Македонија
Орден за Универзитетот „Св. Кирил и Методиј“
Претседателот Црвенковски денеска во свечената сала во Парламентот ќе го одликува Универзитетот „Св.Кирил и Методиј” со Орден „Република Македонија“
Кабинетот на Претседателот на Република Македонија Бранко Црвенковски соопшти дека по повод 60-годишниот јубилеј на најстарата високообразовна институција во земјава го добива Орденот на Република Македонија за постигнатите исклучителни резултати во долгогодишната научна, наставна и апликативна дејност, давајќи значителен придонес за севкупниот развој и афирмација на Република Македонија како современа демократска држава во светот.Универзитетот „Св. Кирил и Методиј“ е прв државен универзитет и во негов состав се 21 факултет и десет институти. На 16 април 1945 Президиумот на Народното собрание на Македонија бил овластен да изработи Закон за универзитет во Скопје. За краток период четиричлена Комисија, во состав Михаил Петрушевски, Харалампие Поленаковиќ, Ѓорѓи Шоптрајанов и Блаже Конески, поднела извештај до Министерството за просвета со заклучок да се отвори Универзитет во Скопје. Прва установа бил Филозофскиот факултет со два отсека – Историско-филолошки и Природно-математички. Факултетот свечено бил отворен на 29 ноември 1946 година, а првото предавање на 16 декември истата година го одржал д-р Харалампие Поленаковиќ.Во изминатите 60 години на УКИМ дипломирале над 123.000 студенти, специјализирале и магистрирале 5.500 постдипломци и докторирале 2.700 лица. Во првата година од почетокот на работата на првиот факултет (Филозофскиот) во учебната 1946/47 биле запишани 548 студенти. Првото наставничко јадро било создадено од наставници кои докторирале на универзитети во предвоена Југославија, на Балканот и во Европа и од истакнати средношколски професори. Кога бил основан, УКИМ имал 59 постојани наставници и 18 асистенти. Денес тој брои 1.299 наставни кадри, 775 помошни наставни кадри и 244 ангажирани во научните институти. Во изминатиот период Универзитетот станал расадник на кадри од кој подоцна се формирани и останатите државни и приватните универзитети во Македонија. Од кадарот на УКИМ во 1967 е формирана и Македонската академија на науките и уметностите.Денес на УКИМ во сите години студираат околу 35.000 студенти. Универзитетот ги следи светските тенденции во високото образование, реализирајќи ги реформите преземени со Болоњската декларација.Во своето шестдецениско постоење Универзитетот „Св. Кирил и Методиј“ добил две високи признанија – во 1969 година по повод две децении од постоењето со Указ на Претседателот на СФРЈ бил одликуван со Орден за заслуги за народ со златна ѕвезда и со наградата АВНОЈ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.