Свет
Претседавањето на Полска со ЕУ ќе биде одбележано со штрајкови
Претседавањето на Полска со Европската унија (ЕУ) од први јули до крајот на годината ќе биде проследено со бран штрајкови, а најголемиот веќе е најавен за 17 септември во Вроцлав.
Претседавањето на Полска со Европската унија (ЕУ) од први јули до крајот на годината ќе биде проследено со бран штрајкови, а најголемиот веќе е најавен за 17 септември во Вроцлав.Овој штрајк ќе го организира Европската конфедерација на синдикални сојузи за време на одржувањето на заседанието на министрите за финансии на ЕУ.Во Вроцлав се очекува да пристигнат најмалку 50.000 гневни работници од сите краишта на Унијата.Водечкиот полски синдикат Солидарност за утре, ден пред преземањето на претседателството од страна на полската влада, најави во Варшава голем штрајк под мотото „Политиката ваша, бедата наша“.Полските работници бараат покачување на минималната плата, привремено намалување на акцизите на горивата, зголемување на бројот на корисници на социјална помош, како и да се отфрли климатско-енергетскиот пакет на ЕУ.Полскиот премиер Доналд Туск не го оспорува правото на протести, но го осуди моментот кој Солидарност го одбра за одржување на својот протест, воочи церемонијата на превземање на претседателството со ЕУ.„За Полска не постои полоша работа, од тоа насила да се прикаже, спротивно на фактите, дека на државата и се заканува слична ситуација како во Грција“, рече Туск. /крај/б/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел им се закани на Ирска, Шпанија и на Норвешка: Ќе има тешки последици
Министерството за надворешни работи на Израел ги предупреди амбасадорите на Ирска, Шпанија и Норвешка дека нивното признавање на палестинската држава ќе има „тешки последици“.
„Ќе има тешки последици во односите со тие земји поради нивната одлука“, најави Џејкоб Блиштајн, генерален директор на МНР по средбата со амбасадорите.
Тие биле поканети на разговори еден ден откако нивните земји објавија дека ќе ја признаат Палестина на 28 мај.
На средбата на амбасадорите им било прикажано видео од киднапирањето на пет жени војници за време на терористичкиот напад на Хамас врз Израел на 7 октомври. Во видеото од околу три минути, кое што го објавија светските медиуми, млади жени седат на подот со раскрвавени лица и врзани раце во базата Нахал Оз на југот на Израел.
Се додава дека ова признавање ќе го отежне договорот за ослободување на заложниците кои се држат во Газа од 7 октомври.
Шпанскиот премиер Педро Санчез, кој посети неколку земји за да добие поддршка за палестинското признавање, рече дека одлуката ќе ги зајакне напорите за постигнување решение со две држави.
Израел жестоко реагираше и веднаш ги повика своите амбасадори од тие три земји „на консултации“. Премиерот Бенјамин Нетанјаху вчера изјави дека заедничкото соопштение на европските земји е „награда за тероризмот“, додавајќи дека суверена палестинска држава би била „терористичка држава“.
Свет
Чешкиот претседател Петр Павел повреден додека возел мотор
Чешкиот претседател Петр Павел е повреден додека возел мотор, но повредите не се сериозни, соопштија од неговиот кабинет.
„Претседателот е повреден додека возел мотор“, објавија од кабинетот на претседателот на платформата Х (Твитер), пренесе Ројтерс.
Според кабинетот, неговите повреди не се сериозни, но тој мора кратко да биде задржан на опсервација во болница.
Регион
Колони возила со српско знаме во Белград и Косовска Митровица за поддршка на Вучиќ
Колони возила со српски знамиња крстосуваат по улиците на Белград, по усвојувањето на резолуцијата за Сребреница.
View this post on Instagram
Во центарот на северниот дел на Косовска Митровица вечерва се возеле колони возила со српски знамиња во знак на поддршка за српскиот претседател Александар Вучиќ и неговата борба во Генералното собрание на ОН.
Генералното собрание на ОН денеска усвои резолуција со која 11 јули се прогласува за Меѓународен ден на сеќавање на геноцидот во Сребреница и се осудува негирањето на геноцидот и глорификацијата на воените злосторници.
Претставници на 84 земји гласаа за усвојување на Резолуцијата за Меѓународниот ден на сеќавање и сеќавање на геноцидот во Сребреница на пленарниот состанок на Генералното собрание на ОН.
Имаше 19 против и 68 воздржани. Против резолуцијата гласаа Русија, Унгарија, Белорусија, Кина, Коморите, Антигва, Сирија, Куба, Конго, Јужна Кореја, Доминика, Еритреја, Есватини, Гренада, Мали, Науру, Никарагва, Сао Томе и Принципе и Србија.