Македонија
Црвенковски се враќа на чело на СДСМ на 24 мај
Бранко Црвенковски ќе се врати на челото на СДСМ на партиски конгрес што ќе се одржи на 24 мај, одлучи денеска Централниот одбор на партијата.
Бранко Црвенковски, чиј претседателски мандат му истекува на 12 мај кога на должност ќе стапи новоизбраниот шеф на државата Ѓорге Иванов, ќе биде единствениот кандидат за претседателската фотелја на партискиот конгрес. Се очекува, тој уште во првиот работен ден во СДСМ да го именува првиот тим на партијата т.е. потпретседатели и генерален секретар.Иако времениот лидер на СДСМ Зоран Заев негираше дека денеска на партискиот состанок се разговарало за евентуални нови кадровски решенија во партиските органи, партиски извори велат дека кандидатите за највисоките партиски функции веќе се познати. Така, за потпретседатели се споменуваат дури и имињата на двајцата поранешни претседатели на СДСМ, по заминувањето на Црвенковски од челната позиција во партијата: Владо Бучковски и Радмила Шеќеринска.„На СДСМ му требаат сите“, кусо коментираше Заев.Сепак, извесно е и дека и тој ќе биде дел од раководството на партијата.„Ќе бидам дел од партијата со оглед дека сум еден од ретките градоначалници на СДСМ. Ќе бидам дел од креирањето на политиката во партијата. Целосно очекувам тоа да биде апсолутно мислење на претседателот Црвенковски и очекувам тој да излезе со изборот на својот прв тим“, изјави Зоран Заев по седницата на Централниот одбор.Изборот на нов претседател на СДСМ, по времениот лидер Заев, ќе биде единствената точка на дневниот ред на конгресот на 24 мај. На конгресот ќе се гласа доверба и на постојните Извршен и централен одбор, со оглед дека партијата ќе добие ново раководство, но и поради поразот на неодамнешните локални и претседателски избори.По овој конгрес, Заев најавува уште еден партиски конгрес, кој ќе биде тематски и на кој ќе се најдат најавените измени во партискиот статут: нов начин на изборот на претседатели на општинските организации, структура на партијата, ребрендирање на партиските симболи.Освен, подготовките околу враќањето на Црвенковски, денеска на Централниот одбор се прифатил и извештајот за резултатите од претседателските и локалните избори. Партиското раководство едногласно оценило дека партијата на изборите направила чекор напред во однос на ланските вонредни парламентарни избори.“оценката е дека не се приближивме на вистински начин до граѓаните или барем не доволно. Во наредниот период мораме да биде поупорни во промоцијата на нашите решенија. Не бевме доволно упорни. Врвот на партијата ќе ја презеде целосната одговорност на изборниот пораз“, изјави Заев.Тој најави дека на почетокот на јуни партијата ќе излезе со пакет економски мерки за кои ќе инсистира да бидат прифатени, потоа вети подобри кадровски решенија внатре во партијата, како и тоа дека ќе бидат поблиску до граѓаните со тоа што ќе ја избегнуваат салонската политика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Неколку скопски општини утре ќе останат без струја
Без електрична енергија утре од 07:00 до 16:00 часот ќе останат дел од корисниците во населените места Волково и Кучково, општина Ѓорче Петров.
Како што соопшти РЦУК – Скопје, прекинот е поради технички зафати во електро дистрибутивната мрежа.
Македонија
Филипче: Почитта кон работниците ја преточивме во подобри права и повисоки плати
Меѓународниот ден на трудот 1 Мај Д-р Венко Филипче го поминува во Дојран од каде испрати порака дека работничкиот труд, солидарност и истрајност треба високо да се ценат. Како носител на листа во Изборната единица 4 од СДСМ и Коалицијата за европска иднина Филипче потсети на најтешките времиња и најголемите кризи кога во прашање беше здравјето на граѓаните и егзистенцијата на семејствата.
„Влогот на работниците нивниот труд, солидарност и истрајност најмногу го почувствувавме во најтешките времиња. И не го заборавивме. Го вреднуваме и унапредуваме. СДСМ е партијата која обезбеди повисока минимална плата за работниците и постави методологија за сигурен и континуиран раст што денес резултира со минимална плата од 22.500 денари. Тоа беше незамисливо до пред само седум години. И продолжуваме. Си поставивме цел за минимална плата од 600 евра и просечна плата од 1.100 евра во новиот мандат. Работниците се двигатели на секоја економија во секоја држава. Затоа не се откажуваме од унапредување на работничките права, растот на платите и обезбедувањето подобро платени работни места“, порача Филипче од Дојран.
