Спорт
Нов кикс на Манчестер јунајтед
Во осмото коло од англиската Премиер лига „црвените ѓаволи“ и покрај водството од 2:0 ремизираа со Вест бромвич албион, додека Арсенал не дозволи уште едно изненадување дома и го совлада Бирмингем иако гостите водеа
Манчестер јунајтед дома одигра 2:2 со Вест бромвич албион, иако полувремето го заврши со два гола предност, со погодоците на мексиканскиот напаѓач Хавиер Хернандез во 5. и Луиш Нани во 25. минута.На почетокот од второто полувреме се чинеше дека Манчестер јунајтед ќе дојде до уверлива победа, но гостите само за пет минути успеаја да изедначат. Прво преку автоголот на Патрис Евра во 50. минута го намалија водството на јунајтед, потоа Сомон Тчои го постави конечниот резултат во 55. минута. Најдобриот играч на „црвените ѓаволи“ Вејни Руни, кој е во судир со менаџерот сер Алекс Фергусон, во игра влезе дури во 71. минута. Тој пред два дена изјави дека нема никакви проблеми со глуждот, како што изјави Фергусон, кој под тој изговор не го вклучи на списокот за натпреварот со Валенсија во Лигата на шампионите одиграна на 29-ти септември, како и на мечот од 7-то коло против Санделренд на 2-ти октомври. Британските медиуми пишуваат дека нивните односи всушност се нарушени по аферата на Руни со проститутка. Арсенал со силна волја, пак, стигна до победата во 800-от меч под водството на францускиот стратег Арсен Венгер. Дуелот заврши со резултат 2:1 во полза на „топчиите“, но откако на „Емирати“ поведоа гостите во 33. минута, преку високиот српски напаѓач Никола Жигиќ кој ја надвиши домашната одбрана. Сепак Бирмингем потклекна откако судијата досуди најстрога казна по очигледниот прекршок над Маруан Чамак, која во 41. минута ја реализираше прецизно Самир Насри. Победникот беше решен уште во втората минута од второт полувреме, откако сега Чамак им побегна на одбранбените играчи на гостите и прецизно биеше во 47. минута.Во лондонскот дерби на „Крејвен Котиџ“ Тотенхем го победи Фулам со 2:1. Во првиот дел од натпреварот многу подобри беа играчите на Фулам, кои во 30. минута дојдоа во водство преку Диоманси Камара. Но веднаш во следната минута, Роман Павличенко изедначи. Рускиот напаѓач прв дојде до топката, која се одби од пречката на голот на Марк Шварцер по шутот на Рафаел ван дер Варт. Победничкиот гол го постигна од Том Хадлстон со прецизен удар од аголот на шеснаесетникот во 67. минута. Тренерот на Тотенхем, Хари Реднап во 70. минута го замени Павличенко со високиот Питер Крауч, во настојувањата да дојде до трет гол и да ја обезбеди победата, но сепак резултатот до крајот на мечот остана непроменет. Болтон го совлада Сток сити со 2:1. Домашните поведоа во 22. минута со голот на Ли Чунг-Јонг, за Сток изедначи Рори Дилап во 48. минута. Важните три бода, Болтон ги освои по голема борба дури во втората минута од судиското надополнување, со голот на хрватскиот репрезентативец Иван Класниќ кој во 90+4 минута од продолжението го заработи и вториот жолт картон и беше исклучен. Во другите мечеви во сабота, Вулверхептон и Вест хем јунајтед ги поделија бодовите, откако поведоа домаќините во 10. минута, со голот на Мет Џервис, а од пенал во 52. минута изедначи Марк Нобл.Нерешено но со вкупно четири голови и многу возбудувања заврши мечот и меѓу Њукасл и Виган атлетик. Гостите поведоа со 2:0 во речиси една минута, односно во 22. и 23. минута кога прецизен беше Чарлс Н,Зогбиа. Упорноста на Њукасл беше наградена прво по 50 минути, попрецизно во 72. минута кога гол постигна Шол Амеоби а бод спасија преку Фабрисио Колочини дури во четвртата минута од судиското надополнување.Во сабота уште ќе се одигра мечот во кој водечкиот Челзи и гостува на Астон вила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дали е Баерн оштетен во последните секунди од натпреварот?
Фудбалерите на Реал Мадрид се пласираа во финалето на Лигата на шампионите каде на 1.јуни за титулата ќе се борат со Борусија Дортмунд.
Вечерва на „Сантијаго Бернабеу“, Реал повторно режираше нестварен пресврт и со головите на Хоселу во 88. и 91.минута го победи Баерн со 2:1.
