Македонија
Енциклопедијата не е антиалбанска, туку антимакедонска
Енциклопедијата на МАНУ не е антиалбанска, туку антимакедонска зад која стојат тајни служби на две соседни држави и нивни инсталации во…
Енциклопедијата на МАНУ не е антиалбанска, туку антимакедонска зад која стојат тајни служби на две соседни држави и нивни инсталации во академијата во Скопје.
Ова попладнево го изјави претседателот на Народно движење на Македонија, Јанко Бачев, откако на претседателот на МАНУ Ѓеорѓи Старделов му врачи меморандум со барање од енциклопедијата да биде избришана одредницата за словенското потекло на македонската нација.
„Настаните поврзани со енциклопедијата се дел од перфидна и смислена игра на безбедносни служби на две соседни држави и нивни инсталации во МАНУ со крајна цел да и се зададе завршниот удар на македонската нација со тоа што наводно ќе се докаже словенскиот карактер на македонскиот народ“, изјави Бачев.
Тој не посочи кои се тие две соседни тајни служби ниту детали за поднесениот меморандум додавајќи дека треба да се почека вонредното собрание на МАНУ закажано за идната недела.
Обвинувајќи за „перфидни игри“ поврзани со енциклопедијата, Бачев рече дека не е случајно што гневот е свртен кон албанското малцинство, ниту тајмингот на објавување пред извештајот на Европската комисија за напредокот на Македонија и најавата за визна либерализација. /крај/ег/мс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.