Грузискиот претседател Михаил Сакашвили го повика денеска тенковскиот батаљон во базата Мухровани да се предаде истакнувајќи дека ситуацијата е под контрола

Грузиски медиуми јавија дека Сакашвили допатувал во таа база каде војниците од тој батаљон се бунтуваат.„Група војници чија врска со одредени агентури ни е позната, се обиде да направи немири во државата. Тоа е обид за подигнување рака врз суверенитетот и Уставот, директна закана за безбедноста на граѓаните на државата“, изјавил Сакашвили.Според него, државата и други органи се подготвени за најодлучни мерки за прекин на сите обиди за поткопување на уставниот поредок, демократијата и слободата. Базата е опколена, а во останатите е прогласена вонредна состојба.„ На бунтовниците им е даде рок да го предадат оружјето и доколку донесат одлука доброволно, тоа ќе се земе предвид“, изјавил Сакашвили.Грузиски медиуми јавуваат дека кон базата се упатиле неколку оклопни возила во момент додека се водат преговори на МО и МВР со бунтовниците.Министерот за одбрана Давид Сихарулидзе изјави дека засега нема посебно барања од бунтовниците, но бунтот почнал вчера по апсење на поранешни воени фукционери.Грузиските медиуми пренесуваат изјава на командирот на батаљонот кој одбил послушност батаљонот да користи сила. Според зборовите на потполковник Мамук Горгишвили војниците „не можат веќе да ја „поднесат ситуацијата“ што се создала во државата и се залагаат за дијалог меѓу опозицијата и власта која од 9 април протестира барајќи оставка од Сакашвили.„Гледам закана за можен судир со употребата на оружјето. Претставници на опозицијата соопштија дека очигледно, ќе се случат судири. Без оглед кој ќе почне прв“, изјавил Горгишвили.  Началникот на информативно-аналитичкиот сектор на МВР на Грузија Шота Утиашвили изјави дека уапсените се осомничени за организација на бунт во неколку единици во армијата.„ Според информациите што ги имаме, организатори се поранешни високорангирани офицери“, изјавил тој.Уапсени се Георгиј Гваладзе, поранешен шеф на специјалната единица Делта и Заза Мушкудиани, началник на штабот на една од воените единици. Во тек е потера по поранешниот началник на една од воените единици, Кобо Отанадзе. Утиашвили тврди дека „очигледно тој план е координиран со Русија“, и подразбирал „минимум пропаст на воените вежби на НАТО во Грузија, а максимум целосен воен бунт во државата“.