Европа
Германската CSU бара на Турција да ѝ се постават услови за визната либерализација
Дел од водечките личности во конзервативниот блик на германската канцеларка Ангела Меркел изјавија во средата дека либерализацијата на визниот режим на Европската унија за државјаните на Турција треба да биде договорена само доколку оваа земја гои добие статус на „земја на безбедно потекло“, односно дека може да ги враќа тие лица, што би можело да ги комплицира напорите на ЕУ во довршувањето на договорот за Анкара за мигрантите.
Баварската Христијанско-социјална унија (CSU), кој е дел од конзервативната групација во која е со Христијанско-декомратската унија на (CDU) на германската канцеларка од Ангела Меркел, веќе изрази резервираност кон барањата на Турција во врска со договорот со ЕУ кој би требало да биде финализиран до 17-ти март. Во CSU, исто така, е скептичен во врска со намерите на Анкара да се придружи на ЕУ.
Според нацрт договорот, чија цел е да се запре приливот на мигрантите во ЕУ, Турција сака побрзо укинување на шенгенските визи за нејзините граѓани уште од јуни.
Доколку Турција биде прогласена за „земја на сигурно потекло“, ќе биде полесно да се депортираат назад лицата коишто би барале азил.
„Либерализацијата на визите е отворен повик на злоупотреба. Услов за либерализацијата, затоа, мора да биде класификацијата на Турција како земја на безбедно потекло“, изјави портпаролот на CSU за внатрешни работи Ханс-Петер Укх за весникот Die Welt.
Се чини дека таквата идеја добива поткрепа и од неколку други водечки личности во CSU, вклучително и од Ангелика Ниеблер, којашто за јавното радио Deutschlandfunk дека тоа е „многу разумна идеја“. Исто така, вели дека е „многу многу критична“ во врска со либерализацијата на визниот режим.
Генералниот секретар CSU, Андреас Шеуер изјави, пак, дека тоа прашање сака „интензивно“ да биде разгледано од Ангела Меркел./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.