Европа
Тешки инциденти и над 60 приведени на забава во Швајцарија
![](https://makfax.com.mk/wp-content/uploads/2016/11/2a8239bc-e4de-4044-9584-11c1c5bb2ab0.jpeg)
Во инцидентите ноќта кон неделата кои избиле на една техно забава во Берни, со призори што локалните ги споредуваат со акции на градска герила, повредени се повеќе лива, причинета е голема материјална штета и уапсени се шеесетина лица.
Во соопштението објавено во неделата полицијата од Берн потврди дека уапсила 61 лице додека 21 припадник на полицијата е приведен.
Учесниците на техно забавата Tanz Dich Frei/Dance Yourself Free (Ослободи се низ танцот’ дошле на повик преку социјалната мрежа Fаcebook кој го упатува непозната организација и повеќето биле мирољубиви.
Безредијата избиле по провокацијата на маскирани лица во црна облека, според полицијата, а репортерот на AFP од местото забавата јави дека неколкумина од нив се обиделе да ја пробијат безбедносната ограда околу Палатата на федерацијата во центарот на градот.
Насилниците тврделе дека се припадници на Black Block, движење коешто ги привлекува младите антиглобалисти коишто облечени во црно и со маски на лицата често протестираат против собирите на групата најбогати земји Г8 и против учесниците на економскиот форум во Давос. Активистите на ова движење веќе петнаесет години се присутни во Швајцарија на првомајските собири кои се организираат во Цирих.
Според податоците а швајцарската полиција, радикалните леви движења, меѓу кои се и Black Block, имаат речиси две илјади активни членови кои се претставуваат како анархисти и антифашисти.
Во саботата навечер полицијата оговорила со солзавец и гумени куршуми, по што толпата се растурила.
Припадниците на оваа екстремна група фрлале црвена боја врз јавите објекти, кршеле излози од продавници и потоа ги ограбувале. Шведската амбасада во Берн, којашто се нашла на патот на насилниците, исто така, бил цел на нивниот вандализам.
Според првите процени, штетата се проценува на повеќе стотици илјади евра, а како што јавуваат медиумите инаку живописната швајцарска престолнина во неделата изгледала како бојно поле.
Организаторите во неделата преку Fаcebook вината за инцидентите ја префрлија на градските власти, тврдејќи дека многу од демонстрантите дејствувале во самоодбрана.
Оваа забава којашто е организирана од непознатата група трета година по ред привлекла околу 20 илјади луѓе во градот кој има 126 илјади жители, додека полицијата проценува дека ги имало околу 10 илјади. И претходните години избувнуваа т судири меѓу учесниците на техно забавата и силите за одржување на редот, при што на полицијата од Берн редовно ѝ пристигнуваше засилување од другите швајцарски градови./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Шумски пожар во популарно турско одморалиште: „Продолжуваме со воздушна и копнена интервенција“
![](https://makfax.com.mk/wp-content/uploads/2024/07/pozarnikari-shuma1.jpg)
Шумски пожар избувна во неделата во областа Лара во турското летувалиште Анталија, каде што се наоѓа хотелски комплекс, соопшти градоначалникот на градот, Мухитин Бејек.
„Продолжуваме со воздушната и копнената интервенција за гаснење на пожарот што избувна во шумската област во регионот Лара“, изјави тој на социјалната мрежа „Икс“.
Бејек додаде дека властите се во состојба на готовност поради зголемениот ризик од шумски пожари истакнувајќи дека моментната температура во Анталија е 36 степени. Претходно денеска, беше објавено дека големи шумски пожари ги зафатија турските провинции Чанаккале, Измир и Ајдин.
Во провинцијата Чанаккале пожар зафати земјоделско земјиште во регионот Езине. Спасувачите морале да ги евакуираат жителите на неколку села. Шумски пожари ги зафатија областите во близина на градовите Бурса, Едрене, Баликесир, Караман и Караманмарас.
