Спорт
Месец на спортот 2011
Како и во претходните три години и во 2011 година во Спортскиот центар Форца ќе се одржува Месец на спортот соопшти директорот на центарот Бојан Пановски на прес конференцијата одржана по овој повод.
Како и во претходните три години и во 2011 година во Спортскиот центар Форца ќе се одржува Месец на спортот соопшти директорот на центарот Бојан Пановски на прес конференцијата одржана по овој повод.Право на учество ќе имаат вработени во сите компании во Република Македонија, а натпреварите ќе се одржат во четири дисциплини: мал фудбал, баскет, одбојка на песок и пинг понг.Традицијата која што започна во 2008 година продолжува, а се очекува да биде надминат бројот од 60 компании учеснички на игрите на месецот на спортот од минатата година. За победничката екипа главната награда е викенд на Тара и натпревари во спуст со гумени чамци низ кањонот на Тара, а награди се обезбедени во сите дисциплини за пласмани до 6 место.Пријавувањето и сите информации се достапни на www.mesecnasportot.com, а контакт на [email protected] или на 02 3091200. крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Нема место во Баерн, Тел заминува на позајмица
Матијс Тел беше претставен како важно засилување и проект на Баерн, но кај Винсент Компани нема место во тимот, па разделбата е блиску.
Во претходните две сезони Тел и покрај тоа што имаше само 19 години редовно добиваше шанса, особено кај Томас Тухел. Работите се сменија со доаѓањето на новиот тренер. Венсан Компани смета дека младиот Французин не му е потребен.
Од почетокот на сезоната, Тел има само четири настапи во Бундеслигата, од кои еден во второто коло против Фрајбург. Оттогаш не игра разделбата е извесна што потврди и спортскиот директор на Баерн:
„Разговараме со играчите, како и со стручниот штаб, бидејќи за нас е важно момците да преземат добри чекори во развојот на нивните кариери“, изјави Фројнд.
Баерн би можел да го испрати Тел на позајмица, а договорот на Французинот со клубот од Минхен истекува во 2029 година.
Спорт
Ла Лига: Винисиус се занимава со пиратерија
Винисиус Жуниор поради повреда не играше за Реал против Ливерпул, во средата. Реал загуби на „Енфилд“ со 2:0.
Бразилецот и покрај тоа што не играше успеа да предизвика скандал и реакција од Ла Лига. Тој со објавата на Инстаграм сакаше да покаже колку му е тешко што не е со тимот на „Енфилд“.
Винисиус се снимил како го гледа натпреварот во својот дом во Мадрид и го објавил на споменатата социјална мрежа. На екранот на неговиот телевизор јасно се гледа логото на ТНТ Спортс од Бразил. Ова предизвика реакција од Ла Лига, која на Реал му испрати официјална жалба за однесувањето на својот ас.
„За време на натпреварот помеѓу Ливерпул и Реал, Винисиус објави фотографија на Инстаграм како го следи натпреварот. На екранот се гледа логото на ТНТ Спортс. Ова е пиратерија. Кога некој ги гледа натпреварите од Лигата на шампионите од Шпанија, тоа мора да се направи преку Мовистар канал, кој ги плаќа правата за споменатото натпреварување во оваа земја“, стои во дописот од Ла Лига испратен до Реал.
Спорт
Ливерпул без Конате во дербито против Манчестер сити
Централниот фудбалски настан во Англија викендов е дуелот помеѓу Ливерпул и Манчестер сити на „Енфилд“. Натпреврот ќе се одигра во недела од 17 часот.
Клубот од „Енфилд“ игра одлично од почетокот на сезоната. Ливерпул моментално е на врвот во Премиер лигата, како и во Лигата на шампионите, тимот со Арне Слот на клупата има 17 победи на 19 одиграни натпревари од стартот на сезоната.
Лоша вест за Слот е повредата на Ибрахим Конате. Дефанзивецот се повреди во средата против Реал. По последниот свиреж на судијата Франсоа Летексие тој остана на теренот каде му беше укажана помош, а потоа со помош на лекарскиот тим замина во соблекувалната.
Ливерпул претпладнево објави дека Конате нема да игра до крајот на годината, односно го очекува пауза од околу шест недели.
Веројатно на местото на Конате, во тандем со капитенот Ван Дајк ќе игра Џарел Кванса. Од стартот на сезоната Кванса има одиграно само 45 минути во Премиер лигата, две минути на теренот беше во Лигата на шампионите, а во Лига купот собра 180 минути.