Субвенционирањето на осигурувањето на примарното земјоделско производство од основни ризици и вршењето на педолошки и на агрохемиски анализи на почвата ќе продолжат да бидат финансирани од страна на Министерството за земјоделство, шумарство и водостопанство.

Субвенционирањето на осигурувањето на примарното земјоделско производство од основни ризици и вршењето на педолошки и на агрохемиски анализи на почвата ќе продолжат да бидат финансирани од страна на Министерството за земјоделство, шумарство и водостопанство.

Од Министерството најавија дека со  35 милиони денари од Програмата за финансиска поддршка во земјоделството за 2010 година, државата ќе покрива 60 проценти од вредноста на полисата за осигурување, а производителите за оваа мерка ќе можат да аплицираат од 24 март до  31 август.

Агенцијата за поттикнување на развојот на земјоделството и оваа година во соработка со осигурителните компании ќе продолжи со одржување на трибини по населените места за промоција на оваа мерка од Програмата.

Со пари од Програмата, годинава ќе се покриваат 70 проценти од трошоците за извршена агрохемиска и педолошка анализа на почвата, а лаборатории за вршење на агрохемиски и педолошки анализи на почвата освен во Штип, ќе бидат отворени и во Битола, Струмица и Скопје.

Право да аплицираат за субвенции за осигурување и за извршена агрохемиска и педолошка анализа ќе имаат земјоделските стопанства кои се запишани во Единствениот регистар на земјоделски стопанства кој го води Министерството за земјоделство, шумарство и водостопанство, а субвенции нема да добијат оние производители кои имаат долгови кон државата./крај/иа