Македонија
Избрани проектите за научна и технолошка соработка меѓу Македонија и Хрватска
Македонија и Хрватска потпишаа Протокол за избор на проекти за научна и технолошка соработка за периодот 2010-2011 година, врз основа на спогодбата за научно-техничка соработка меѓу Владата на Македонија и Хрватска.
Македонија и Хрватска потпишаа Протокол за избор на проекти за научна и технолошка соработка за периодот 2010-2011 година, врз основа на спогодбата за научно-техничка соработка меѓу Владата на Македонија и Хрватска.
„Согласно протоколот, Министерството за образование и наука донесе одлука за финансирање на седум заеднички научно – истражувачки проекти, чија реализација ќе започне во 2010 година. Проектите се во областа на науката технологијата и образованието за 2009-2012 и тоа во областа на медицината, сеизмологијата, земјоделието, ветерината, математиката и информатиката, како и од областа на културата“ изјави Министерот за образование, Никола Тодоров.
Научно истражувачките проекти се со времетраење од две години и за нив МОН ќе софинансира вкупно 4.200.000 денари.
Хрватскиот амбасадор Иван Кујунџиќ, ја изрази поддршката на Хрватска за ваквите проекти и истакна дека меѓу двете влади има потпишано проекти за соработка од областа на културата и заштитата на малцинските права.
„Она што сакам да го истакнам е дека во Загреб оваа година започнува изградбата на македонската православна црква. Сметаме дека тоа е значаен проект, кој ја покажува хрватската определеност кон верската толеранција, хрватската определеност кон малцинската толеранција и воопшто почитувањето на човековите и малцинските права“ истакна Кујунџиќ. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.