Договорот за физичка демаркација на границата меѓу Македонија и Косово не прави промена на границата, туку исцртување на граничната линија

Договорот за физичка демаркација на границата меѓу Македонија и Косово не прави промена на границата, туку исцртување на граничната линија врз основа на Договорот од 2001 година.Ова го тврдат од владеачката партија ВМРО-ДПМНЕ и и порачуваат на опозицијата поодговорно да се однесува околу прашањата од национален интерес.„Морам да истакнам дека сме загрижени околу неодговорното однесување на опозицијата, но очекуваме дека ќе ја надминат нивната потреба за добивање на некој дневнополитички поен врз основа на манипулации и веруваме дека ќе покажат одговорност и посветеност кон државните и национални интереси“, изјави пратеникот Оливер Шамбевски, на денешната прес-конференција на ВМРО-ДПМНЕ.Според него, целата процедура околу ратификувањето на Договорот била транспарентна и отворена за јавноста. Шамбевски не сакаше да ги открие проценките за колкави отстапувања во територијата станува, но наведува дека тие се јасно и писмено дефинирани во Договорот што беше ратификуван во саботата.„Решавањето на ова отворено прашање претставува наша голема  придобивка, придонес  и  обврска од нашите аспирации за целосна интеграција во ЕУ и НАТО-алијансата. Со ова Република Македонија е единствената држава од земјите на поранешна Југославија, а и една од неколкуте на Балканот и Европа која има јасно дефинирани и утврдени гранични линии со своите соседи. Станува збор за балансирање прилагодување согласно географските прилики и катастарските парцели.“, изјави Шамбевски.Во однос на спорот со името како дополнителен услов за добивање на датум за преговори од владејачката ВМРО-ДПМНЕ велат дека остануваат посветени на процесот и на преговорите што се водат во Обединети нации. Шамбевски ги истакна, како што рече трите позитивни настани кои на Македонија и се случиле во период од 72 часа: позитивниот извештај и препораката на Европската комисија, потоа дополнителните 55 милиони евра преку ИПА фондовите кои ќе бидат наменети за проекти во областа на вработувањето, социјалната инклузија и образованието, како и демаркацијата на границата кон Косово. Според Шамбевски со трите настани државата демонстрира сериозен капацитет за затворање на крупни прашања, као и тоа дека Република Макеоднија ги зацврстила своите позиции на меѓународен план.„Пред се испративме порака до идните потенцијални инвеститори за сериозниот капацитет на нашата земја за решавање на крупни прашања“, рече пратеникот на ВМРО-ДПМНЕ. /крај/кн/мп