Надворешна политика
Бесими: Граѓаните на Македонија се стремат кон еднаквост и подобра иднина
Вицепремиерот за евроинтеграции Фатмир Бесими во петокот имаше свое обраќање по повод одбележувањето на Денот на Обединетите нации, кое се одржа во Битола под наслов „Каков свет сакаме во 2030 година“, на кое учествуваа претставници од дипломатскиот хор, претставници од Владата на Република Македонија, претставници од академската заедница и др.
Вицепремиерот Бесими зборуваше за значењето на 24 октомври, Денот на Обединетите нации и улогата на ОН во справувањето со најголемите предизвици со кои се соочува целиот свет. Тој додаде дека ОН ја докажаа силната заложба за создавање на подобар свет за живеење, преку усвојувањето на декларацијата „Милениумски развојни цели“ во 2000 година, каде сите 193 земји-членки и многу меѓународни организации се приклучија за истите да бидат постигнати, а тие претставуваат искоренување на сиромаштијата и гладот, воведување на основно образование насекаде во светот, промовирање на правата на жените, намалување на смртноста кај родилките и децата, справување со ХИВ вирусот и другите болести, заштита и одржливост на животната средина и градење на одржливо партнерство.
Бесими, потсетувајќи на мотото на Европска Унија „Обединети во различноста“ рече дека верува во иднина каде светот може да биде обединет во целата негова различност.
„Во 2030 година: Македонија во Европска унија! Свет на поголема еднаквост и повеќе можности. Свет со поголема солидарност и повеќе љубов. Свет во кој ќе живееме во поголема слобода и повеќе мир!“, рече Бесими.
Тој истакна дека и граѓаните на Македонија се стремат кон еднаквост и целина и дека со посветено работење и силна заложба во спроведувањето на европска агенда ја докажуваме нашата визија за една подобра иднина за сите нас./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Муцунски во прва работна посета на Брисел на средби со генералниот секретар на НАТО и високи претставници на ЕУ
Министерот за надворешни работи и надворешна трговија, Тимчо Муцунски, од Луксембург продолжува во прва работна посета на Брисел, во чии рамки ќе се сретне со генералниот секретар на НАТО, Јенс Столтенберг, како и високи претставници на Европската Унија.
Во фокусот на разговорите ќе бидат евроинтегративниот процес на државата, реформските процеси, како и активностите во рамките на НАТО, со посебен фокус на претстојниот аамит на алијансата, што ќе се одржи идниот месец во Вашингтон.
Посетата на Муцунски на Брисел на почетокот на мандатот како министер за надворешни работи и надворешна трговија е показател за цврстата определба на земјата за што побрзо членство во Европската Унија и посветениот придонес кон глобалниот мир и регионалната стабилност како кредибилна земја членка на НАТО.
Македонија
Муцунски се сретна со Вархељ: Новата Влада е силно посветена на реформската агенда и европските интеграции
Министерот за надворешни работи и надворешна трговија, Тимчо Муцунски, се сретна со еврокомесарот за соседство и проширување, Оливер Вархељ, во Луксембург.
Во фокусот на разговорите беа приоритетите и активностите на новата Влада, како и актуелностите поврзани со европското досие на земјата.
„Новата Влада е силно посветена на реформската агенда и европските интеграции, а во периодот што следува ќе преземеме низа активности во насока на забрзување на нашиот евроинтегративен процес. Политиката на проширување на ЕУ е најдобрата алатка за поттикнување на реформските и демократските процеси, но истовремено е и клучна геостратешка инвестиција во мир, стабилност и економски развој на земјите од регионот, но и Европа како целина“, нагласи Муцунски.
Соговорниците разменија мислења и за планот за раст на ЕУ оценувајќи го како силна поддршка од страна на ЕУ за економско зајакнување на земјите од Западен Балкан, поттикнување на регионалната соработка, но и доближување на земјите од регионот поблиску до ЕУ и пред формалното членство.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.