Европа
Протести против доселениците во Германија по терористичките напади во Париз
Десетина илјади симпатизери на германското граѓански антиисламско движење Pegida (Европски родољуби против исламизацијата на Западот) протестираа во понеделникот вечерта во источниот германски град Дрезден, обвинувајќи го неконтролираното прифаќање на приливот имигранти во Европа за крвавите напади во петокот вечерта во француската престолнина Париз, во кои беа убиени најмалку 132 луѓе а уште повеќе од 350 беа ранети.
„Овие напади не дојдоа од никаде, тие се резултат на политиката на имиграција на луѓе коишто воопшто немаат исти вредности“, изјави челникот на движењето Зигфрид Даебриц, чие обраќање беше проследено со повиците „Меркел мора да си замине!“.„Оние коишто таканаречената ‘религија на мирот’ (исламот – з,р.) не ја поврзуваат со прашањето на бегалците и со борбата против тероризмот, ги извалкаа своите раце со крвта на денешните и на утрешните жртви“, додаде Даебриц предупредувајќи дека сега на сцена е „етничкото самоубиство“ на Европа.Меѓу 9.000 и 12.000 луѓе, според процената на локалниот универзитет специјализиран за пребројување на учесниците на големи собири, се собрале на главниот плоштад во Дрезден, на собирот на Pegida. Германската полиција традиционално не сака да дава своите процени за бројноста на собирите на Pegida, но медиумите потсетуваат дека универзитетот се стекна со реноме според своите веродостојни процени.На почетокот од собирот учесниците со минута молчење им одадоа почит на жртвите од масакрот во Париз, како и на 224-те жртви во падот на рускиот патнички авион на 31-ви октомври во Егиепт. Одговорноста за двете трагедии ја презема екстремната сунитска организација Исламска држава, иако во однос на рускиот авион и покрај навестувањата дека е можна подметната експлозија, официјалната истрага сé уште не е подготвена да ја потврди таквата верзија.„Она што се случи во Париз претставува само потврда на нашите претходни предупредувања. Ова е тажно, но не изненадува и ние сме веројатно следните на списокот“, изјавил за дописникот на AFP 45-годишниот Томас, учесник на собирот на Pegida.Политичката отвореност на германската канцеларка Ангела Меркел, која е критикувана дека со своите изјави го насочила незапаметениот бегалски бран кон Германија, сé повеќе е оспорувана во германската јавност, во прв ред од страна на десницата којашто во последните истражувања на јавното мнение бележи значителен пораст на поддршката меѓу избирачите. Германија до крајот на годинава очекува милиони баратели на азил, во огромен број од муслиманските земји од Блискиот исток, северна Африка и Азија, што предизвика повторен подем на популарноста на движењето Pegida, кое беше основано пред една година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.