Регион
Грција ќе бара отпишување на 30 проценти од долгот
Грчкиот премиер Алексис Ципрас во вторник во Брисел ќе се обиде да ја искористи победата на референдумот за да се договори со лидерите на Европската унија (ЕУ), а како што се очекува на состанокот на шефовите на државите и владите на земјите од еврозоната, ќе претстави нов предлог за решавање на кризата, кој според најавите вклучува барање на Грција да и се отпишат 30 проценти од долгот.
Грчкиот премиер Алексис Ципрас во вторник во Брисел ќе се обиде да ја искористи победата на референдумот за да се договори со лидерите на Европската унија (ЕУ), а како што се очекува на состанокот на шефовите на државите и владите на земјите од еврозоната, ќе претстави нов предлог за решавање на кризата, кој според најавите вклучува барање на Грција да и се отпишат 30 проценти од долгот.
Ципрас се соочува со силен притисок од доверителите во странствто и банките во земјите кои го бараат она што и недоста на Грција, а тоа се парите, пишува АР.
Состанокот на министрите за финансии на земјите од еврозоната е најавен за вторник попладне, а вечерта би требало да биде одржан и самитот на лидерите на 19-те земји.
„Времето е од суштинско значење“, рекла германската канцеларка Ангела Меркел, по состанокот во Париз со францускиот претседател Франсоа Оланд.
Ципрас во неделата постигна и повеќе од очекувана победа откако 61 процент од гласачите ги одби економските мерки на доверителите, кои беа предложени во замена за кредитите кои би ги одржале на површина острите мерки на штедење, кои вклучуваат и намалување на пензиите.
Клучна фигура во преговорите ќе биде новиот грчки министер за финансии Еуклид Цакалотос, кој рекол дека не крие оти е доста нервозен и нестрплив во овој историски момент, наведувајќи дека Грција заслужува подобра понуда./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.