Свет
Пакистанската армија ликвидирала 18 бунтовници
Пакистанските војници убиле најмалку 18 борци на исламистичките бунтовници во офанзивата почната во вторник против бунтовниците заради крвавите самоубиствени напади од минатата седмица во Пешавар
Наведувајќи извори од пакистанската војска, агенциите пренесуваат дека стотици војници и припадници на племенските паравоени формации од регионот со хеликоптерска и артилериска поддршка во вторник наутро преземале акција во областа Хибера, прелемснки регион до градот Пешавар, на северозапад од Пакистан. „Безбедносните сили убија 18 терористи, уапсија шестмина и уништија 12 нивни возила“, изјавил за агенцијата DPA, воениот офицер Фазлур Рехман.Цел на оваа офанзива е разбивање на милитантната муслиманска организација Лашкар е Ислам, која одржува тесна соработка со талибаните и е осомничена за серијата самоубиствени напади во Пешавар и областа Хибера. Во последните месец и пол во оваа област во нападите на бунтовниците како одмазда за офанзивата во областа Јужен Вазиристан загинаа 225 луѓе. Лашкар е Ислам ги помага талибаните при напади на камионите кои превезуваат гориво за контингентите на НАТО во Авганистан. Дури 75 отсто од горивото за странските сили во соседниот Авганистан доаѓаат преку Карачи, а патот од тоа пристаниште минува низ племенската обалст Хибера.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.