Европа
Во Австрија ги обвинуваат САД за геостратешка дестабилизација на Европа
Челникот на австриската десна Слободарска партија Хајнц-Кристијан Штрахе, САД и НАТО ги означи како главни виновници за мигрантската криза во Европа, а истовремено поранешниот чешки претседател, евроскептикот Вацлав Клаус објави дека во саботата покренал петиција против примање мигранти во земјата додека.
Во Австрија челникот на крајната десничарска Слободарска партија (FPO), Хајнц-Кристијан Штрахе, како главни виновници за бегалската криза ги означи САД и НАТО.
„САД и НАТО ги уништија Ирак и Либија со своите воен интервенции, бомби и проектили, а во Сирија пружија финансиска, логистичка и воена поддршка на опозицијата на претседателот (Башар) ал-Асад со што во тој регион го овозможија уништувањер, хаосот, страдањата и создавањето на Исламската држава“, напиша Штрахе на својот профил на Facеbook, но набрзо неговата изјава беше широко пренесена и коментирана во австриските медиуми.
Штрахе, кој на изборите во октомври ќе се кандидира за градоначалник на австриската престолнина виена, остро го критикуваше тоа што го нарекува сугестиите на американскиот претседател Барак Обама дека во прв ред Европа треба да се справува со бранот кој ја преплавува.
„САД веќе со децении предизвикуваат пожари на Блискиот исток, а потоа имаат лице да тврдат дека одговорноста за поплавата од бегалци паѓа на Европа. Тоа е совршен пример за геостратешка дестабилизација“, пишува натаму австрискиот политичар.
„Не сакаме исламизација на Европа. Не сакаме да исчезн нашата западна христијанска култура“ порача Штрахе во одвоен разговор за австриската телевизија ORF, напоменувајќи дека во Европа би требало да се пуштаат христијаните и евреите, а не муслиманите.
„Ние, потписниците на петицијата, не сме нечувствителни на патењата на илјадниците луѓе предизвикани од војната и другите катастрофи, меѓутоа… се противиме на манипулацијата со јавното мнение со создавањето на лицемерното чувство на солидарност со тие мигранти“, исто така во саботата изјави 74-годишниот Вацлав Клаус, за новинарите во местото Лиса-над-Лабем, недалеку од чешката престолнина Прага.
Клаус тврди дека само во првите десетина минути откако неговата петиција била поставена на интернет, ја потпишале неколку стотици луѓе.
„Масовното доселување ги загрозува самите темели на стабилноста на Европа и земјите членки на ЕУ. Неприфатливо е кршењето на правилата на Шенгенскиот простор, под покровителството на ЕУ, но всушност под притисокот на Германија и Франција, а на земјите коишто се трудат да ги почитуваат тие правила, како Унгарија, им се закануваат со санкции на Европската унија“, се истакнува во петицијата.
Споре Клаус, неговата петиција треба да ги обедини оние граѓани кои се загрижени за својата и иднината на своите деца, бидејќи миграциите од земјите од третиот свет претставува сериозна за земјата и воопшто за континентот.
Во текстот се повикува чешката влада „да ја гарантира безбедноста во земјата и неповредливоста на нејзините граници со сите расположливи средства“, а „на ниво на ЕУ да не прифати никакви квоти или слични мерки за распределување на мигрантите“, како што бара Европската комисија, како и да „истрае на почитувањето на договорот кој е на сила во областа на политиките во врска со азилот“./крај/мф/сн
Извор: Reuters/AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.