Свет
Локализиран пожарот на руската нуклеарна подморница
Локализиран е пожарот кој изби на руската нуклеарна подморница која беше на ремонт во базата во Мурманск, и притоа немало истекување на радијација, а нивото на зрачење е нормално, соопштија владини функционери.
Локализиран е пожарот кој изби на руската нуклеарна подморница која беше на ремонт во базата во Мурманск, и притоа немало истекување на радијација, а нивото на зрачење е нормално, соопштија владини функционери.Како што пренесува РИА Новости, првиот човек на руското Министерство за вонредни ситуации, Сергеј Шојгу, во петокот наутро изјавил дека за целосно нормализирање на ситуацијата на нуклеарната подморница „Екатеринбург“, ќе бидат потребни уште пет-шест часа. По состанокот на федеративниот оперативен штаб, како што дознава агенцијата, интензитетот на пожарот најверојатно ќе биде намален со делумно нурнување на подморницата. Пожарот изби во четвртокот околу пладне на ткн сув док на ремонтниот завод кај Руслјаково во Мурманската област, кое е едно од главните бродоградилишта на руската северна флота, 1.500 километри .северно од Москва. Според руското Министерство за одбрана, за време на извршување работи со оган, се запалиле дрвените скелиња, а огнот се проширил на надворешниот дел од подморницата. Тој бил покриен со специјален гумен антихидролокационен слој. Пожарот зафатил површина од 150 квадратни метри.Во петокот откако пожарот беше локализиран околу полноќ, властите решија да го нурнат трупот на 18.200 тони тешката и 167 метри долгата нуклеарна подморница, откако пожарот беше гаснет од влекачи и од хеликоптери. Претходно беше известено дека целото вооружување на пловилото е отстрането, дека биле исклучени нуклеарните реактори и дека нема повредени лица. Снимките од пожарот во четвртокот навечер беа емитувани на руската државна телевизија, кога беа прикажани кадри од пламени јазици кои се креваат десетици метри во воздух со кои се бореа повеќе од стотина пожарникари.Подморницата „К-84 Екатеринбург“ од класата „Делта“ може да носи 16 балистички проектили, секој со четири боеви глави. Од оваа подморница во јули од Баренцовото Море беше пробно истрелана балистичката ракета „Р-29РМ Синева“.Најголемата подморничка катастрофа во постсоветска Русија се случи во август 2000 година кога во Баренцовото Море потона нуклеарната подморница „Курск“ во која загинаа сите 118 членови на екипажот./крај/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелските медиуми ги објавија трите барања на шефот на Хамас за ослободување на заложниците
Лидерот на палестинската исламистичка организација Хамас во Појасот Газа, Јехја ал Синвар, и понатаму има три барања во преговарачката понуда за договорот за заложниците, објавија медиумите.
Синвар сè уште бара загарантиран крај на војната, изјави синоќа за израелската телевизија Канал 12 извор близок до лидерот на Хамас. Израел тоа барање досега го отфрлуваше.
Синвар, наводно, сака писмена обврска за „безусловно прекинување на непријателствата“.
Според израелската телевизија, ал-Синвар побарал и Израел да не го спречува враќањето на Западниот Брег на палестинските затвореници кои треба да бидат ослободени во замена за заложниците земени од Израел.
Според последниот нацрт на договорот, Израел сака да ги испрати оние кои отслужуваат доживотна казна затвор во Појасот Газа или во странство.
Понатаму, лидерот на Хамас сака детали за материјалите што Израел нема да дозволи да бидат испорачани во Газа за реконструкција.
Според извештајот, во Израел се претпоставува дека Хамас нема да даде јасен негативен одговор на предлогот поради меѓународниот притисок. Египетските посредници, со поддршка на САД, во моментов се обидуваат да постигнат договор.
Милитантната исламистичка организација Хамас претходно објави дека повторно ќе испрати делегација во Египет за да ги заврши индиректните преговори со Израел за ослободување на заложниците и договор за прекин на огнот.
Египетската државна телевизија Ал-Кахира њуз објави дека делегација на Хамас треба да пристигне во Каиро во следните два дена за продолжување на преговорите.
Израелската влада најави дека во брзо време ќе започне офанзива во Рафах на југот на Појасот Газа, на границата со Египет, доколку не се постигне договор.
Европа
(Видео) Украинците објавија снимка: Го уништивме рускиот систем Бук, не можеа да го изгаснат пожарот
Украинските сили за специјални операции тврдат дека го уништиле лансерот на рускиот противвоздушен ракетен систем Бук на линијата на фронтот во регионот Суми.
Според извештаите, операторите во украинската единица забележале руски противвоздушен ракетен систем Бук-М1 додека изведувале борбени операции на фронтот.
Операторите потоа користеле нападни беспилотни летала за да ја нападнат целта. Русите неуспешно се обиделе да го изгаснат пожарот и да ја спасат својата опрема, тврдат Украинците. Тие споделија и видео на кое се гледа експлозијата и последователниот пожар.
Украинците наведуваат дека лансерот со шест проектили бил уништен со прецизен удар. Инаку, Украинците во вторникот пријавија и уништување на два Бука на истиот дел од бојното поле.
Свет
Турција ја прекина целата трговија со Израел
Турција од вчера го прекинува целиот извоз и увоз со Израел, соопшти турското Министерство за трговија, наведувајќи ја како причина „влошената хуманитарна трагедија“ на палестинските територии.
„Суспендирани се извозни и увозни трансакции поврзани со Израел и тоа се однесува на сите видови производи“, соопшти турското Министерство за трговија.
„Турција строго и решително ќе ги спроведе овие нови мерки додека израелската влада не дозволи непречен и доволен проток на хуманитарна помош во Газа“, се додава во соопштението.
Израелскиот министер за надворешни работи Израел Кац изјави претходно вчера дека турскиот претседател Реџеп Таип Ердоган „ги прекршил договорите (меѓу Израел и Турција) блокирајќи го израелскиот увоз и извоз на пристаништата.