Економија
Оглас за закуп на 37.5 хектари државно земјоделско земјиште во кавадаречко

Министерството за земјоделство, шумарство и водостопанство во четврток објави јавен оглас за давање во закуп на 37.5 хектари земјоделско земјиште во државна сопственост во кавадаречкиот регион.
Право на учество на јавниот оглас имаат домашни физички и правни лица и странски правни лица.
Физичките лица треба да се регистрирани вршители на земјоделска дејност и/или запишани во единствениот регистар на земјоделски стопанства и/или да се трговец поединец на кои земјоделското производство или преработката на примарни земјоделски производи да им е претежна дејност.
Услов за да учествиваат на огласот за странските правни лица е да имаат регистрирано подружници во Република Македонија.
И на домашните и на странските правни лица или нивните подружници, земјоделското производство или преработката на примарни земјоделски производи треба да им биде претежна дејност или земјоделското земјиште да им е потребно за вршење на научно-истражувачки дејности.
Станува збор за таканаречен комерцијален оглас во кој изборот на најповолен понудувач ќе врши врз основа на висината на понудената годишна закупнина за хектар и доставениот бизнис план за користење на државното земјоделско земјиште за правно лице, односно програма за користење на земјиштето за физичките лица.
Заинтересираните субјекти потребно е да обезбедат и минимална материјално-техничката опременост и соодветен број на планирани вработувања.
За огласените површини со овој оглас, за аплицирање за површина до 50 хектари, заинтересираните физички лица и домашни и странски правни лица потребно е да располагаат со најмалку еден трактор од лесна категорија и да имаат планирано вработување на најмалку едно лице. За површина до 100 хекатри услов е заинтересираните да распполагаат до најмалку два трактора од лесна категорија или најмалку еден од средна категорија, како и да планираат вработување на најмалку две лица во редовен работен однос.
Најмалку четири трактори од лесна категорија, минимум два од средна и најмалку еден трактор од тешка категорија треба да имаат заинтересираните субјекти кои по овој оглас ќе аплицираат за добивање во закуп на државно земјоделско земјиште до 150 хектари. Услов за овие заинтересирани субјекти е и да имаат планирано вработување на најмалку четири лица и тоа во редовен работен однос.
За површина поголема од 150 хектари, бројот на механизацијата сразмерно се зголемува со големаината на површината која се обработува. На секои 50 хектари заинтерсираните субјекти потребно е да планираат вработување по едно лице.
Почетната цена за закуп по хектар во постапка по овој јавен оглас се утврдува во зависност од катастарската класа и местоположбата на земјиштето и таа изнесува 25 евра во денарска противредност за земјоделско земјиште од 1 до 4 катастарска класа и 15 евра во денарска противвредност за земјоделско земјиште од 5 до 8 катастарска класа. Почетната цена на земјоделското земјиште кое се наоѓа во планински подрачја, за земјиште од 1 до 4 катастарска класа изнесува 15, а за земјиште од 5 до 8 класа е 5 евра за хектар.
Времетраењето на закупот за кој се издава земјиштето за подигање на маслинарници е за период до 50 години, за подигање на долгогодишни насади (лозја, овоштарници, хмељ) и оранжерии за период до 30 години, колку што изнесува и времетраењето на закупот за вршење на спортско-рекреативни активности и рурален туризам. До дваесет години е времетраењето на закупот на државното земјоделско земјиште за рибници, а до 15 години за одгледување на други земјоделски култури и за ливади.
Увид во податоците за земјоделско земјиште од овој јавен оглас, за секоја површина одделно може да се направи на огласната табла во подрачната единица на министерството за земјоделство,шумарство и водостопанство во Кавадарци.
Заинтересираните физички и правни лица за добивање на државно земјоделско земјиште во закуп кое е опфатено со овој оглас понудите до Министерството за земјоделство, шумарство и водостопанство – Скопје, можат да ги поднесуваат во рок од 30 дена од денот на објавување на јавниот оглас во дневниот печат. Образецот за учество на јавниот оглас (понуда), може да се подигне во подрачната единица на Министерството за земјоделство во Кавадарци.