Д-р Венко Филипче на денешниот меѓународен ден на трудот потсети дека за седум години просечната плата од 22.000 денари денес е зголемена на близу 40.000 денари, а минималната плата од 8.000 денари денеска изнесува речиси 23.000 денари. Тој зборуваше и за невработеноста која од 25% во 2016 година е преполовена на 12,8 %, дека е зголемен животниот стандард и куповна моќ за цели 35% како и тоа дека недела е ден на семејството и е неработен ден.
Грижејќи се за граѓаните Филипче не изуми и на антикризните мерки и обезбедените 2,6 милијарди евра за поддршка на граѓаните и стопанството со што беше заштитен животниот стандард и достоинството на граѓаните, но и зачувани работните места.
Д-р Филипче од Дојран зборуваше и следниот мандат кој предвидува програма за млади во која младите до 26 години ќе добиваат по 200 евра за прво вработување, субвенции и поволни цени за купување сопствен дом за млади до 29 години, како и гарантирана плата за млади, додека грантовите за отпочнување на сопствен бизнис за млади, се зголемува на 8.000 евра. Д-р Филипче се осврна и на растот на платите на здравствените работници во следниот мандат.
„Платите на медицинскиот персонал значително ќе се зголемат. Специјалистите ќе имаат до 180.000 денари плата, општите доктори, до 120.000 денари. Медицинските сестри, до 90.000 денари. Само во земјава од цел регион имаше реален раст на плата за време на кризата. Доколку повторно ја добиеме вашата доверба во наредните четири години ќе обезбедиме европски и достоинствен животен стандард за граѓаните. Нека е за многу години денот, Честит 1 Мај, ние ќе продолжиме во духот на социјалдемократијата да го почитуваме и цениме трудот на секој работник“, порача Филипче.
Македонија
Битиќи: СДСМ е партија која се води од социјална правда, еднаквост и солидарност
„Гласот за број еден, за СДСМ и Коалицијата за европска иднина, е глас за поголеми плати и унапредени работнички права. Седум години градиме економска атмосфера на постојан раст на платите, да не дозволиме ова да биде загрозено – работниците и работничките тоа не го заслужуваат“, им порача на сопартијците Фатмир Битиќи, потпретседател на СДСМ и ко-носител на листата на кандидати за пратеници во Изборна единица 2, на денешниот Првомајски пикник кој беше организиран од партијата во Градскиот парк во Скопје.
„Двојно ја зголемивме просечната плата од 2016 година, денес таа изнесува речиси 40.000 денари. Минималната плата не ја оставивме на егзистенцијалниот минимум, на кој ја затекнавме во 2016, кога изнесуваше 10.000 денари, сега таа изнесува 22.500 денари. Знаеме дека треба уште повеќе, затоа ветуваме просечна плата од 1.100 евра и минимална плата од 600 евра во наредните четири години. Ова е добриот глас кој треба да го ширите до секој човек, во секое село и град“, порача до членовите на СДСМ потпретседателот Битиќи.
Тој истакна дека СДСМ е силна партија и денешниот Ден на трудот треба да биде дополнителна мотивација за поголемо заедништво во пресрет на денот на изборите на 8 – мај и продолжување на битката за европска Македонија.
„Не смееме да се откажеме, социјалдемократијата не обврзува да водиме грижа за секое работно место, за достоинствена плата. Никој друг, само ние, социјалдемократите можеме тоа да го понудиме на граѓаните со програмата каде работникот е на прво место. Никој да не биде изоставен од економските успеси, што значи повисоки плати и пензии, поголема куповна моќ и подобар квалитет на животот. Ќе се погрижиме секое домаќинство да ужива во сигурна финансиска иднина, со поголем пристап до услуги и можности“, рече Битиќи.
Потпретседателот на партијата посочи дека СДСМ е партија која се води од социјална правда, еднаквост и солидарност и секогаш е на страната на работниците, го почитува и вреднува нивниот труд.