Спорт
Геј: За медал во Лондон ќе треба да се трча под 9,7 секунди
Финалната трка на 100 метри е еден од спортските настани кој ќе привлече најголемо внимание на Олимписките игри во Лондон.
Конкуренцијата за распределба на медалите ќе биде жестока, а Американецот Тајсон Геј, еден од фаворитите за освојување на медал, смета дека ниту одличен резултат нема да биде доволен за пласман на победничкиот пиедестал.„Некој би можел да биде подобар од 9,8 секунди и да остане без медал“, изјави за „Ројтерс“ човекот кој го има второто најбрзо време во историјата. „За медал ќе биде потребно за се трча под 9,7 секунди. Тоа е неверојатно“, рече Геј. Актуелниот светски рекордер, Усеин Болт е единствениот човек кој на едни олимписки игри патеката од 100 метри ја претрчал со време подобро од 9,7 секунди. Болт, пред четири години во Пекинг, го освои златниот медал со резултат 9,69 секунди. Тогаш второпласираниот Ричард Томпсон од Тринидад и Тобаго стигна до сребрениот медал со резултат 9,89 секунди. Атлетичарите од Јамајка, Усеин Болт и Џон Блејк, во Лондон ќе бидат првите фаворити за освојување на златниот медал, но од него нема лесно да се откажат Американците Тајсон Геј, Џастин Гетлинг, како и поранешниот светски рекордер Асафа Пауел.„Речиси е незамисливо четворица или петмина атлетичари, да имаат можност да трчаат под 9,7 секунди на една трка“, вели Геј чии личен рекорд изнесува 9,69 секунди истрчан во 2009 година. Актуелниот светски рекорд е во сопственост на Болт, во Берлин на Светското првенство во 2009 година тој истрча 9,58 секунди. Најдобриот резултат на Пауел е 9,72, додека Блејк оваа година патеката од 100 метри ја претрча за 9,75 секунди. Тајсон Геј поради операција на колкот имаше речиси едногодишна пауза, до март годинава воопшто не можеше да се натпреварува. По враќањето на патеките првата трка ја имаше во јуни, а на американските квалификации за пласман на олимпијадата го освои второто место, зад Џастин Гетлинг. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.