Спорт
И Дрогба отпаѓа од мундијалот?!
Француската телевизија Canal+ пренесе во петок попладне дека најдобриот играч на Брегот на слоновата коска и напаѓач на лондонски Челзи отпаѓа од конкуренцијата по скршеницата на лактот на десната рака на натпреварот против Јапонија
Како што пренесовме Дидие Дрогба беше повреден од невнимателен старт на јапонскиот бек Маркус Тулио Танака на средината од теренот уште во 15. минута од подготвителниот натпревар кој „слоновите“ го добија се 2:0. Тулио со виоко крената нога со коленото го удри Дрогба кога овој примајќи ја топката ја пушти пред себе. Најверојатно кај Тулио станува збор за резигнација,бидејќи само малку претходно си постигна автогол со кој противниците поведоа.Интересно е што минатиот видкен на подготвителниот меч против Англија, Јапонија поведе со голот на Тулио, а откако Џерард промаши пенал, во завршницата од мечот Јапонците си постигнаа два автогола од кои едниот го постигна тикму Тулио. „Дрогба самиот рече дека нема да може да игра на Светското првенство. На неговото лице се гледаше колку тешко му падна оваа повреда. Секако и нам ова ни падна многу тешко затоа што тој е многу важен играч за нас.“, изјавил Коло Туре додаваќи дека сите во репрезентативната експедиција сепак се надеваат на чудсесно закрепнување на Дрогба. Шведскиот тренер на БСК, Свен Горан Ерискон нагласи дека се уште не го отпишал Дрогба и дека не му префрла ништо на Тулио.„Не сме сигурни уште каква е тежината на повредата. Се уште се надеваме на негов настап на Светското првенство. Тулио, неговиот старт не беше злонамерен или глуп, немаше намера да го повреди Дрогба. Фудбалот е игра со контакти“, изјави Ериксон. И самиот Тулио кој е роден во Бразил се брани дека немал никва лоша намера. „Господ и сите гледачи на стадионот се сведоци дека тоа беше нормален старт. Се надевам дека Дрогба навреме ќе се опорави за настап на шампионатот“, изјавил јапонскиот бек. Дрогба минатата сезона беше прв стрелец во англиското првенство со 29 голови од 32 натпревара за Челзи а за репрезентацијата има постигнато 45 голови на 70 натпревари. Ериксон се откажа од напаѓачот Бакари Коне, како и Емерсе Фае и Жил Јапи Јапо од средната линија. Претходно тој ги изостави Абдулаје Меите од Вест бромвич албион и Канга Акале од Ленс.Сепак напаѓачкиот ред му е за респект. Во него покрај Дрогба и Саломон Калу од Челзи, од Портсмаут е Аруња Диндан, Абдул Кеита, Сеиду Думбиа и Гервињо од Лил. Во составот се и Емануел Ебуе од Арсенал, како и браќата Јаја и Коло Туре.Брегот на слоновата коска очекува да го мине натрпеварувањето по групи каде во групата Г ќе се сретне со Бразил, Португалија и Северна Кореја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Подгорица – голманот на Будуќности нокаутира соиграч
Будуќност и Сутјеска ремизираа 2:2 во најголемото црногорско дерби. Натпреварот остана во сенка на инцидентот што се случи неколку минути по последниот свиреж на судијатај.
Играчите на Будуќност, по завршувањето на натпреварот застанаа пред северната трибина, беа на рапорт кај навивачите кои од нив побараа да ги соблечат дресовите.
Тогаш голманот Ѓорѓије Павличиќ го нокаутираше соиграчот Игор Ивановиќ.
Павличиќ потоа замина во соблекувалната.
Инаку, Будуќност е втор на табелата со 55 бодови, а Сутјеска е трета со два бода помалку. Дечиќ на четири кола пред крајот на првенството има три бода повеќе и подобар меѓусебен скор во однос на Будуќност.
Спорт
(Видео) Атлетико ја доби битката за Лигата на шампионите
Фудбалерите на Атлетико Мадрид на домашен терен го победија Атлетик Билбао со 3:1 во 33.коло на Ла Лига.
Дербиот на „Цивитас Метрополитано“ беше директна борба за последното место кое води во Лигата на шампионите, следната сезона, а до кое сега се поблиску „јорганџиите“.
Родриго Де Пол им донесе предност на домашните по 15 минути игра. Но првото полувреме мина во сенка на расистичкиот инцидент. Некој од трибините го навреди Нико Вилијамс, поради што натпреварот кратко беше прекинат.
Неколку минуит подцна, помладиот од браќата Вилиујамс го постигна израмнувачкиот гол. На голот му претходеше катастрофалната грешка на Гризмам.
Во продолжението, Анхел Кореа во 52.минута му ја пврати предноста на Атлетико. Аргентинецот погоди по брилијантната аситенција на Коке.
Од тој момент гостите ја презедоа иницијативата, но не успеаја да направат ништо сериозно пред голот на Облак.
Конечниот резултат беше поставен во 80.минута, по ударот на Лино топката од стативата се одби од раката на голманот Симон и заврши во голот.
Атлетико сега има шест бода повеќе од ривалот од Баскија.
Во следното коло двете екипи заминуваат на гости. Атлетико во Мајорка, а Билбао повотрно ќе допатува во Мадрид на дуел со Хетафе.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.