Свет
Ако се казнуваат корумпираните, мора и да се наградат добрите
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-9882.jpeg)
Кога се
казнуваат лекарите кои го прекршиле законот, мора паралелно со тоа да се најде
начин да се наградат лекарите кои добро ја извршуваат својата работа, а
единствен начин за тоа е зголемување на платите, вели професор Алексеј Дума,
претседател на Лекарската комора.
АЛЕКСЕЈ ДУМА, ПРЕТСЕДАТЕЛ НА ЛЕКАРСКАТА КОМОРА
Кога се
казнуваат лекарите кои го прекршиле законот, мора паралелно со тоа да се најде
начин да се наградат лекарите кои добро ја извршуваат својата работа, а
единствен начин за тоа е зголемување на платите, вели професор Алексеј Дума,
претседател на Лекарската комора.
– Еднаш мора да се направи ред и во нашава професија. Лекарите мора да го
почитуваат законот и Комората ја поддржува Владата во борбата со корупцијата и
криминалот. Тоа е во интерес на сите. Сепак паралелно мора да се работи и на
стимулирање на лекарите кои добро си ја работат работата. Тоа е можно само со
зголемување на платите и на тоа мора да се работи во наредниот период – вели
Дума.
Во изминативе месеци се повеќе лекари се појавуваат во јавноста во улога на
обвинети. Од почетокот на годината двајца лекари беа притворени поради земање
мито. Едниот од нив неделава беше осуден на една година затвор, а судската
постапка против вториот е во тек. Десетина лекари беа фатени од санитарните
инспектори како работат дополнително во приватни ординации надвор од работното
време. Вчера комисија при Министерството за здравство парично ги казни
директорот на болницата во Штип и лекарот кој одбил да го прегледа пациентот
бидејќи немал сини картони. Минатата година беше осуден гинеколог од Велес
поради пропусти во лекувањето од кои почина млада родилка. Условно и со парични
казни беа казнети и тројцата лекари во случајот со Наташа Кметовска. Судски
спорови се водеа и против двајца лекари од Прилеп и еден од Охрид.
Судот на честа при Лекарската комора кој е надлежен за лиценците на лекарите,
ќе постапува по сите предмети кои ќе ги добие од надлежните институции, вели
Дума. Тој апелира до сите судови да им ги доставуваат навреме правосилните
пресуди за сите случаи во кои лекари се гонат професионално или приватно.
– Потребна ние е правосилна пресуда од суд или од овластен државен орган за да
отвориме постапка пред Судот на честа. Тие ги доставуваат доказите за тоа дека
е прекршен законот, а ние потоа ја гледаме етичката димензија на случајот.
Спремни сме да ги отвориме сите постојни случаи за одземање на лиценци, веднаш
штом Владата ќе биде спремна да разговара за стимулирањето на лекарите – вели
Дума.
А.Г.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.