Свет
Париз, Берлин и Лондон повикуваат Асад да си замине од власта
Францускиот претседател Николас Саркози, германската премиерка Ангела Меркел и премиерот на Велика Британија Дејвид Камерон во го повикаа сирискиот претседател Башар ал-Асад да си „замине од власта“ изјаснувајќи се за „нови поостри санкции“ против неговиот режим, се вели во заедничкото соопштение
Францускиот претседател Николас Саркози, германската премиерка Ангела Меркел и премиерот на Велика Британија Дејвид Камерон во го повикаа сирискиот претседател Башар ал-Асад да си „замине од власта“ изјаснувајќи се за „нови поостри санкции“ против неговиот режим, се наведува во нивното заедничко соопштение објавено во четвртокот што го пренесува AFP.Изјавата на Саркози, Меркел и Камерон е објавена само неколку минути откако таква порака до Асад испратија и американскиот претседател Барак Обама и челниците на Европската унија. Претседателот на САД, изјави дека дошол моментот сирискиот претседател Башер ал-Асад „да се повлече“. А според шефицата на дипломатијата на ЕУ, Кетрин Ештон, Асад мода да си замиен од власта. Лидерите на Франција, Германија и Велика Британија сметаа дека „претседателот Асад кој применува брутални воени мерки против сопствениот народ е одговорен за целата ситуација, го загубил легитимитетот и повеќе не може да ја води земјата“. „Го повикуваме да ги прифати последиците од фактот дека сирискиот народ во целост го отфрла неговиот режим и да ја напушти власта, поради повисокиот интерес – самата Сирија и единството на нејзиниот народ“, се наведува меѓу другото во писмената изјава на лидерите на трите најмоќни земји од ЕУ.Исто така, се повикува севкупниот сириски режим „веднаш да прекине се секакво насилство, да ги ослободи затворениците и да им овозможи на претставниците на Обединетите нации без пречки да ја реализираат мисијата за проценка на состојбата. Сириските власти се оглушуваат на апелите зачестени последните денови кои доаѓаат од Советот за безбедност на ОН, многуте држави во регионот, Советот за соработка на земјите во регионот на Персискиот залив, како и на генералниот секретар на Лигата на арапските држави и генералниот секретар на Организацијата за исламска соработка, исто така стои во соопштението на тројцата европски лидери. „Либискиот режим продолжува со свирепото и насилно репресивно однесување кон сопствениот народ, упорно одбивајќи да одговори на легитимните желби на сопствениот народ. И продолжува да го мами, исто како што ја мами меѓународната заедница, давајќи празни ветувања. Ги поддржуваме новите поостри европски санкции против резимот на претседателот Асад, бидејќи насилството во Сирија мора веднаш да престане“, се вели во изјавата на Саркози, Меркел и Камерон. Протестите во Сирија започна во средината на март во јужниот град Дера’а, а потоа се проширија и во другите региони на земјата. Сириските активисти за човекови права соопштуваат дека бројот на досега загинатите во анти-владините демонстранти убиени во судирите со безбедносните сили и полицијата од средината на март, веќе достигна две илјади, а околу три илјади се водат како исчезнати, покрај илјадниците затворени. Според официјалните власти во Сирија, безредијата ги провоцираат „вооружените терористички елементи од надвор“, кои ги обвинуваат за насилството во земјата во коешто според официјален Дамаск, загинале речиси 500 војници и припадници на безбедносните сили./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.