Македонија
Трајанов поднесе кривична против Стефановски
Јавното претпријатие Службен весник и директорот на јавното претпријатие Тони Трајанов поднесоа кривична пријава и кривична тужба против претседателот на Советот за радиодифузија, Зоран Стефановски
Јавното претпријатие Службен весник и директорот на јавното претпријатие Тони Трајанов поднесоа кривична пријава и кривична тужба против претседателот на Советот за радиодифузија, Зоран Стефановски за, како што велат, основани сомненија дека тој сторил „кривично дело“, „лажно пријавување на кривично дело“ и „клевета“„Јавното претпријатие Службен весник на Република Македонија деновиве е под силен притисок и неосновани напади од страна на Зоран Стефановски, претседател на Советот за радиодифузија. Стефановски се заканува преку изјави и прес конференции со поднесување кривични пријави против ЈП „Службен весник“ и против директорот и одговорен уредник на ЈП „Службен весник“, создавајќи непотребна вознемиреност во јавноста со што и го дисквалификува јавното претпријатие“, рече директорот на „Службен весник“, Тони Трајанов.Правилникот за однесување на радиодифузерите во периодот пред започнување на изборната кампања и Правилникот за рамноправен пристап во медиумското претставување за време на изборна кампања, како што истакна тој, се објавени во законски утврдениот рок, односно ден пред неговиот истек.„Инаку, сакаме да ја информираме јавноста дека овие правилници се донесени од страна на Советот за радиодифузија, без да се почитува Изборниот законик, односно без претходно добиено мислење од Државната изборна комисија, или без нивно претходно изјаснување. Ваквата постапка е спротивна на членот 75 од Изборниот закон“, посочи Трајанов.Тој тврди дека Стефановски, без предходна одлука на Советот за радиодифузија поднел кривична пријава против ЈП „Службен весник“ и против него, без притоа, како што рече, да го почитува основното начело на презумција на невиност, јавно ги објави.„Сакаме да нагласиме дека ЈП „Службен весник“ е реномирана и високопрофесионална државна институција, која работи согласно со уставните надлежности и законските овластувања. ЈП „Службен весник“ ги отфрла сите обиди за негово разорување и со индигнација ги отфрла сите обиди за негова дисквалификација“, нагласи Трајанов.Тој додаде дека по законски пат ќе го бранат работењето на претпријатието и сомнежите дека работи под чиј и да е диктат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Обвинителството истражува дали има кривична одговорност за затворените хируршки сали и смрдеата во „Клинички“
Министерството за здравство прати известување до Обвинителството за затворените хируршки сали во Клиничкиот центар „Мајка Тереза“, кое е примено и распоредено кај јавен обвинител. Ќе се преземат дејствија за да се провери дали во настанот воопшто има елементи на кривично дело, соопштуваат од ОЈО Скопје.
Од ОЈО посочуваат дека Обвинителството постапува и гони само доколку има кривично дело.
Како што вчера објавивме, само во три сали во комплексот клиники „Мајка Тереза„ во моментов се извршуваат исклучително итни операции. Останатите сали веќе 7-ми ден се затворени, поради ширеење на непријатна миризба.
За состојбите на клинички центар вчера на прес-конференција реагираше портпарол на ВМРО-ДПМНЕ, Наум Стоилковски, кој рече дека цела недела, од минатата сабота трае проблемот со системот односно цевководот за кислород до операциски сали, цела недела нема испитување што е, што мириса, дали е загадено, дали навистина има јаглерод диоксид, како и дека во меѓувреме, со потпис со лична согласност, луѓе се оперираат на сопствен ризик.
Македонија
Детали за ноќната спасувачка мисија: Го лепеле чамецот и им фрлале вода на заглавените пред да ги извлечат живи (ФОТО+ВИДЕО)
Четирите лица, меѓу кои и седумгодишно дете се лоцирани и најдени, соопштија утрово од ЦУК. Ноќната спасувачка акција не била лесна бидејќи се работело за исклучително стрмен и опасен за движење, па тие биле извлечени со чамец.
