Свет
Правата на родилките и тешко болните се скастрени административно
“Најлесно им е да решаваат со кастрење на права, што создава неправеден и неодржлив систем.
ЕКСПЕРТИТЕ ТВРДАТ ДЕКА НОВИТЕ ОГРАНИЧУВАЊА ВО БОЛЕДУВАЊАТА СОЗДАВААТ ХАОС ВО СОЦИЈАЛНАТА СФЕРА
“Најлесно им е да решаваат со кастрење на права, што создава неправеден и неодржлив систем. Сега се направи крпен систем на здравствено осигурување, во кој е скината врската меѓу плаќањето и услугите, а тоа не е европска практика”, објаснува проф.
Родилките кои најмалку шест месеци пред породувањето не биле здравствено осигурени, не може да земаат породилен надоместок. Оваа старо – нова одредба е воведена со измените и дополнувањата на законот за здравствена заштита, што пратениците ги изгласаа на 27 септември. Ваква одредба за родилките веќе еднаш падна на Уставен суд. Во 2000 година, членот 14 од Законот беше укинат бидејќи не е во согласност со Уставот.
Сега правилото не важи само за родилките, туку и за другите болни кои, по 21 ден платено отстуство кое го плаќа работадавоцот, остатокот од боледувањето треба да им се надоместува преку Фондот. И бидејќи Уставниот суд им го укина членот 14, по ново, оваа одредба е вметната во членот 15.
Во Министерството за здравство тврдат дека враќањето на член од законот кој бара претходно шестмесечно вработување на осигуреникот, е уогласено со Уставниот суд. “За овој дел е разговарано со правници и по консултациите со Уставниот суд се избегнати замките врз основа на кои пред пет години падна овој член”, вели Ратка Куљан Зографска, државен секретар во Министерството за здравство.
Во некои консултативно-финансиски куќи коментираат: “На што личи ова, на мала врата да се протнуваат неуставни одредби во закон. За кого важат одлуките на Уставниот суд, за Владата сигурно не”, велат тие и додаваат дека со ова и со законското решение на родилките и на тешко болните да не им се исплаќа боледување поголемо од две просечни плати власта сака да ги пополни финансиските дупки на сметка на осигурениците.
За проф.д-р Живко Атанасовски од Економскиот факултет, ова само покажува дека во социјалната сфера не се прават реформи туку со ад хок решенија само се зголемуваат проблемите. “Како може една земја да се фали дека е лидер со толку нерешени прашања во здравствено-социјалната сфера. Кај нас, слабостите на системот се решаваат на административно-плански начин. Со тоа се создава хаос и во делот на социјалното осигурување и здравствената заштита. Најлесно им е да решаваат со кастрење на права, што создава неправеден и неодржлив систем. Сега се направи крпен систем на здравствено осигурување, во кој е скината врската меѓу плаќањето и услугите, а тоа не е европска практика”, објаснува проф. Атанасовски.
Според него, посебен аспект на новата здравствена регулатива е популационата политика. “Се наметнуваат принципи на груб капитализам со ограничување на социјалните права. Таков однос покажува држава што не е одговорна кон својот народ. Дали државата сака супстанцата што ја чини нацијата да исчезне?”, заклучува Атанасовски.
А.Салтировска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.