондон, додека Слободната сириска армија (FSA) се обидува да дојде до градот Хомс.
Бројот на загинатите во судирите во Сирија коишто почнаа во март 2011 година надминал 7.600 луѓе, јавува во средата AFP повикувајќи се на Сириската опсерваторија за човекови права (OSDH) со седиште во Лондон, додека Слободната сириска армија (FSA) се обидува да дојде до градот Хомс. Какао што пренесува агенцијата наведувајќи соговорник од OSDH, од вкупната бројка од 7.600 жртви во Сирија, повеќе од 5.500 се цивили, 1.700 се припадници на владините безбедносни сили – војници и полицајци, а повеќе од 400 се воени дезертери коишто вооружени пребегаа на страна на опозицијата којашто бара повлекување од власта на претседателот Башар ал-Асад.Истовремено во средата AFP јавува дека припадниците на Слободната сириска армија (FSA) коишто се борат против војската и полицијата, се обидуваат да достават храна до населението од квартот Баба Амр во градот Хомс, каде веќе трета седмица се водат борби.Жител на Хомс кој се претставил како опозициски борец Омар Шакер преку скапј контактирал со агенцијата информирајќи дека „FSA е задолжена за доставување на храна и давање засолниште за населението“, но дека тоа тешко може д асе оствари бидејќи владините сили „стрелале врз сé што се движи“. Како што додал Шакер, опозициските борци организирале засолништа во училиштата и џамиите. Според претставникот на Генералното претставништво на сириската револуција, Хади Абдалах, FSA „помага колку што може“, но дека „средствата се ограничени“, како и дека примарна задача е да се одбрани населбата Баба Амр.Во населбата, според процените се наоѓаат уште 90 илјади луѓе. Според претходните информации од средата загинале 13 цивили, меѓу кои Американка и Французи.Како што пренесе Reuters, убиени сее Американката Мари Колвин, која работела за британски Sunday Times и францускиот фоторепортер Реми Ошлик, кои биле искусни известувачи од воените подрачја, додека AFP извести дека во бомбардирањето на врз прес-центарот што го основале бунтовничките борци во Хомс биле ранети тројца други новинари. Во јануари во Хомс, загина францускиот репортер Жил Жакие./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелските медиуми ги објавија трите барања на шефот на Хамас за ослободување на заложниците
Лидерот на палестинската исламистичка организација Хамас во Појасот Газа, Јехја ал Синвар, и понатаму има три барања во преговарачката понуда за договорот за заложниците, објавија медиумите.
Синвар сè уште бара загарантиран крај на војната, изјави синоќа за израелската телевизија Канал 12 извор близок до лидерот на Хамас. Израел тоа барање досега го отфрлуваше.
Синвар, наводно, сака писмена обврска за „безусловно прекинување на непријателствата“.
Според израелската телевизија, ал-Синвар побарал и Израел да не го спречува враќањето на Западниот Брег на палестинските затвореници кои треба да бидат ослободени во замена за заложниците земени од Израел.
Според последниот нацрт на договорот, Израел сака да ги испрати оние кои отслужуваат доживотна казна затвор во Појасот Газа или во странство.
Понатаму, лидерот на Хамас сака детали за материјалите што Израел нема да дозволи да бидат испорачани во Газа за реконструкција.
Според извештајот, во Израел се претпоставува дека Хамас нема да даде јасен негативен одговор на предлогот поради меѓународниот притисок. Египетските посредници, со поддршка на САД, во моментов се обидуваат да постигнат договор.
Милитантната исламистичка организација Хамас претходно објави дека повторно ќе испрати делегација во Египет за да ги заврши индиректните преговори со Израел за ослободување на заложниците и договор за прекин на огнот.
Египетската државна телевизија Ал-Кахира њуз објави дека делегација на Хамас треба да пристигне во Каиро во следните два дена за продолжување на преговорите.
Израелската влада најави дека во брзо време ќе започне офанзива во Рафах на југот на Појасот Газа, на границата со Египет, доколку не се постигне договор.
Европа
(Видео) Украинците објавија снимка: Го уништивме рускиот систем Бук, не можеа да го изгаснат пожарот
Украинските сили за специјални операции тврдат дека го уништиле лансерот на рускиот противвоздушен ракетен систем Бук на линијата на фронтот во регионот Суми.
Според извештаите, операторите во украинската единица забележале руски противвоздушен ракетен систем Бук-М1 додека изведувале борбени операции на фронтот.
Операторите потоа користеле нападни беспилотни летала за да ја нападнат целта. Русите неуспешно се обиделе да го изгаснат пожарот и да ја спасат својата опрема, тврдат Украинците. Тие споделија и видео на кое се гледа експлозијата и последователниот пожар.
Украинците наведуваат дека лансерот со шест проектили бил уништен со прецизен удар. Инаку, Украинците во вторникот пријавија и уништување на два Бука на истиот дел од бојното поле.
Свет
Турција ја прекина целата трговија со Израел
Турција од вчера го прекинува целиот извоз и увоз со Израел, соопшти турското Министерство за трговија, наведувајќи ја како причина „влошената хуманитарна трагедија“ на палестинските територии.
„Суспендирани се извозни и увозни трансакции поврзани со Израел и тоа се однесува на сите видови производи“, соопшти турското Министерство за трговија.
„Турција строго и решително ќе ги спроведе овие нови мерки додека израелската влада не дозволи непречен и доволен проток на хуманитарна помош во Газа“, се додава во соопштението.
Израелскиот министер за надворешни работи Израел Кац изјави претходно вчера дека турскиот претседател Реџеп Таип Ердоган „ги прекршил договорите (меѓу Израел и Турција) блокирајќи го израелскиот увоз и извоз на пристаништата.