Европа
(Видео) Украинците објавија невидени снимки од преземањето на Змискиот Остров
![](https://makfax.com.mk/wp-content/uploads/2024/07/zmiski-ostrov-prezemanje.jpg)
Досега невидени снимки објавени вчера од Украинската служба за безбедност (СБУ) покажува како киевските сили пред две години зазеле клучен пункт во Црното Море. Украинските сили, заедно со агентите на СБУ, „спроведоа уникатна и исклучително важна операција“ на Змискиот Остров во јуни 2022 година, се вели во објавата на СБУ во „Телеграм“.
Московските воени авиони го гаѓаа Змискиот Остров во првите часови од инвазијата, која почна на 24 февруари 2022 година. Украинските војници стационирани на островот добија култен статус кога одговорија со пцости на барањето да се предадат.
Судирите меѓу руските и украинските војници за Змискиот Остров повторно се најдоа на насловните страници во јуни истата година. Украинците ја презедоа контролата на островот, а Русите најавија дека ќе се повлечат од островот.
Звільнення о. Зміїний: унікальні кадри воїнів СБУ
У червні 2022 року спецпризначенці ЦСО «А» СБУ разом із бойовими побратимами з ГУР МОУ та ЗСУ провели унікальну та надзвичайно важливу операцію.
Пам’ятаємо Героїв України, які віддали свої життя у цій битві.
1/3 pic.twitter.com/qtDOT8nNLg
— СБ України (@ServiceSsu) June 30, 2024
„Руските вооружени сили ги завршија задачите на Змискиот Остров и се повлекоа“, изјави тогаш портпаролот на руското Министерство за одбрана.
Видеото на СБУ покажува како украинските војници се приближуваат до Змискиот Остров и пукаат во цели. Камерите покажуваат и војници како слетуваат на островот и се пробиваат низ срушените згради додека пукаат со оружје, пишува „Њузвик“.
Операцијата „се состои од неколку фази“, соопшти СБУ. Тие додадоа дека повторното заземање на Змискиот Остров „било од стратешко значење бидејќи оттогаш почнало постепеното движење на непријателот од Црното Море“.
Кирило Буданов, шеф на украинската воена разузнавачка агенција (ГУР), претходно го опиша Змискиот Остров како стратешки клучен од цивилни, комерцијални и воени причини. „Оној што го контролира островот може во секое време да го блокира движењето на цивилните бродови во сите правци кон јужна Украина и да ја нападне западна Украина“, рече Буданов во средината на мај 2022 година.
Островот се наоѓа во близина на Романија во северозападниот дел на Црното Море. За време на војната, Украина ја ослабе руската Црноморска флота, која делумно оперира од руската база Севастопол, на западниот раб на анектираниот полуостров Крим.
Извештаите сугерираат дека Кремљ планира нова воена база во пристаништето Очамчире во Абхазија, отцепен регион на Грузија. Ова би ги ставило руските бродови уште подалеку од украинскиот брег. Западното разузнавање процени дека Русија веќе ја ограничила својата активност во северозападниот дел на Црното Море преместувајќи ги своите бродови уште на исток во својата база во Новоросијск.
Европа
Маж со нож нападнал полициска патрола во Германија, убиен е
![](https://makfax.com.mk/wp-content/uploads/2024/03/germanska-policija-1.jpg)
Маж вчера со нож нападнал тројца полицајци во близина на Нирнберг во Германија. Тој почина откако беше застрелан од полицијата на железничка станица, изјави портпаролот на полицијата.
Тој починал на местото на настанот, во јужниот град Лауф ан дер Пегниц, и покрај итните мерки за прва помош, изјави портпаролот.
Според полицијата, напаѓачот најпрвин нападнал полициски автомобил во патрола. Кога полицајците излегле од возилото, тој тргнал кон нив.
„Имаше нож“, рече портпаролот.
Портпаролот рече дека нема повредени полицајци и не даде детали за тоа колку истрели биле испукани, кој испукал или каде бил погоден човекот.
Тој, исто така, првично не го коментираше идентитетот на напаѓачот или позадината на неговиот напад.
Според портпаролот на полицијата, просторот пред станицата е ограден.