Свет
Четири дивоградби летнаа во воздух
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-8227.jpeg)
Под силно полициско обезбедување и под надзор на стручни лица, екипи
ангажирани од Државниот градежен инспекторат при Министерството за транспорт и
врски со динамит и со рачна механизација вчера уриваа дивоизградени објекти во
општините Центар и Кисела Вода
ВО АКЦИЈА НА ДРЖАВНИОТ
ГРАДЕЖЕН ИНСПЕКТОРАТ
Под силно полициско обезбедување и под надзор на стручни лица, екипи
ангажирани од Државниот градежен инспекторат при Министерството за транспорт и
врски со динамит и со рачна механизација вчера уриваа дивоизградени објекти во
општините Центар и Кисела Вода, информираат од инспекторатот. Во најавената
акција, целосно ќе падне објектот „Зинекс“ што се наоѓа на улицата Димче
Мирчев, зградата „Мала Платина“ на улицата Роза Луксембург, на која веќе се
уриваше пред два дена, како и спорниот потпокрив на „кинески ѕид“ на кејот на
реката Вардар во градскиот парк, кој почна да се руши изминатиов викенд. Од
Министерството вчера најавија и рушење на дивоизграден објект на улицата Банско
во општината Кисела Вода.
– Со овие активности ја потврдуваме заложбата за спроведување на законите и
воведување ред во сферата на градежништвото и урбанизмот – велат од
Министерството за транспорт и врски.
Објектот на фирмата „Платина“ што се наоѓа на улицата Роза Луксембург, во
близина на Католичката црква, почна да се урива од минатата недела, а државните
инспектори тогаш не знаеја да кажат дали тоа е дел од нивната акција, иако оваа
зграда се наоѓа на листата за уривање. За овој објект има издадено решение за
уривање пред две години.
Објектот „Зимекс“ на улицата Димче Мирчев, пак, нема одобрение за градба, а
државните инспектори при надзорот констатирале дека градбата отстапува и од
габаритот.
Зигфрид Греве, инвеститорот на „кинески ѕид“, пред два дена не успеа да ги
разубеди државните градежни инспектори да го запрат рушењето на спорниот
потпокрив на зградата. Тој бараше да не се урива со динамит, оти како што рече,
ќе се оштетеле и други делови од зградата и бараше од надлежните да му дозволат
самиот да се справи со спорните 60 сантиметри од поткровјето.
Државните инспектори ги спроведуваат овие активности во име на двете општини,
откако пред два месеца Министерството им ги одзеде надлежностите во урбанизмот
зашто не ги извршувале решенијата за уривање и не постапиле според укажувањата
од инспекторатот за градежништво. Општините Кисела Вода и Центар до 14 јуни
нема да можат да издаваат градежни дозволи, да спроведуваат детални планови и
да вршат инспекциски надзор над градби од трета, четврта и петта категорија.
А.П.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.