Свет
"Алфите" апселе на нервно
Очевидци на настанот велет дека повеќе лица во цивилна облека, со пиштоли во рацете дигнати над главите ги пребарувале просториите и болничките соби, а пациентите во обид да се спасат вратите на собите ги блокирале со кревети а некои избезумени
ПАНИКА ВО БОЛНИЦАТА ВО КУМАНОВО
Очевидци на настанот велет дека повеќе лица во цивилна облека, со пиштоли во рацете дигнати над главите ги пребарувале просториите и болничките соби, а пациентите во обид да се спасат вратите на собите ги блокирале со кревети а некои избезумени во п
Десетина Алфи во петокот напладне ги распаметиле пациентите и персоналот на Нервното одделение во кумановската болница, кога упаднале да ги апсат браќата Н. А. и Х. А. од семејството Шурланти, обвинети за убиство во обид на две лица во пицеријата "Глорија" пред две и пол години. Бркотниците и апсењето се случила нешто по 11 часот, кога на Одделението вриело од пациенти и посетители, а на работа биле и поголемиот дел од лекарите, сестрите и болничарите.
Според очевидци на настанот, прво во ходниците на болницата се слушнало викање и галама заради што сите излегле да видат што се случува. Тогаш пред себе здогледале повеќе вооружени лица во цивилна облека, како со пиштоли во рацете дигнати над главите нешто бараат. Тие ги пребарувале сите простории. Некои од пациентите во обид да се спасат вратите на собите ги блокирале со кревети. Настанала мешаница и пискотници, па присутните избезумени во паника бегале надвор, се заклучувале по ординациите, собите и тоалетите.
По извесно време вооружените во една од собите каде што лежеле шлогирани пациенти и од канцеларијата за сестри извлекле двајца и ги одвеле со полициско комби. Еден од присутните вооружени лица во меѓувреме им објаснил на лекарите дека тие се од специјалната единица Алфи и по налог апселе пациент. Во болницата дознавме дека Назми А. бил сместен на нивното одделение претходните 10-тина денови бидејќи се жалел на депресија и суицидни мисли. Тој бил примерен пациент и секој ден си ја примал препишаната терапија. Во четврток побарал излез од болницата во придружба на својот брат за да однесел потврда со дијагноза во полицијата дека се наоѓа на лекување. Дента не се вратил, а наредниот ден околу пладне се обиделе да го уапсат додека се враќал во одделението. Најверојатно полицијата го следела и сакала да го приведе, но тој успеал да побегне и се обидел да се сокрие во одделението во нервно па се сокрил во една од собите. По завршување на целиот настан на некои од пацинетите и присутните толку им се слошило од страв, поради што лекарите морале да им дадат дополнителни лекови за смирување. Пациентите и посетителите во болницата цело време мислеле дека се работи за вооружена пресметка меѓу две банди.
Полицијата потврди дека се уапсени браќата Н. А. и Х. А. поради сторени повеќе тешки кривични дела и обид за убиство на В. З. (46) и Џ. Р. (26) во кафе – пицеријата "Глорија на 24 септември 2003 година. Според нив, Н. А. е уапсен пред болницата а Х. А. во неговиот дом.
С. Николиќ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Пукано во канцеларијата на Камала Харис
Американската полиција објави дека пукале во предизборната канцеларија на американската потпретседателка и кандидат на демократите Камала Харис во Аризона, само една недела по вториот обид за атентат врз Доналд Трамп.
Штетата предизвикана од неколку истрели од огнено оружје е откриена во канцеларијата на Демократскиот национален комитет во населбата Темпи во градот Феникс, соопшти локалната полиција, а пренесува „Њујорк пост“.
Shots fired into Kamala Harris Arizona campaign office pic.twitter.com/9Vxpxx9Y0S
— Breaking News (@TheNewsTrending) September 25, 2024
„Никој не беше во канцелариите во текот на ноќта, но тоа предизвикува загриженост за безбедноста на оние кои работат во таа зграда, како и на оние кои се во близина“, изјави полицискиот претставник Раџан Кук.
Тој потврди дека полициските инспектори ги анализираат доказите собрани на местото на настанот, како и дека се преземени дополнителни мерки за подобрување на безбедноста на персоналот и другите луѓе кои работат и живеат на тој простор.
Според него, засега никој не е уапсен во врска со овој инцидент, но властите ги истражуваат сите можни мотиви.
Инцидентот уследи по вториот обид за атентат врз Трамп на неговиот терен за голф во Вест Палм Бич на 15 септември.
Камала Харис закажа посета на Аризона како дел од нејзината кампања за петок, а тоа треба да биде нејзина втора посета на оваа важна американска држава откако беше номинирана за кандидат за претседателските избори на Демократската национална конвенција во август.
Свет
Британски лекари тргнале четиргодишно момче од апарати, предвидувајќи му смрт: тоа преживеало
Предвидувањата на британските лекари дека четиригодишно момче ќе почине набргу откако ќе го симнат од апарати не се остварија, пишува „Sky News“.
Момчето, познато по иницијалите Н.Р., било родено со тешка мозочна малформација и поминало со месеци на интензивна нега по два срцеви застоји. Во април, судијата Најџел Пул одлучил дека останувањето на апарати за одржување во живот не е во најдобар интерес на детето, откако болницата Кингс колеџ побарала од Високиот суд да ја направи својата проценка.
Сепак, момчето „не само што преживеа, туку и напредуваше“ откако беше тргнато од вентилаторот пред повеќе од четири месеци, рече судијата Пул. Тој додаде дека Н.Р. сега сам дише. „Не се исполнија очекувањата дека Н.Р. нема да може да се згрижи дома и дека нема да живее долго по екстубацијата“, истакна тој.
Тој објасни дека некои одлуки за лекување биле донесени во јануари оваа година, кога Н.Р „страдал многу повеќе“ и дека имало „малку или никакви докази дека можел да најде некакво задоволство, освен утешниот допир на неговите родители“.
„Сега може да биде изведен надвор, на пример во парк. Може да ужива во сонцето и чувството на ветрот во косата. Живее во дом со љубов“, додаде судијата. Тој нагласи дека му било „задоволство“ да гледа фотографии од момчето дома со неговите родители.
Мајката на момчето во изјавата пред Високиот суд рече дека волјата за живот на нејзиниот син е „силна“ и дека има добар живот. „Н.Р. преживеа кога лекарите и медицинските сестри кои се грижеа за него со месеци мислеа дека не може. Заслужи нов почеток“, заклучила таа.
Свет
Во Тајланд се убиени 125 крокодили за да се спречат да избегаат за време на поплавите
Фарма за крокодили во Тајланд уби 125 влекачи поради страв дека ќе избегаат за време на поплавите во земјата и ќе го загрозат населението, изјави нејзиниот сопственик.
„Дождот ги еродираше ѕидовите на фармата и за жал моравме да убиеме 125 крокодили кои ги одгледуваме 17 години“, потврдил за АФП Натапак Хумкад, фармер во провинцијата Ламфун.
Одгледувачот рече дека тој и неговите вработени ги убиле сијамските крокодили со струја за да ги спречат да избегаат и да талкаат по селата, слободно да ги напаѓаат селаните и добитокот.
Сијамскиот крокодил, кој може да порасне и до три метри, е ендемичен вид на Југоисточна Азија кој е критично загрозен во дивината.
Одгледувачот рече дека контактирал со властите за да ги смести неговите влекачи во привремено засолниште додека поплавата не се смири, но неговото барање било одбиено бидејќи животните биле преголеми.