Македонија
Бизнис можностите на Македонија презентирани во Јапонија
Постигнувањата на македонската економија, поволностите што ги нудат технолошко-индустриските зони, како и потенцијалите за инвестирање беа во фокусот на презентацијата на владината делегација на бизнис форумот во Токио, одржан денеска.
Постигнувањата на македонската економија, поволностите што ги нудат технолошко-индустриските зони, како и потенцијалите за инвестирање беа во фокусот на презентацијата на владината делегација на бизнис форумот во Токио, одржан денеска.
На настанот организиран од Јапонската надворешна трговска организација, јапонските бизнисмени имаа можност да слушнат за поволностите за инвестирање што ги нуди Македонија, а беше одржана и средба со претседателот на оваа организација, Хидехиро Јоко.
Премиерот Никола Груевски, кој е предводник на македонската делегација, се сретна со јапонскиот принц Нарухито, што е прва средба на македонски премиер со преставник на јапонското царско семејство.
Предвидено е Груевски да се сретне и со јапонскиот премиер, Јошихико Нода.
По Токио, владината делегација заминува за Осака, каде ќе биде организиран уште еден бизнис-форум со заинтересираните компании.
Во состав на македонската делегација, покрај Груевски, се и вице-премиерот Зоран Ставревски, министерот за привлекување странски инвестиции Бил Павлески, директорот на Агенцијата за странски инвестиции и поттикнување на извозот Висар Фида и директорот на Дирекцијата за технолошки индустриски развојни зони Виктор Мизо. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.