Сепак, сенка на феноменалното полуфинале фрли помошникот на Симон Марчињак, Томаш Листкиевич, кој во последната минута од судиското надополнување реши да го прекине нападот на Баварците поради дискутабилен офсајд.
Во последните секунди Де Лихт погоди по додавањето на Милер, но помошникот во ситуацојата која беше „тесна“ реши да го крене знамецето.
Протоколот предвидува линискиот судија да ја остави акцијата да заврши, за доколку е постигнат гол, подоцна со помош на ВАР да се утврди дали голот бил регуларен или не.
Овде судијата не го направи тоа, па фудбалерите на Баерн, но и тренерот Томас Тухел целосно ги загубија нервите.
Спорт
Олимпијакос е последниот патник на завршниот турнир – Грците ја добија мајсторката во Барселона
Кошаркарите на Олимпијакос ја совладаа Барселона, во мајсторката одиграна во Каталонија со 63:59 и се пласираа на завршниот турнир во Евролигата, кој ќе се одржи од 24-26. ќе се одржи во Берлин во мај.
Грчкиот тим, кој вторпат победи на гостински терен во четвртфиналната серија со Барса, на тој начин им се придружи на Реал Мадрид, Панатинаикос и Фенербахче кои претходно се пласираа во Берлин.
Избраниците на Јоргос Баркокас трета година по ред се пласираа на завршниот турнир во Евролигата.
Претходната година беа поразени во финалето од Реал, а годината претходно беа елиминирани во полуфиналето од Анадолу Ефес кој подцна ја освои титулата.
Ривал на Олимпијакос во полуфиналето ќе биде Реал и тоа ќе биде реприза на финалето од минатата сезона од Каунас.
Вечерва во Блауграна, двата тима одиграа исклучително тврд и дисциплиниран натпревар во кој доминираа одбраните.
Олимпијакос во сердишницата од решевачката четвртина со серија поени и добра одбрана со која ги затворија сите патишта до нивниот обрач направија клучен исчекор кон победата.
Серијата од 8:0 во тој налет се покажа како клучна.
Две тројки постигнаа гостите во тој интервал, по една Мекисик и Папаниколау.
Барса, не се предаде, а пропушти одлична можност да го израмни резултатот кога Грците водеа со 57:54. Потоа Абрињес го повлече нападот, но Мекисик му ја „украде“ топката за во продолжение Милутинов да остане сам во рекетото на противникот и со забицвање да ја запечати победата на Олимпијакос.
Српскиот центар го заврши мечот со 10 поени (4/5 за два, 2/4 слободни фрлања), 10 скокови, две асистенции и блокада за убедливо највисок индекс на корисност 26 за 25 минути на теренот, Мекисик постигна 12. (2/4 за три), Папаниколау 11 (3/6 за три).
Само Лапровитола со 17 (3/8 за два, 2/7 за три) со седум скока и четир асистенции и Алекс Абринес со 13 поени (3/3 за два, 2/5 за три) во Барселона постигнаа двоцифрен број на поени.
Спорт
(Видео) Хоселу го реши трилерот во Мадрид – Реал е во финалето на ЛШ
Реал Мадрид 18.пат во клупската историја ќе се бори за трофејот во Купо/Лигата на шампионите. Вечерва на „Сантијаго Бернабеу“ во инфаркт завршница го победи Баерн со 2:1. Апсолутен херој на Реал е искусниот напаѓач Хоселу, кој со головите во 88. и 91.минута направи пресврт, откако Баерн поведе со голот на Дејвис во 68.минута.
Фудбалерите на Баерн беа на само неколку минути до финалето. Поведоа со спектакуларниот гол на Алфонс Дејвис и водеа до самиот крај на натпреварот, сепак, избраниците на Карло Анчелоти по којзнае кој пат покажаа сила и одлучност да се вратат „од мртвите“ и со голем пресврт да дојдат до победата.
Јунак на натпреварот беше Хоселу, тој влезе во игра во 81. минута и ги постигна двата гола за „кралскиот клуб“. Трагичар е голманот на Баерн, Мануел Ноер. Бранеше брилијантно во текот на целиот меч, но со груба грешка им го подари израмнувачкиот гол на фудбалерите на Реал.
Реал во финалето ќе игра против Борусија Дортмунд, која во два натпревари со вкупни 2:0 го елиминира ПСЖ.
Реал Мадрид е убедливо најуспешен клуб со рекордни 14 титули европски шампион. Борисија само еднаш ја освои Лигата на шампионите, во 1997 година, кога како аутсајдер го победи и Јувентус (3:1) во Минхен.