Тајни документи на НАТО кои се појавиле во јавноста тврдат дека НАТО силите убиле стотици авганистански цивили во текот на војната, а тие несреќи воопшто не биле пријавени, а евроспките членки на Алијансата изразија надеж дека протечените документи за Авганистан нема да влијаат врз војната

Повеќе од 90 илјади документи на американската војска покажуваат дека во несреќни случаи во текот на шестгодишната војна во Авганистан загинале повеќе стотици цивили. Овие податоци не се објавени, ниту бројот на цивилните жртви бил пријавен.Интернет страницата www.wikileaks.org, која служи за бесплатно анонимно собирање и објавување на доверливи документи од цел свет, за ова откритие информираше во недела, а за тоа биле информирани и весниците The New York Times и лондонски Guardian, како и германски Der Sriegel.Белата куќа го осуди откривањето на документите бидејќи со тоа наводно се загрозуваат животите на Американците и нивните партнери.Американскиот советник за национална безбедност, генералот Џим Џонс, изјави дека документите го опфаќаат периодот од јануари 2004 до декември 2009 г., за време на владеењето на претседателот Џорџ Буш.Генералот Џонс тврди дека тоа се случувало пред сегашниот претседател Барак Обама да ја најави новата стратегија со повеќе средства за Авганистан, но и со порешителни акции против Ал Каеда и талибаните во Пакистан. Европските членки на НАТО изразија надеж дека истекувањето на  91.000 доверливи документи на армијата на САД за Авганистан нема да имаат влијание врз се пожестоката војна, пренесува Асошиејтед прес.Во недела, интернет страницата за дигање на узбуни „Викиликс“ објави 91.000 документи на армијата на САД кои се однесуваат на изминатите шест години од војната, меѓу кои има и непријавени инциденти во кои се убиени авганистански цивили и тајни операции против талибански функционери.Зборувајќи пред состанокот на министрите за надворешни работи на ЕУ во Брисел во понеделник, шефот на германската дипломатија, Гвидо Вестервеле, предупреди на можните „повратни удари“ и ги повика сите засегнати страни во Авганистан да работат заедно кон национално помирување.И неговиот британски колега Вилијам Хејг истакна дека во последно време е постигнат значителен прогрес во изградбата на авганистанската држава и ја изрази својата надеж дека ваквите истекувања нема да ја затрујат позитивната атмосфера.НАТО, кој командува и со американските воени единици во Авганистан, одби да го коментира настанот.