„Тие по исклучително стрмниот терен успеале да се спуштат на десниот брег на реката Пчиња на непристапно место над – пред манастирот ‘Мала Богородица’, во клисурата на реката Пчиња, под автопатот Скопје – Велес, од каде што по земјен пат не можеле да се извлечат во текот на ноќта. Тим спасители со пловење со чамец по Пчиња, од Катланово, па сѐ до локацијата на изгубените во клисурата на реката под самиот автопат, со голем напор и несебично залагање безбедно ги пронајдоа и ги извлекоа од десниот речен брег на левиот, а потоа безбедно ги качија на автопатот“, информираат од ЦУК.
По добиената информација преку 112 во ЦУК, Регионалниот ЦУК Велес веднаш комуникациски координирал за пронаоѓање со СВР Велес, ДЗС Велес и Општина (ЕЛС) Велес, по што од Велес дојде од општината и Тим спасители на вода од доброволното друштво „Македонски спасител безбедност на вода и планина Велес“ со специјален спасувачки чамец.
„Тимот спасители на вода од Велес, а со поддршка и на тим од припадници на САЕ ‘Тигар’, тргнаа од Катланово пловејќи по Пчиња во обид да се пробијат до местото каде што се наоѓаат лицата за да ги префрлат од другата страна на реката, околу 300 до 500 метри над манастирот ‘Мала Богородица’ којшто се наоѓа во клисурата на Пчиња под самиот автопат. Во реката, спасителите наидоа на многу препреки коишто мораа да ги преминат буквално пренесувајќи го на раце чамецот, на некои места, а на едно место дупнатиот чамец и на терен го лепеа, по што продолжија. Студенилото, мракот и влажноста дополнително отежнуваа, но и залутаните лица, исто така, беа изложени на студенилото на ноќта бидејќи имале само лесна дневна облека, маички на кратки ракави. Таквите услови ја диктираа континуираната динамика што спасителите ја реализираа со голем напор, но и со голема волја да се помогне оптимално брзо, а безбедно за сите“, соопштија од ЦУК.
На местото на настанот, долу во длабоката и опасно стрмна клисура, се спуштил и директорот на ЦУК, Стојанче Ангелов, заедно со таткото, еден од родителите на дел од лицата.
Во заедничка комуникација преку реката, со залутаните лица, тие биле успокоени и дека е прашање само на време кога ќе бидат извлечени. За тоа време, како што информираат од ЦУК, имало обиди да им се фрлат шишиња со вода за да не дихидрираат бидејќи нивната вода завршила.
Во време нешто по 02.00 по полноќ, лицата се безбедно префрлени преку реката Пчиња и извлечени горе на автопатот, од каде што со возила се превезоа во нивните домови во Скопје.
Директорот на ЦУК, Ангелов изразува голема благодарност на сите ангажирани во спасителната акција за безбедно пронаоѓање и префрлање преку реката со чамец и извлекување на лицата што беше многу специфична, но успешно се реализираше од страна на сите присутни на терен, а и дежурни во Системот за управување со кризи.
Македонија
Гром го остави без струја дебарско-струшкиот регион
Дебарско-струшкиот регион синоќа три и пол часа остана без напојување со електрична енергија.
Причина е гром кој ја погодил главната трафостаница во Хидроелектраната “Шпиље” кај Дебар.
„Главната трафостаница во ХЕ “Шпиље” погодена беше од гром-електрично празнење, при силно невреме. Екипите веднаш излегоа на терен и со максимално залагање големиот дефект беше саниран. Дебарско-струшкиот регион остана без струја од 19:50 до 23:20 часот“, велат од ЦУК.
Во Дебарскиот регион без струја беа општините Дебар, Центар Жупа и подрачјето на Река, општина Маврово и Ростуше.
Подрачјето кусо беше зафатено од невреме проследено со обилен дожд, електрични празнење и грмежи.