Свет
Обама повторно го предупреди Гадафи
Американскиот претседател, Барак Обама, повтори дека Западот ги разгледува сите опции во Либија, вклучувајќи и можна воена интервенција. Обама исто така ги предупреди либиските функционери кои се лојални на Гадафи дека поради насилствата ќе бидат повикани на одговорност.
Американскиот претседател, Барак Обама, повтори дека Западот ги разгледува сите опции во Либија, вклучувајќи и можна воена интервенција. Обама исто така ги предупреди либиските функционери кои се лојални на Гадафи дека поради насилствата ќе бидат повикани на одговорност.„Сакам на сите оние кои се наоѓаат околу полковникот Гадафи да им испратам јасна порака. Нивни е изборот да одберат како ќе делуваат во иднина, но тие ќе бидат одговорни за секое продолжување на насилствата“, им изјави Обама на новинарите во Белата куќа по состанокот со премиерката на Австралија Џулија Џилард. Претседателот Обама рече дека САД со сојузниците во НАТО ја разгледуваат можноста за воена интервенција. Инаку денеска во Москва, рускиот министер за надворешни работи, Сергеј Лавров изјави дека Русија се противи на било каков облик на странска интервенција во Либија. Лавров со сомнеж гледа на можната одлука на Советот за безбедност на Обединетите нации за воведување на забранета зона за летови во Либија, која според француски и британски дипломати се разгледува во ОН. Либија продолжува да тоне во граѓанската војна. Владините сили започнаа со нови напади врз бунтовниците во приморскиот град Рас Лануф. Бунтовничките сили се прегрупираат, но полковникот на либиската војска, Мохамед Самир кој се бори на страна на бунтовниците, изјави дека им е потребна помош. Борбите продолжија и во градот Бин Џавад, и во Завија, додека во источниот дел на земјата бунтовниците се обидуваат да го освојат Сирт, упориштето на Гадафи, кое им стои на патот до Триполи. Според податоците на Меѓународната организација за миграција, до петокот Либија ја напуштиле 192.000 бегалци. крај/х/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американец заработил 100.000 долари и добил данок од 34,6 милијарди долари
Многумина би сакале едно утро да се разбудат како милијардери, но еден Американец кој ја имал таа можност, доживеал шок. Бери Тангерт од Ланкастер бил шокиран откако даночниците пресметале дека треба да им плати 34 милијарди долари.
Овој Американец, кој вообичаено тврдел дека заработува 100.000 долари годишно, целосно се изненадил кога ја видел огромната бројка на својата сметка.
Одделот за приходи на Пенсилванија му испратил сметка, во која пишувало дека и должи на државата 34.576.826.561,47 долари.
Тангерт за американските медиуми изјави дека знаел дека тоа е очигледна грешка, бидејќи не заработува повеќе од 100.000 долари годишно, па нема шанси да должи ни приближно до таа сума.
„Не знам дали се работи за компјутерска грешка во преносот или дали е грешка при внесување на моите податоци“, додаде Бери Тангерт.
Тангерт рече дека се обратил до Одделот за приходи и службеникот рече: „Имавте добра година“, на што рече дека посакувал да има.
Бери Тангерт се уште не добил официјално објаснување од властите, како дошло до грешка што го „задолжила“ за милијарди долари.
Управата за приходи за американските медиуми изјавила дека тоа што се случило е „изолиран инцидент, бидејќи во системот биле внесени погрешни бројки“, пренесува Спутник.
Свет
Јулија Навална: На Путин мора да му дојде крајот
Јулија Навална, вдовицата на рускиот опозициски политичар Алексеј Навални, денеска, по повод инаугурацијата на Владимир Путин за претседател на Русија, изјави дека неговиот режим се заснова на лаги и корупција и дека мора да му дојде крајот.
„За мене лично, последните шест години од владеењето на Путин беа годините во кои мојот сопруг, Алексеј Навални, вистински руски патриот, беше прогонуван, отруен со хемиско оружје, суден, мачен во затвор три години, а потоа убиен“, рече Навална и го обвини рускиот претседател за сето тоа. Како што рече таа во видеото објавено на ‘Јутјуб’, со секој негов мандат сѐ се влошува и додаде дека е страшно да се замисли што друго ќе се случи доколку Путин остане на власт.
„Секојдневно ни се крадат огромни суми пари за да се бомбардираат мирните градови“, им порача Јулија на граѓаните на Русија и истакна дека Путин се плаши да ги открие вистинските бројки на жртвите на „крвавата и бесмислена војна што никој не ја сака, освен него“.
Таа рече дека Русија со Путин „нема да има ниту мир, ниту развој, ниту слобода“ и дека тој го изневери ветувањето дадено за време на последниот инаугуративен говор кога рече дека сака мирна Русија, безбедна за нејзините граѓани.
„Пред два месеца Русија доживеа масовна трагедија, еден од најголемите и најстрашни терористички напади во поновата историја. Руските безбедносни сили не успеаја да го спречат и дозволија десетици смртни случаи на наши сограѓани. А сепак мирни поединци секојдневно се апсат поради новинарство, мислења или дури објави на социјалните мрежи“, рече Навална. Таа додаде дека мора да се осигури дека никој во светот нема доверба во Путин, ниту во Русија ниту надвор од нејзините граници.
„Нашата земја моментно ја води лажго, крадец и убиец, но на тоа ќе му дојде крајот. Не откажувајте се, вистината ќе победи“, заклучи Јулија, пренесува „Танјуг“.
Регион
Советот на Европската Унија го усвои планот за раст за Западен Балкан
Советот на Европската Унија денеска даде зелено светло за воспоставување на инструментот за реформи и раст за Западен Балкан.
Ова го претставува финансискиот дел од планот за раст за Западен Балкан, кој на земјите од нашиот регион, вклучително и Србија, им обезбедува шест милијарди евра од буџетот на Европската Унија, две милијарди директна помош и четири заеми.
За да добијат пари, земјите треба да подготват реформски агенди, во кои ќе наведат кои реформи ќе ги спроведат.
Дополнително, предуслови за добивање пари, меѓу другото, се почитување на демократските принципи, слободни и фер избори, медиумски плурализам, независност на судството, владеење на правото.
Дополнителни предуслови имаат и Белград и Приштина, што е видливо поместување во нормализацијата на односите, како и исполнување на обврските што произлегуваат од претходно договорените договори.