Наука
Сондата Rosetta ја заврши 12-годишната вселенска мисија
Вселенската сонда Rosetta направи контролирано атерирање на кометата 67P или позната како Чурјумов-Герасименко, удирајќи во ледената површина, со што заврши нејзината дванаесетгодишна мисија за изучување на овој небесен објект, објави во текот на директниот пренос Центарот за контрола на мисијата во германскиот град Дармштад.
„Се случи контролиран судир на Rosetta со кометата 67P/Чурјумов-Герасименко“, се наведува во соопштението на Европската вселенска агенција (ESA) чие седиште е во Париз. „Можам да потврдам дека ова историско спуштање на Rosetta на кометата 67Р беше сосема успешно“, наведе во соопштението директорот на мисијата Патрик Мартен од ESA.
Потврда за ударот на сондата во кометата е исчезнувањето на радиосигналот кој го емитувала Rosetta, соопшти контролата на мисијата во Дармштад потврдувајќи дека го загубила контактот со леталото. Како и што беше планирано, сондата Rosetta го завршила својот век во 13,19 часот по македонско време.
Неколку часа пред планираниот удар, Rosetta испратила серија фотографии со висока резолуција и други податоци од кометата 67Р/Чурјумов-Герасименко. Научниците велат дека уште со децении ќе се занимаваат со податоците коишто сондата ги собираше за кометата оддалечена 700 милиони километри од Земјата.
Сондата Rosetta беше лансирана во март 2004 година од космодромот Куру со конкретна намера да ја изучи кометата. Името на вселенскиот апарат е дадено според Каменот од Розета со кој научниците во XIX век успеале да ги дешифрираат древните египетски хиероглифи. Во ESA полагаа големи надежи, нарекувајќи ја оваа мисија историско случување во истражувањето на Вселената.
По десетгодишното патување од Земјата, сондата Rosetta во август 2014 година започна да ги открива тајните на структурата, хемискиот состав и однесувањето на карпестата комета чијашто површина е прекриена со мраз.
Откако по дванаесет години лет низ Вселената, изминувајќи повеќе од 6,4 милијарди километри и неколкупати доближувајќи се до други вселенски тела, престана во петокот да емитува сигнали. Во 2008 година Rosetta испрати на Земјата снимки од астероидот Штејнс, а во 2010 година сондата го сними астероидот Лутеција, пред во 2014 година да стаса до своето крајно одредиште и досега остана во неговата орбита.
Rosetta собра важни податоци за 67Р, носејќи 11 научни инструменти со коишто ги собираше материјалите од кометата и фотографирајќи ја од сите агли. По влегувањето во орбитата на кометата 67Р/Чурјумов-Герасименко, Rosetta на нејзината површина го лансираше модулот Philae, кој самиот имаше десет високотехнолошки уреди , од камери и рентгентски зраци до дупчалка.
Заедно Rosetta и Philae, според научниците, повеќекратно го унапредиле нивното познавање за кометите, коишто ги има со милијарди и претставуваат своевидни остатоци од Сончевиот систем пред 4,6 милијарди години./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.
Наука
Балканот ќе биде еден од најтешко погодените региони во Европа, ниту на Mакедонија не ѝ се пишува добро
Иако научниците имаат алатки и методи за мерење на влијанието на климатските промени – како може тоа да се направи така што поединецот, во својот живот, има одредена вредност со која може да измери како, под влијание на климатските промени, неговиот живот е исто така се менува?
Не е лесно да се замисли што точно е „просечно глобално затоплување од 1,5 °C или 2 °C“ и како тоа ќе го промени нашето секојдневие, пишува Слободна Далмација.
На ова се обратија истражувачите од Технолошкиот институт во Масачусетс (МИТ)”; тие развија нов начин за мерење на влијанието на глобалното затоплување во реалниот живот и предвидување на долгорочните ефекти. Излегува дека и луѓето на Балканот ќе ја чувствуваат значајната промена.
Мерката на научниците од МИТ, создадена со помош на податоци од 50 различни климатски модели, е одредена од тоа колку ќе се зголеми или опадне бројот на „надворешни денови“ на различни дестинации низ светот до 2100 година, односно 24-часовни периоди кога температурите се доволно удобни за повеќето луѓе да се вклучат во активности на отворено, без разлика дали се за работа или за одмор. Ова се денови кога не е ниту премногу топло, ниту премногу студено, што научниците го сместуваат во температурен опсег од приближно помеѓу 10 °C и 25 °C, без екстремни временски појави.
Студијата на МИТ покажа дека тропските дестинации ќе доживеат најголеми промени во деновите на отворено. Најголемиот удар ќе го претрпи Доминиканската Република која до крајот на векот ќе губи дури 124 дена пријатно време годишно. Мексико, Индија, Тајланд и Египет ќе изгубат половина од тие денови.
Во Европа, на север ќе има повеќе денови со пријатно време бидејќи зимите ќе станат потопли, но на југ екстремните горештини во летните месеци ќе предизвикаат намалување на деновите на отворено.
Според податоците на МИТ, Балканот најверојатно ќе биде еден од најтешко погодените региони во Европа. Така Албанија ќе загуби 30 дена, Србија 26, Македонија 21, Бугарија 17, а Романија 12 дена. На југ, Грција би можела да изгуби 37 денови на отворено до 2100 година поради екстремните горештини помеѓу мај и јуни, според студијата на МИТ.
Промени ќе доживее и Пиринејскиот Полуостров: Португалија ќе има 33, а Шпанија 13 помалку денови на отворено.
Истражувачите велат дека разликата веќе се чувствува во Европа, при што луѓето избираат каде да патуваат врз основа на сè поекстремните жештини на претходно популарните дестинации.
Северна Европа ќе доживее попријатни денови, но причините за тоа не се добри вести. Франција, Германија и Австрија ќе добијат меѓу 18 и 52 дена пријатно време до 2100 година, главно поради потоплите зими, но ова би можело да биде фатален удар за и онака борбената скијачка индустрија во Европа. Поради недостигот на снег, се размислува за замена со вештачки снег, но многумина мислат дека тоа ни оддалеку не би помогнало да се одржи скијачката индустрија, за која „пријатни“ и целосно профитабилни „денови на отворено“ се само оние со многу реални снег.
Наука
Еден Американец и двајца Руси со руско летало заминаа на МВС во вселената
Еден Американец и двајца Руси полетаа со руско летало од космодромот Бајконур во Казахстан до Меѓународната вселенска станица. Станува збор за астронаутот на НАСА Лорал О’Хара и космонаутите на Рокосмос Олег Кононенко и Николај Чуб.
О’Хара ќе помине шест месеци на станицата, а Кононенко и Чуб ќе останат таму една година.
Тројцата космонаути требаше да заминат во вселенската станица минатата пролет, но нивната првична капсула послужи како придружба за друг екипаж. Вториот екипаж – исто така двајца Руси и еден Американец – се враќа дома на Земјата кон крајот на овој месец.
Нивниот престој беше продолжен од шест месеци на една година бидејќи нивната капсула Сојуз испушти течност за ладење додека беа на станицата.
Според НАСА, кога командантот на мисијата Кононенко ќе го заврши својот престој во вселената, тој ќе постави рекорд како човек кој поминал најмногу време – повеќе од илјада дена – во вселената.