Свет
Убиецот на Рабани бил Пакистанец

Авганистанските власти во неделата навечер соопштија дека бомбашот самоубиец кој го уби авганистанскиот мировен преговарач и поранешен претседател Бурханудин Рабани – бил државјанин на Пакистан.
Авганистанските власти во неделата навечер соопштија дека бомбашот самоубиец кој го уби авганистанскиот мировен преговарач и поранешен претседател Барханудин Рабани – бил државјанин на Пакистан. Истрагата која се водеше под директен надзор на претседателот Хамид Карзаи во писменото соопштение наведува дека доказите и признанието што го дало едно од лицата вмешани во убиството на Рабани извршено на 20-ти септември, откриле дека бомбашот потекнувал од Чаман а дека убиството било планирано во Квета, градови во Пакистан. Истрагата додава дека доказите и информациите за другите соучесници се предадени на властите на Пакистан, за апсење на осомничените. Поранешниот пакистански претседател Бурханудин Рабани и воедно лидер на мировниот совет кој беше задолжен да се обиде да преговара и да постигне политичко примирја, беше убиен на 20-ти септември во резиденцијалната четврт на Кабул.Во нападот беа убиени уште пет високи авганистански функционери, а ранет е претседателот на заедничкиот секретаријат на Високиот мировен совет, Масум Стенекзаи.Портпаролот на талибанските бунтовници во Авганистан, Забиулах Миџахид, ја презеде вината за нападот. Рабани беше поранешен член на муџахединската партија која беше моќна во времето на советската окупација на Авганистан во 1980-те. Претседателот Карзаи ги избра за прв човек на Високиот мировен совет во октомври минатата година. Тој имаше план да понуди амнестија и работа за обичните талибански бунтовници, а азил во трети земји за водачите на талибанските сили.Иницијативата за формирање на Високиот мировен совет беше прифатена на традиционалното советување на влијателните личности (џиграта) во јуни 2010 година, откако пропаднаа обидите за мировни преговори меѓу авганистанските власти поддржани од западните сојузници и бунтовниците./крај/ро/птв/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Колона долга околу 700 километри забележана на автопат во Франција

Колона долга речиси 700 километри е забележана денеска на автопат во Франција, додека вкупната должина на сите колони на патиштата во земјата изнесуваше 1.051,6 километри во време на зголемен сообраќаен интензитет поради летните одмори и смената на туристи, што колоквијално се нарекува „Црна сабота“.
Како што извести BFM TV, сообраќајот на патиштата во Франција дополнително бил забавен поради две сообраќајни несреќи на автопатот кон Медитеранот и Атлантскиот Океан.
Според податоците на Bizon Futé, француската агенција за следење на состојбата на патиштата, до 7 часот утрово колоните биле подолги од 200 километри, а до 10 часот веќе надминале 570 километри.
Како што беше соопштено, гужвите се во согласност со прогнозите на агенцијата, која предупреди на „исклучително тешки сообраќајни услови“ за оваа сабота, а врвот на метежот се очекува околу пладне.
Сообраќајот во правец кон Алпите исто така е интензивен и загушен, со задржувања од час и 45 минути во тунелот Мон Блан во правец кон Италија
Свет
Газа: 169 луѓе починаа од глад, над 320.000 деца се соочуваат со акутна неухранетост

Министерството за здравство во Газа денес објави дека уште седум Палестинци, меѓу кои и едно дете, починале од глад и неухранетост.
Новите смртни случаи, регистрирани во последните 24 часа, го зголемија вкупниот број на смртни случаи поврзани со глад од октомври 2023 година на 169, вклучувајќи 93 деца, се вели во соопштението.
Министерството предупреди дека хуманитарната криза во Газа се влошува и повторно апелираше до меѓународната заедница и хуманитарните организации веднаш да интервенираат за да се стави крај на страдањето и да се достави итна помош, пренесува Анадолија.
Заменик-извршниот директор на УНИЦЕФ, Тед Чајбан, денесka изјави дека Газа се соочува со сериозен ризик од глад и дека она што може да се види на терен е „шокантно“.
„Повеќе од 320.000 мали деца се изложени на ризик од акутна неухранетост. Во стабилизацискиот центар во градот Газа , сретнав акутно неухранети бебиња чии тела беа само кожа и коски. Нивните мајки седеа во близина, очајни и исцрпени. Една мајка ми кажа дека нејзиното тело повеќе не произведува млеко затоа што самата е премногу гладна. УНИЦЕФ прави сè што може за да ја реши ситуацијата – поддржува доење, обезбедува формула за бебиња и лекува деца со тешка акутна неухранетост. Но, потребите се огромни по 22 месеци војна и два месеци блокада, која сега е олеснета, но сè уште има влијание, а помошта сè уште не пристигнува доволно брзо или во потребниот обем“ рече Чајбан.
Тој нагласи и дека повеќе од 18.000 деца се убиени во Газа од почетокот на војната, што е во просек по 28 деца дневно.
Свет
Нов земјотрес на Камчатка, регистриран афтершок со јачина од 6,1 степен според Рихтеровата скала

Земјотрес со интензитет од 6,1 степен според Рихтеровата скала е регистриран денес на Камчатка, на растојание од 196 километри од регионалниот главен град Петропавловск-Камчатски, соопшти огранокот на Геофизичката служба на Руската академија на науките (РАН) на Камчатка.
Како што е наведено, земјотресот е регистриран на длабочина од 59,8 километри, пренесува РИА Новости.
Директорката на подружницата на оваа служба во Камчатка, Данила Чебров, претходно за агенцијата РИА Новости изјави дека се очекуваат силни, но не и разорни потреси по силниот земјотрес што го погоди регионот на 30 јули.
Според регионалните служби за вонредни состојби, во последните 24 часа се регистрирани околу 146 последователни потреси со јачина помеѓу 3,2 и 6,2 степени, од кои многу се почувствувани, со јачина од 2 до 5 степени според Меркалиевата скала.
Во среда, на 30 јули, Камчатка беше погодена од најсилниот земјотрес од 1952 година, со јачина од 8,8 степени.
По земјотресот, во делови од Русија и низ Тихиот Океан беше прогласена закана од цунами, а населението беше повикано да се држи подалеку од брегот во ризичните области.
Вечерта, предупредувањето беше укинато.