Свет
Се поверојатно прогласувањето пандемија од новиот грип
Светската здравствена организација(СЗО) денеска расправа за можно прогласување пандемија на грипот A (H1N1), што доколку се случи, би било прво прогласување пандемија по повеќе од четириесет години
Директорката на СЗО, Маргерет Чан, иако повеќепати предупредуваше на наеизбежност од прогласувањето на пандемијата, досега беше под притисок од развиените држави кои најмногу од економски причини се залагаа за непроменување на степенот на аларм од 5 на 6, што е највисок степен на опасност и значи дека е прогласена светска пандемија. Светската здравствена оргнизација најави мошне брзо прогласување на шестиот максимален степен на опасност, односно пандемија, по наглиот пораст на заразени во Австралија, каде се регистрирани 1 263 случаи.Австралиските власти, меѓутоа, застанаа во одбрана на своите мерки против ширењето на грипот, соопштувајќи дека големиот број случаи се резултат на масовното тестирање и зимската сезона на грип.Од друга страна, во САД и Канада се тестираат само потешките случаи, што не е одраз на вистинската слика на заразени.Според последните податоци, во светот се регистрирани 27.737 случаи на болни, меѓу кои има 141 смртни случаи во 74 држави. Најмногу заразени има во САД, Мексико, Канада, Чиле и Австралија.Неочекуван брз раст на заразени има во Канада, каде се регистрирани нови 530 случаи на заболени. Најмногу заразени има кај домородното население, каде не може да се открие причината за енормно брзото ширење на вирусот.Поради ширењето на болеста, властите во Хонгконг ги затворија детските градинки и основните училишта, во кои беа регистрирани 12 случаи на инфицирани ученици. Исто така, поради појавата на нови 27 случаи на заболување од новиот тип грип, од четвртокот е затворено училиште во германскиот град Дизелдорф.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: Според демократските принципи, резолуцијата за Сребреница пропадна
Претседателот на Република Српска Милорад Додик изјави дека, што се однесува до демократскиот свет и она што нè учат, резолуцијата за Сребреница денеска не доби мнозинство во Генералното собрание на ОН и таа пропадна.
„На гласањето видовме дека за резолуцијата гласаа 84 земји, што не е ниту огромно мнозинство“, нагласи Додик.
Повтори дека Владата на Република Српска го покренала прашањето за мирно одвојување од Федерацијата Босна и Херцеговина, бидејќи, како што истакна, нема причина после ова да останат и да живеат заедно во Босна и Херцеговина.
Регион
Вучиќ: Резолуцијата ќе донесе поделби не само во нашиот регион туку и во ОН
Српскиот претседател Александар Вучиќ на Генералното собрание на ОН во Њујорк изјави дека усвоената резолуција за Сребреница ќе предизвика поделби не само во регионот, туку и во Обединетите нации.
„Никогаш не се случило во Генералното собрание на ОН гласањето за прашањето за геноцидот да не се изгласа едногласно, ова се случува за прв пат затоа што некои луѓе сакаа да ја искористат својата голема политичка моќ и да ја политизираат оваа важна тема и тоа го направија. не е важно колку долго предупредувавме дека целиот процес треба да биде транспарентен и инклузивен, но тие не не послушаа“, рече Вучиќ.
Тој посочи дека за резолуцијата гласале 84 земји, додека останатите присутни не гласале за резолуцијата и дека таков чин нема да успее во ниту еден национален парламент.
„Ова е единственото место во светот каде што е усвоен ваков документ. Луѓето од некои земји ја истакнаа важноста на амандманот како нивен значаен придонес, но тоа беше само значаен придонес за поголема конфузија. Тие го направија тоа само за да го спасат образот“, рече Вучиќ.
Свет
Алжир и Оман беа воздржани за време на гласањето за резолуцијата за Сребреница
Алжир и Оман беа воздржани за резолуцијата за Сребреница, а по гласањето на седницата на Генералното собрание на ОН, претставникот на Алжир рече дека земјата е убедена дека политичките актери во Босна и Херцеговина и во регионот воопшто би морале да ги надминат нивните спорови и несогласувања и дека тоа може да се постигне преку мирен соживот, помирување, дијалог и меѓусебно почитување.
„Се воздржавме од гласањето. Жалиме што нацрт-резолуцијата не беше усвоена со консензус со цел да им се оддаде почит на жртвите. Прво, Алжир ја повторува својата доследна поддршка за почитување на сите повелби на ОН за меѓународното право, вклучувајќи го меѓународното хуманитарно право и меѓународното право за човекови права Откако Алжир пристапи кон Конвенцијата за спречување и казнување на криминалот на геноцидот, Алжир силно го осудува секој геноцид, сите злосторства против човештвото, вклучувајќи го и геноцидот во Сребреница во 1995 година. интегритетот на Босна и Херцеговина.
Претставникот на Оман рече дека земјата го поддржува залагањето сторителите на злосторствата да одговараат во согласност со меѓународното право.