Македонија
Убиеното момче – Албанец се обидело да му помогне на соученик – Македонец
Момчето кое попладнево беше убиено со метални шипки во средното градежно училиште „Здравко Цветковски“ било од албанска националност и се обидело да му помогне на свој соученик Македонец, но во тепачката доби смртоносни повреди.
Момчето кое попладнево беше убиено со метални шипки во средното градежно училиште „Здравко Цветковски“ било од албанска националност и се обидело да му помогне на свој соученик Македонец, но во тепачката доби смртоносни повреди.Полицијата се уште врши увид на местото на инциденот и трага по безмилосните напаѓачи кои попладнево влегле во училишниот двор со метална шипка и ги нападнале двајцата ученици. Во обид да му помогне на својот соученик, осумнаесет годишниот Јашари Мухамед Али од Кондово попладнево околу 15:30 часот им подлегна на повредите. Од Ургентниот центар потврдуваат дека децата што беа повредени при тепачката во скопското средно училиште „Здравко Цветковски“ биле примени кај нив и дека едно од нив околу 15:30 часот им подлегнало на повредите.Од ургентниот центар за Макфакс изјавија дека момчето било донесено со повреди на главата од тап предмет и без пулс. Му била извршена реанимација, но безуспешно. Другото шеснаесет годишно момче било со полесни повреди и е надвор од животна опасност.Физичкото обезбедување, тврди директорката, реагирало навремено, но не можела да го спаси детето. Инцидентот се случил додека дел од учениците биле вакцинирани од мала сипаница. „Во моментот излегувал од вакцинација веќе починатиот за жал Мухамед Али Јашари, кој се обидел да му помогне на својот другар Дарко, но за жал бил нападнат од страна на сторителите. Бил удрен со тап предмет. Во моментот реагираше лекарските екипи “ изјави Драгица Костадиновска директорката на училиштето.„Се случи голема трагедија. Ученик Албанец се обиде да му помогне на својот соученик Македонец и настрада. Она што ние денеска го изјавуваме е дека убијците ќе бидат фатени и ќе бидат изведени пред лицето на правдата. Правдата ќе биде толку безмилосна колку што напаѓачите беа безмилосни кон својот ученик“ изјави министерот за образование Никола Тодоров.Додека траеше увидот во училиштето пристигна и делегација на ОБСЕ, на која не и беше дозволено да влезе, додека не завршел увидот. Во училиштето пристигна и градоначалникот на општина Карпош, Стевче Јакимовски. За инцидентот дознал од колегите.„Немам што да изјавам, одам да видам што се случило, мојот син учи во соседното училиште“ рече Јакимовски.Насилството во училиштата стана секојдневие. Од почетокот на годинава неколкумина ученици беа прободени со нож. Градот Скопје воведе и физичко обезбедување во училиштата, видео надзори и дежурни наставници, но и покрај ова трагедијата не беше избегната./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, општина Илинден во координација со екипите на ДТУ ТОКСИ ВЕТ– Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување на вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно по здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и култура е рециклирање и рекреирање на веќе постоечкото. Колку понапредни општествата – толку повеќе се рециклира, се води сметка за животната околина и сè погласна и популарна е “second hand” модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во Јавна соба, под слоганот “Second hand е подобро од ново” започнува Базарот каде што посетителите можат да си набават добро сочувано парче гардероба, чевли, накит, книга или можеби некоја играчка. Ќе има бројни штандови со разноразни парчиња кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– Заштеда на пари
– Помагање на животната средина и зачувување на природните ресурси
– Поддржувате локален и мал бизнис
– Развивате уникатен стил
– Имате чувство како да сте во потрага по богатство