Свет
Уапсени 16 шверцери на илегалци
Цената за прифаќањето, сместувањето и
илегалното префрлање на мигрантите во Грција изнесувала по 5.000 евра од човек
Цената за прифаќањето, сместувањето и
илегалното префрлање на мигрантите во Грција изнесувала по 5.000 евра од човек
Полицијата разби меѓународен синџир за шверц на мигранти и уапси 16
македонски државјани осомничени дека прифаќале, сместувале и илегално префрлале
мигранти во Грција. Уапсените се одговорни за шверц на околу стотина мигранти
од Албанија, Турција, Кина, Пакистан и други земји.
Во акцијата која била изведена завчера и вчера учествувале над 250 полицајци од
кои 150 биле припадници на Единицата за брзо распоредување.
Повеќето од приведените се од Скопје, а двајца се од Гевгелија. Главни
организатори се скопјаните Насер Шентрук (44), Неџати Ајдари (45) и Оливера
Тодоровска (41). За помагање осомничен е синот на Оливера, Јован Тодоровски
(22). Главни организатори на транспортот и транспортери се Шаќир Исмаиловски и
Горан Стојановски (30), двајцата од Скопје.
Полицијата извршила претрес во домовите на уапсените во кои биле пронајдени
странски пасоши, фотографии за изработување лажни пасоши, печати, лични карти
од странски државјани, пиштол и други предмети. Полицијата запленила и осум
возила со кои се вршел транспортот. Мигрантите биле сместувани во два стана во
Скопје како и на повеќе локации во земјава. Истрагата засега утврдила дека
цената за прифаќањето на емигрантите, нивното сместување и илегалното префрлање
во Грција изнесувала по 5.000 евра од човек.
По распитот во полициската станица приведените ќе бидат сослушани од истражен
судија во основниот суд Скопје 1.
Во МВР велат дека акцијата продолжува и дека се бараат други инволвирани во
шверцот со луѓе.
– Станува збор за координирана акција која со помош на СЕКИ-центарот од
Букурешт истовремено беше спроведена во Австрија, Словенија, Хрватска, Босна и
Херцеговина, Србија и во нашата земја. Акцијата беше договорена во декември
лани, а полицијата со следење на шверцерите почна во февруари годинава, по што
и Граничната полиција истовремено ја зајакна контролата на државната граница.
Во акцијата не се откриени полицајци што учествувале во шверцот, изјави Иво
Котевски, помошник на министерот за внатрешни работи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Свет
Фатална грешка при спасувањето мигранти во близина на Шпанија – 9 загинати и 48 исчезнати
Најмалку девет луѓе загинаа, а уште 48 се водат како исчезнати откако брод со мигранти се преврте за време на спасувачка операција во близина на Канарските острови, соопштија во саботата шпанските власти.
Шпанската поморска спасувачка служба соопшти дека трагедијата се случила откако било дојавено за присуство на мал брод натоварен со луѓе на околу 6 километри од островот Ел Хиеро. Бродот се превртел кога премногу луѓе се префрлиле на едната страна за време на обидот за спасување, се вели во соопштението на спасувачката служба.
Спасувачите спасија 27 луѓе, а потврдија дека има девет мртви.
Службата соопшти дека акцијата за спасување била отежната, бидејќи била извршена во текот на ноќта и под налетите на ветровите кои достигнале јачина од 20 јазли. Во акцијата учествуваа спасувачки бродови и хеликоптери на поморската спасувачка служба, Цивилната гарда, Црвениот крст и локалната самоуправа.
Атлантскиот пат за мигранти од Западна Африка до Канарските Острови е еден од најсмртоносните во светот. Иако нема точна бројка на загинати поради недостигот на информации за заминувањата од Западна Африка, шпанската група за заштита на мигрантите „Walking Borders“ проценува дека жртвите се илјадници.
Над 26.000 луѓе пристигнале преку море на Канарските острови досега оваа година, во споредба со околу 14.000 во истиот период минатата година.
Свет
Хакери ја нападнале француската информативна агенција „Франс прес“
Информативниот систем на француската агенција „Франс прес“ бил цел на напад кој зафатил дел од системот за дистрибуција на вести до клиентите, соопштено е денеска.
Мобилизирани се технички тимови на АФП со поддршка и експертиза на Националната агенција за безбедност на информациските системи (АНСИ)“, се вели во соопштението.
„Редакцијата и сите служби на АФП продолжуваат да известуваат за настаните ширум светот“, соопшти агенцијата.
Нападот бил откриен вчера.
Контактирани се надлежните органи на Франција, соопшти AFP, истакнувајќи дека се уште не се познати сторителите на нападот и нивните мотиви.