Македонија
Протесните барања доставени до Собранието
Групата млади, кои деновиве континуирано протестираат против полициското насилство, предмалку поднесоа граѓанска иницијатива до пратениците на новото Собрание и побараа таа да се најде на дневен ред.
Групата млади, кои деновиве континуирано протестираат против полициското насилство, предмалку поднесоа граѓанска иницијатива до пратениците на новото Собрание и побараа таа да се најде на дневен ред.
„Пред 10 минути ја поднесовме граѓанската иницијатива против полициската бруталност. Бараме да ги стават на дневен ред сите точки од нашето барање, од друга страна ние се обврзуваме дека во следниот период ќе изготвиме конкретни предлози за измена на одредени закони и членови за кои што ќе собереме 10.000 потписи, рече Биљана Димитрова од граѓанската иницијатива.
Од организацијата ги замолија членовите на политичките партии да го напуштат протестот и како што кажаа, да не му прават лоша услуга на протестот.
Мирјана Најчевска , поранешен претседател на Хелсиншкиот комитет за човекови права, за барањето на младите да се воспостави цивлна надворешна контрола на полицијата, рече дека ниту една влада во ниту еден состав не сакала да се откаже од можноста самоволно да раководи и како што кажа таа, да ја злоупотребува полицијата.
„ Се додека не сватиме дека полицијата мора да биде сервис на граѓаните ,а тоа може да се постигне само со надоврешна контрола, ние до тогаш не можеме темелите на демократијата да ги поставиме“, рече Најчевска.
Во моментов околу стотина граѓани се собрани пред задниот влез на Собранието, каде што пристигнуваат новите пратеници на денешната конститутивна седница.
Учесниците на протестот бараат одговорност за смртта на Мартин Нешковски и формирање независно тело што ќе ја контролира работата на полициските единици.
Конститутивната седница на новиот парламентарен започна околу 12 часот и 20 минути, а на дневниот ред треба : избор на верификациона комисија, верификација на мандати, избор на комисија за избори и именувања и избор на претседател на Собранието.
Со седницата претседава најстариот пратеник Љубисав Иванов – Ѕинго./кра/ми/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонскиот концепт: Ја осудуваме изјавата на Костадин Костадинов и бараме да ја признае реалноста
Македонски концепт најостро ја осудува „неодговорната и провокативна“ изјава на лидерот на бугарската крајнодесничарска партија „Преродба“, Костадин Костадинов, во која се повикува на „логичноста“ за присоединување на Македонија кон Бугарија. Ваквите изјави се целосно спротивни на принципите на современата европска соработка, меѓусоседските односи и почитувањето на националниот идентитет, велат од Македонски концепт.
„Го повикуваме Костадинов, како и сите политичари во Бугарија, да се соочат со историската реалност и да прифатат дека македонскиот етнос е значаен дел од бугарската нација. Оваа вистина треба да се препознае како основа за зајакнување на мостовите на соработка, заемно почитување и заеднички напредок помеѓу Македонците и Бугарите.
Наместо продлабочување на поделбите, време е за создавање на заедничка визија за иднината, базирана на почитување на националните идентитети и културното наследство на двата народа“, се вели во соопштението на Македонски концепт.
Од таму додаваат дека остануваат посветени на промовирањето на овие вредности и на градењето на европска иднина за целиот регион.
Македонија
(Видео) СДС го создаде Артан Груби и му дозволи тој да ја ограбува државата, рече Петрушевски
„СДС го создаде Артан Груби и му дозволи тој да ја ограбува државата. СДС се главем виновник за милионските криминали на Груби. Тие ја потчинија цела влада на него и неговите криминални шеми“, рече Бране Петрушевски, пратеник на ВМРО-ДПМНЕ.
„Груби отворено, без проблем од прогон, со години ја ограбуваше државата во време на СДС.
СДС свесно дозволи и знаеше што се прави Груби.
СДС се виновни за криминалот на Груби и за се што правеше, кое му беше дозволено заради желбата за власт на СДС.
Венко Филипче и СДС треба да признаат пред целата јавност дека тие го создадоа Груби и да се извинат. Истовремено да ги повикаат на одговорност и Ковачевски и Заев“, изјави Бране Петрушевски, пратеник на ВМРО-ДПМНЕ.
Македонија
Халкбанк предупредува за обиди за злоупотреба на лични и финансиски податоци
Халкбанк АД Скопје ја информира јавноста дека од 28 декември 2024 година се регистрирани обиди за неовластено собирање на лични и финансиски податоци преку лажни пораки, кои се испраќаат до граѓаните на Македонија. Овие активности сè уште се актуелни.
Се испраќаат лажни SMS пораки со злоупотребено име на банката, кои содржат линк до лажни веб-страници со намера за измама. Целта на овие пораки е прибирање на податоци за платежните картички и можност за нивна злоупотреба.
Банката апелира до јавноста да се воздржи од отворање на линковите добиени преку ваквите пораки, да не внесува лични или финансиски податоци на посочените веб-страници и да биде внимателна.
Халкбанк АД Скопје истакнува дека никогаш нема да побара од своите клиенти лични податоци или информации за платежните картички преку ваков тип пораки. Сите комуникации од страна на банката се одвиваат исклучиво преку официјални и безбедни канали.
ПР