За дополнителни информации заинтересираните физички и правни лица можат да се јават во Министерството за земјоделство, шумарство и водостопанство на телефон: 02 313 44 77 или да ја посетат интернет страницата на Министреството за земјоделство, шумарство и водостопанство www.mzsv.gov.mk. .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Ново од Минт кредит – поддршка за стартапите

Да започнете сопствен стартап е возбудлива авантура – идејата е свежа, енергијата е огромна, а визијата јасна. Но, секој претприемач знае дека патот од идеја до реализација на успешен бизнис бара финансиска стабилност. Токму тука ние, Минт Кредит, стануваме вашиот партнер за стартап кредит.
Во Минт Кредит веруваме дека стартапите се моторот на новата економија, и затоа нашиот бизнис кредит е создаден токму за луѓето кои не се плашат да ризикуваат и да создадат нешто свое.
Нашиот бизнис кредит е создаден за стартапи и правни лица кои сакаат да го претворат својот потенцијал во успешна приказна.
Бизнис кредит – Брз стартап кредит без чекање
Во светот на стартапите, времето е сè. Можностите се менуваат од ден во ден, а да се биде чекор пред конкуренцијата значи многу. Затоа, бизнис кредитот од Минт Кредит е создаден да биде брз, едноставен и флексибилен.
Нашиот тим знае колку е важно стартапот да добие поддршка веднаш, кога му е најпотребна. Заборавете на долгите процедури и бескрајни состаноци, кај нас процесот е транспарентен, лесен и целосно дигитален.
За да аплицирате треба да сте правно лице со јасна визија и амбиција, без разлика дали сте стартап кој штотуку започнува или веќе стабилна компанија што сака да се прошири.
Што добивате со бизнис кредитот од Минт Кредит?
Нашиот бизнис кредит за стартапи е создаден со разбирање на реалноста. Не бараме сложени формалности, туку ја гледаме суштината – вашиот потенцијал, вашата визија и вашата посветеност.
Со нашиот бизнис кредит за стартапи добивате финансиска поддршка до 1.000.000 МКД, со рок на отплата до 60 месеци и можност за грејс период до 24 месеци. Тоа значи дека можете да започнете со реализација на идејата веднаш после одобрување. Без нејасни услови – само понуда создадена да им даде поддршка на младите претприемачи.
Стартап кредит што работи во корист на претприемачите
Кога велиме дека нашиот бизнис кредит е создаден за стартапи и правни лица, тоа навистина го мислиме.
Знаеме дека на почетокот секој ден и секоја финансиска одлуика се важни. Затоа, нашиот бизнис кредит за стартап е дизајниран да им овозможи на новите компании да се развиваат без дополнителни притисоци.
Со Минт Кредит можете да искористите стартап кредит за да:
- Инвестирате во нова опрема или технологија,
- Отворите канцеларија или продавница,
- Вложите во маркетинг за да го лансирате вашиот бренд,
- Ангажирате нови членови во тимот,
- Го финансирате секој чекор од вашиот бизнис раст.
Секој проект е различен, но сите имаат заедничко нешто: финансиската поддршка од Минт Кредит што ги движи напред. Нашиот бизнис кредит за стартапи не е само бројка, тој е поддршка за вашата визија и труд.
Како до бизнис кредит за стартап?
Едноставно. Брзо. Без компликации.
- Аплицирајте онлајн на Минт Кредит, во една од нашите филијали, или јавете се на 15 107.
- Доставете ги основните документи за вашиот бизнис.
- Добијте одговор за кратко време затоа што знаеме дека стартапите немаат време за чекање.
Нашата цел е да бидеме ваш вистински партнер, не бирократска пречка.
Зошто Минт Кредит е вистинскиот избор за стартап кредит?
- Брзина и ефикасност – од апликација до одобрување за кратко време.
- Разбирање за стартапи – ние знаеме како размислуваат младите претприемачи.
- Флексибилни услови – прилагоден рок и грејс период за безгрижен почеток.
- Поддршка и совети – нашиот тим е тука за да ви помогне со насоки и препораки.
- Транспарентност – кај нас секој услов е јасен, без скриени трошоци.
Кога стартапите размислуваат за финансирање, често мислат дека тоа е долг и сложен процес. Ние го менуваме тоа. Со Минт Кредит, добивате брз бизнис кредит кој ја поддржува вашата визија.
Зошто стартап бизнисите најчесто “заглавуваат”?
