Македонија
Стечајци: Груевски не игнорира 363 дена
Пред точно 363 дена, стечајците доставиле барање до македонската владата, во кое предлагаат таа да отпочне постапка за социјален дијалог и да најде начин за решавање на нивниот статус, но до денес немаат добиено одговор.
Пред точно 363 дена, стечајците доставиле барање до македонската владата, во кое предлагаат таа да отпочне постапка за социјален дијалог и да најде начин за решавање на нивниот статус, но до денес немаат добиено одговор.„Жалосно е и срамно што Груевски не игнорира, и се уште не нема посетено. Се чувствуваме како да сме некоја друга, второкласна категорија на граѓани на оваа држава,“ изјави Љиљана Георгиевска, дел од стечајците кои протестираат за решавање на нивниот статус.Според претставникот на Сојузот на синдикатите на Македонија Драган Јовановски, не држат тезите на Премиерот дека стечајните работници се од приватни компании. На денешната прес конференција тој достави записник од 45-тата седница на Управниот одбор на Агенцијата на Македонија за приватизација одржана на 10.12.2001 година, кога Министер за финансии беше Премиерот Никола Груевски. Според Јовановски, во записникот е наведено дека членови на тој управен одбор за приватизација биле: Васил Ефтимов, Ламбе Арнаудов, Агрон Салиу, Адем Исаку и Борче Сибиновски и тие на дневниот ред направиле програма за финансиска консолидација и сопствена трансформација на фирмите: Славија-Скопје; Полог-Тетово; Братство-с. Желино, Тетово, а исто така продавале акции и удели од Топлификација – Скопје; Окитекс- Скопје; Сервис- Скопје; Балкан- Кавадарци; Млекарство со кооперација- Куманово и Трговија- Куманово. „Овие фирми веќе не постојат но луѓето се живи. Дел од овие стечајци што сега бараат решавање на нивниот статус е од овој временски период. На власт тогаш беше Груевски и затоа тој не може да кажува дека овие стечајци се стечајци на некој друг“, изјави Јовановски.Стечајците веќе неколку месеци бараат средба со Премиерот Никола Груевски и решавање на статусот на стечајните работници и технолошкиот вишок. Секој од нив бара 100 евра месечно за покривање на најосновните трошоци за живот. /крај/ко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.