Свет
Бројот загинати во судирите во Каиро се ближи кон 40
Бројот загинати во судирите од неделата навечер кои избувнаа меѓу христијаните и припадниците на воената полиција, во центарот на египетската престолнина Каиро, достигна 36, соопшти во понеделникот попладне сателитската телевизија Al Arabia, повикувајќи се на извори од министерството за здравство.
Бројот загинати во судирите од неделата навечер кои избувнаа меѓу христијаните и припадниците на воената полиција, во центарот на египетската престолнина Каиро, достигна 36, соопшти во понеделникот попладне сателитската телевизија Al Arabia, повикувајќи се на извори од министерството за здравство. Претходно беше јавено за 24 загинати и 213 повредени.Коригирана е, исто така, е и бројката повредени, којашто сега е зголемена за стотина лица и изнесува 327 ранети.Меѓу настраданите и повредените преовладуваат цивили, а според египетската државана телевизија, во безредијата се убиени најмалку тројца полицајци. Во неделата, на платото пред зградата на Сојузот на телевизиски и радио станици на Египет се собраа десетици илјади христијани. Тие бараа оставка до гувернерот на провинцијата Асуан, бидејќи не обезбедил заштита на правата на христијаните.Директната причина за масовните протести на христијанските Копти што ги зафати сите поголеми египетски градови, беше религиозниот конфликти во село Ел Марејинаб во близина на градот Асуан во јужниот дел од државата. Радикалните муслимани таму минатата седмица ја ограбиле и запалиле локалната црква. Гувернерот на Асуан по инцидентот во Ел Марејинаб изјави дека тамошната црква била изградена без дозвола и нема да биде обновена, што го предизвика гневот на христијаните.Христијаните коишто протестираа поради нападот врз нивна црква фрлаа камења врз припадниците на воената полиција и Молотови коктели со кои ги палеа возилата на армијата. На мостот во центарот на Каиро стотици луѓе имаа меѓусебна пресметка со палки, а потоа протестите се проширија на централниот легендарен каирски плоштад Тахрир, каде војската воведе полициски час. Плоштадот Тахрир инаку беше центар на бунтот против Мубарак во февруари годинава.Според египетското министерството за правда, истрагата за безредијата во центарот на Каиро ќе ја води Воениот обвинител, а учесниците во судирот ќе бидат изведени пред воениот суд.Христијаните – копти коишто сочинуваат 10 отсто од 80-те милиони Египќани, протестираа обвинувајќи ги радикалните муслимани дека минатата седмица ја оштетиле осквернавиле црквата во покраината Асуан. Тие бараа оставка од локалниот гувернер поради тоа што не обезбедил заштита за црквата.Тензиите меѓу христијаните и муслиманите во Египет, денеска се зголемени, по синоќешните протести, пишуваат локалните медиуми.Египетската влада повика на смирување на ситуацијата. Премиерот Есам Шараф изјави дека разговарал со безбедносните и црковните власти за да не дојде до ескалација на судирите. Тој вети истрага за причините за судирите.Бидејќи судирите избија само неколку седмици пред одржувањето на првиот круг од парламентарните избори за 28-ми ноември, демократските активисти се загрижени дека војската ќе ја задржи власта и по изборите.Врховниот совет на вооружените сили на Египет, кој управува со земјата од повлекувањето на поранешниот претседател Хосни Мубарак, во неделата ги одобри измените на законот за парламентарните избори, на што повикуваа политичките партии.Египетските христијани беа во фокусот на светските медиуми, и на почетокот од годинава, откако одекна експлозија на новогодишната ноќ во близина на црква на христијанските Копти во вториот по големина град на Египет, Александрија, при што загинаа вкупно 23 лица а околу стотина се повредени.По експлозијата египетските власти преземаа низа мерки за да го сочуваат единството меѓу христијаните и муслиманите во земјата. Голем број познати јавни личности, новинари и политичари кои го исповедаат исламот, заедно со христијаните учествуваа на прославата на Божик кој во египетските коптски цркви беше прославен на 7 јануари. Египетските државници повторуваат дека експлозијата во црквата не е насочена против христијаните, туку против целото египетски општество и државата./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Форбс: Богатството на Илон Маск порасна на 677 милијарди долари
Илон Маск стана првата личност чија нето вредност надмина 600 милијарди долари, според пресметките на списанието Форбс објавени во понеделник. Зголемувањето на богатството на Маск беше поттикнато од неодамнешната продажба на акции во вселенската компанија на Маск, SpaceX. Форбс ја искористи цената утврдена во трансакциите за да процени повисока вкупна вредност за компанијата, што пак ја зголеми пресметката на уделот на Маск.