Секој стартап започнува со идеја, но патот до стабилен бизнис ретко е едноставен. Најчестите проблеми што ги гледаме кај младите компании се:
- Недостиг на почетен капитал – без доволно средства, дури и најдобрите идеи остануваат само тоа, идеи.
- Проблеми со редовен приход – првите месеци често се непредвидливи за стартапите, посебно додека сеуште немаат стабилни и предвидливи приходи.
- Ограничен пристап до финансирање – традиционалните банки често бараат долга историја и големи гаранции шти ги прави недостапни за стартапите.
- Недостиг на простор за раст – без потребната финансиска поддршка, тешко е за стартапите да инвестираат во нова технологија, маркетинг, или проширување на нивниот тим.
Минт Кредит – партнер на новата генерација претприемачи
Во Минт Кредит веруваме во иновативноста, храброста и визијата на македонските стартапи. Знаеме дека секоја голема приказна почнува со мала идеја и со вистинска поддршка.
Нашиот бизнис кредит е повеќе од финансиски производ. Тој е партнерство за секој што има амбиција да создаде нешто свое, уникатно и успешно. Со Минт Кредит, стартапите не мора да чекаат совршен момент, можат да го создадат.
Аплицирајте денес за стартап кредит од Минт Кредит и развијте го вашиот бизнис со сигурност, поддршка и брзина.
(ПР)
Економија
„Булмак 2016“ уплати 58,2 милиони денари на државата и на општините Пробиштип, Крива Паланка, Кратово и Македонска Каменица за концесија

Компанијата што ги управува рудниците „Злетово“ и „Тораница“, „Булмак 2016“ извести дека во првите девет месеци од 2025 година плати вкупно 58.231.096денари концесиски надоместоци. Од нив 22% одат во државниот буџет, односно 12.810.841 денари, а останатите 78% или 45.420.255 денари одат во буџетите на Пробиштип, Крива Паланка, Кратово и Македонска Каменица.
„Нашата одговорност се гледа и во бројки и во доверба. Во првите девет месеци од 2025 година пресметавме 58.231.096 денари за концесиски надоместоци, од кои значаен дел се слеваат во четири локални буџети. Тоа се средства за улици, училишта, спорт и услуги што граѓаните ги користат секој ден. Ќе продолжиме со транспарентна комуникација, инвестиции во безбедност и модернизација на нашите рудници и со цврсто партнерство со заедниците во кои работиме,“ вели Тони Тоневски, директор на „Булмак 2016“.
Општина Пробиштип добива 21.694.615 денари, Крива Паланка – 21.817.460 денари, Кратово – 1.384.763 денари и Македонска Каменица – 523.417 денари.
Од „Булмак 2016“ велат дека остануваат посветени на навремено исполнување на сите законски обврски и на отворена комуникација со јавноста.
Економија
„Нестле“ ќе отпушти 16.000 работници

Прехранбениот гигант „Нестле“ денес објави дека ќе отпушти речиси 16.000 работници во следните две години за да ги намали трошоците.
Компанијата ќе отпушти приближно 12.000 административни работни места во сите оддели и региони во кои работи и уште четири илјади по спроведувањето мерки за подобрување на продуктивноста во производството и синџирите на снабдување.
„’Нестле’ мора да се промени побргу за да се приспособи на променливите глобални услови“, рече извршниот директор Филип Навратил додавајќи дека отпуштањето работници е тешка, но неопходна одлука.
Како дел од новиот план, менаџментот на „Нестле“ има намера да ги намали трошоците за три милијарди швајцарски франци (3,23 милијарди евра) до 2027 година. Досега тие планираа да ги намалат трошоците за 2,5 милијарди франци. Најголемата светска компанија за храна објави намалување на работните места во својот прелиминарен деловен извештај за првите девет месеци од оваа година.
Во периодот од јануари до септември приходите на „Нестле“ изнесуваа 65,9 милијарди франци (70,8 милијарди евра), што е намалување од 1,9 процент во однос на истиот период минатата година. Кога се исклучуваат флуктуациите на валутите и еднократните ставки, приходите се зголемија за 3,3 проценти.
За цела 2025 година, менаџментот на „Нестле“ очекува малку посилен органски раст од минатата година, без да прецизира бројки. Резултатите од минатата година покажаа стапка на раст од 2,2 процента, најниска за најмалку 25 години.