Само неколку часа претходно, Форбс ја процени нето вредноста на Маск на околу 500 милијарди долари. Богатството на Маск е првенствено поврзано со неговите удели во производителот на електрични автомобили Tesla и SpaceX. За разлика од Tesla, SpaceX е во приватна сопственост, што значи дека цената на неговите акции не се одредува на берзата.
Во такви случаи, проценките се базираат на рунди на финансирање или продажба на акции од страна на вработените и можат значително да се разликуваат од конечната пазарна вредност. Врз основа на цената по која вработените можеа да ги продадат своите акции, Форбс ја пресмета вкупната вредност на SpaceX на 800 милијарди долари, што е зголемување од претходната проценка од 400 милијарди долари.
Со оглед на тоа што Маск поседува приближно 40 проценти од SpaceX, ревидираната проценка на Форбс ја зголеми неговата проценета нето вредност на 677 милијарди долари.
Европа
(Видео) Трамп: Искрено, Украина веќе изгуби територија
Американскиот претседател Доналд Трамп синоќа изјави дека договорот за завршување на војната во Украина е „поблиску од кога било“ откако Вашингтон му понуди на Киев безбедносни гаранции по моделот на НАТО. Трамп, исто така, изрази увереност дека Москва ќе прифати таков договор, објави „Ле Монд“.
Трамп откри дека имал „многу долги и многу добри“ разговори со својот украински колега Володимир Зеленски, како и со лидерите на НАТО и европските земји како што се Велика Британија, Франција и Германија.
„Се обидуваме да го разработиме тоа и мислам дека сега сме поблиску“, им рече Трамп на новинарите во Овалната соба. „Имавме бројни разговори со претседателот Путин на Русија и мислам дека сега сме поблиску од кога било досега, па ќе видиме што можеме да направиме“.
REPORTER: An Article 5-like deal seems to be emerging without NATO membership for Ukraine. If such a security guarantee is offered, what incentive is there for Ukraine to give up any sort of territory?
US PRESIDENT TRUMP: Well, they've already lost the territory, you know, to be… pic.twitter.com/99sx8a6f03
— Status-6 (Military & Conflict News) (@Archer83Able) December 15, 2025
На прашањето дали неодамна разговарал директно со Владимир Путин, Трамп одговори остро: „да, разговарав“, без да навлегува во детали.
Сепак, Трамп се чини дека сугерираше дека во замена за безбедносни гаранции, Украина ќе мора да се согласи да отстапи делови од источниот регион Донбас што сè уште се контролирани од Киев – можност што Зеленски претходно силно ја отфрли.
На прашањето каков поттик ќе има Украина за да се откаже од територија, Трамп одговори: „Па, искрено, тие веќе изгубија територија“.
Тој додаде дека Европа, која и покрај противењето на Русија повторно предложи испраќање мултинационални мировни сили, ќе биде „голем дел“ од секоја безбедносна гаранција.
Регион
Маж ја избол до смрт партнерката на улица во Србија
Страшно злосторство го потресе вчера Лесковац во Србија, каде што 64-годишен маж, Р.Д., е осомничен дека ја избол до смрт својата 53-годишна партнерка. Убиството, како што соопшти Полициската управа во Лесковац, се случило околу 16:30 часот, пишува Н1 Србија.
Според полицијата, жената починала на местото на настанот од повеќекратни убодни рани. Припадници на Министерството за внатрешни работи брзо интервенирале и го уапсиле осомничениот кратко време по злосторството.
Истрагата е во тек
Р. Д. е обвинет за кривично дело убиство. Со наредба на Вишиот јавен обвинител, му е одредена мерка притвор до 48 часа, по што ќе биде донесен на распит во Вишото јавно обвинителство во Лесковац со кривична пријава.

